अॅडलेड, : ऑस्ट्रेलियाविरुद्धच्या पहिल्या कसोटी सामन्याला आजपासून सुरुवात झाली. सामन्याच्या पहिल्या दिवशी भारतीय संघाला ६ बाद २३३ धावा करता आल्या. पण भारतीय संघ यापेक्षा जास्त धावा आज करू शकला असता. पण भारताला मोठी धावसंख्या उभारता आली नाही. त्यामुळे या पहिल्या दिवसाचा टर्निंग पॉइंट नेमका काय ठरला, याबाबत भारताचा तंत्रशुद्ध फलंदाज चेतेश्वर पुजाराने आपले मत मांडले आहे. पहिल्या दिवसाचा टर्निंग पॉइंट काय ठरला...पुजाराने यावेळी सांगितले की, " आजच्या तिसऱ्या सत्रात भारतीय संघ जलदगतीने धावा जमवत होता. कर्णधार विराट कोहली आणि अजिंक्य रहाणे हे दमदार फलंदाजी करत होते आणि ऑस्ट्रेलियाचा संघ त्यावेळी पिछाडीवर होता. पण कोहली आणि रहाणे यांच्या विकेट्स या ठराविक अंतराने गेल्या. त्यामुळे ऑस्ट्रेलियाच्या संघाला फायदा झाला. पण सध्याच्या घडीलाहा भारतीय संघ सुस्थितीत आहे." भारतीय संघाने किती धावा करायल्या हव्यात...पहिल्या डावात भारतीय संघाने किती धावा करायला हव्यात, याबाबत पुजारा म्हणाला की, " दुसऱ्या दिवशीही भारतीय फलंदाज चांगल्या धावा करतील, यावर मला विश्वास आहे. माझ्यामते भारतीय संघाला २७५-३५० धावांपर्यंत मजल मारायला हवी. कारण या खेळपट्टीवर जर ऑस्ट्रेलियावर दबाव बनवायचा असेल तर भारताला एवढी धावसंख्या करायला हवी. माझ्यामते वृद्धिमान साहा आणि आर. अशिवन हे चांगली फलंदाजी करतील आणि भारतीय संघ ही सन्मानजनक धावसंख्या उभारू शकेल." ऑस्ट्रेलियाविरुद्धच्या पहिल्या सामन्यात भारताने ज काही कमावले होते ते गमावण्याची पाळी त्यांच्यावर आली. पहिल्या दिवसाच्या दुसऱ्या सत्रात भारतीय संघाने दमदार फलंदाजी केली होती. पण तिसऱ्या सत्रात भारताने कर्णधार विराट कोहलीची महत्वाची विकेट गमावली. त्याचबरोबर भारतीय संघ अपेक्षित धावसंख्या उभारू शकला नसल्याचे पाहायला मिळाले. त्यामुळे दिवसाअखेर ऑस्ट्रेलियाचे पारडे भारतापेक्षा वरचढ असल्याचे पाहायला मिळाले. भारताने पहिल्या दिवस अखेर ८९ षटकांत ६ बाद २३३ अशी मजल मारली आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/37sVior
No comments:
Post a Comment