रोहित शर्मासाठी आज महत्त्वाचा दिवस; होणार भवितव्याचा निर्णय

नवी दिल्ली: भारतीय संघाचा स्टार फलंदाज रोहित शर्मासाठी आजचा म्हणजे ११ डिसेंबर हा दिवस अतिशय महत्त्वाचा आहे. भारतीय संघ सध्या ऑस्ट्रेलियाच्या दौऱ्यावर असून या दोन्ही संघात वनडे आणि टी-२० मालिका झाली आहे. या दोन्ही मालिकेत अनेकदा उप कर्णधार रोहित शर्माची कमी जाणवत होती. आता कसोटी मालिकेला १७ डिसेंबरपासून सुरूवात होत आहे. वाचा- आजचा दिवस रोहितसाठी महत्त्वाचा आहे कारण आज त्याची फिटनेस टेस्ट होणार आहे. ऑस्ट्रेलिया दौऱ्यावर जाण्यासाठी आज रोहितची बेंगळुरू येथील राष्ट्रीय क्रिकेट अकादमीत अर्थात एमसीए येथे फिटनेस टेस्ट होणार आहे. युएईमध्ये झालेल्या आयपीएलच्या १३व्या हंगामात त्याला हॅमस्ट्रिंगची दुखापत झाली होती. आज होणाऱ्या फिटनेस टेस्टनंतर रोहित या दुखापतीमधून बाहेर आला आहे का हे लक्षात येईल. फिटनेस टेस्टच्या निकालानंतरच तो ऑस्ट्रेलिया दौऱ्यावर जाईल की नाही हे निश्चित केले जाईल. वाचा- जर या फिटनेस टेस्टमध्ये पास झाला तर ऑस्ट्रेलियाविरुद्धच्या अखेरच्या दोन कसोटी सामन्यात तो खेळू शकले. रोहित आताच पहिल्या दोन कसोटी सामन्यातून बाहेर झाला आहे. तिकडे ऑस्ट्रेलियात विराट कोहली पहिल्या कसोटी सामन्यानंतर भारतात परत येईल. कोहली भारतात परतल्यानंतर त्याच्या जागी रोहित सारखा फलंदाज संघात असेल तर भारतासाठी आश्वासक ठरू शकते. वाचा- ऑस्ट्रेलिया दौऱ्यात निवड समितीने रोहितला दुखापतीमुळे संधी दिली नव्हती. पण नंतर आयपीएलमधील फिटनेस पाहता त्याचा कसोटी संघात समावेश करण्यात आला. पण फिटनेस नसल्याने तो पहिल्या दोन कसोटीतून बाहेर झाला. आता आज फिटनेट टेस्ट पास झाला तर तो ऑस्ट्रेलियाला जाऊ शकेल. बीसीसीआय ऑस्ट्रेलियातील त्याचा क्वारंटाइन कालावधी कमी करण्याची विनंती करू शकते.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3oHZbfa