नवी दिल्ली : क्रिकेट चाहत्यांसाठी एक आनंदाची बातमी आली आहे. कारण चाहत्यांच्या लाडक्या क्रिकेटपटूच्या घरी पाळणा हलला आहे. या क्रिकेटपटूने आपल्या बाळाचा फोटो सोशल मीडियावर पोस्ट केला असून तो चांगलाच व्हायरल झाला आहे. न्यूझीलंडचा कर्णधार केन विल्यम्सनच्या घरी एक नवीन पाहुण आला असून केन आणि त्याच्या पत्नीला कन्यारत्न झाले आहे. बुधवारी केनने आपल्या या नन्ही परीचा फोटो सोशल मीडियावर पोस्ट केला आहे. चाहत्यांनी या फोटोला चांगलाच प्रतिसाद दिला असून हा फोटो चांगलाच व्हायरल झाला आहे. केनची पत्नी सारा ही एक नर्स आहे. केन न्यूझीलंडचा कर्णधार आहेच, पण त्याचबरोबर आयपीएलमध्ये तो सनरायझर्स हैदराबादच्या संघाचे प्रतिनिधीत्व करतो. या आनंदाच्या घडीसाठी केन आपल्या घरी परतला होता. ३० वर्षीय केनने आपल्या या मुलीचा फोटो शेअर केला असून त्याखाली लिहिले आहे की, " आमच्या कुटुंबात एका सुंदर मुलीचे आगमन झाले आहे. आमच्यासाठी हा सर्वात आनंदाचा क्षण आहे. माझ्या जीवनातील हा एक रोमांचक क्षण आहे." न्यूझीलंडमध्ये सध्या वेस्ट इंडिजचा संघ दाखल झाला आहे आणि त्यांच्यामध्ये कसोटी मालिका सुरु आहे. पहिल्या कसोटी सामन्यात केन खेळला होता आणि त्याने सर्वाधिक २५१ धावांची अतुलनीय खेळी साकारली होती. केनच्या या खेळीच्या जोरावर न्यूझीलंडने वेस्ट इंडिजवर १३४ धावांनी दमदार विजय मिळवला होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3mlGb4l
No comments:
Post a Comment