एडिलेड : गेल्या काही काळापासून खराब फॉर्ममध्ये असलेल्या आणि धावा करण्यात अपयशी ठरलेल्या पृथ्वी शॉला ऑस्ट्रेलियाविरुद्धच्या पहिल्या कसोटी सामन्यात संधी दिली. पण त्याला भोपळा देखील फोडता आली नाही. पहिल्या ओव्हरच्या दुसऱ्याच चेंडूवर मिचेल स्टार्कने त्याची बोल्ड घेतली. त्यानंतर सोशल मीडियावर टॉप ट्रेंडमध्ये आला. फक्त पृथ्वीच नव्हे तर भारताचा माजी सलामीवीर विरेंद्र सेहवाग देखील ट्रेंडमध्ये आला. वाचा- एडिलेड येथील डे-नाइट कसोटी सामन्यात भारताचा कर्णधार विराट कोहलीने नाणेफेक जिंकून प्रथम फलंदाजी करण्याचा निर्णय घेतला. खेळपट्टी फलंदाजीसाठी चांगली दिसते. त्यामुळे चांगली धावसंख्या उभी करून प्रतिस्पर्धी संघावर दबाव टाकण्याची अशा आहे, असे विराट म्हणाला. वाचा- भारताकडून पृथ्वी आणि मयांक अग्रवला यांनी डावाची सुरूवात केली. स्टार्कने पहिल्याच ओव्हरच्या दुसऱ्या चेंडूवर ऑफ साइडकडून चेंडू टाकला आणि पृथ्वीने पाय पुढे करत शॉट खेळण्याचा प्रयत्न केला. पण चेंडू विकेटवर लागला. पहिल्याच ओव्हरमध्ये विकेट मिळाल्याने ऑस्ट्रेलियाच्या खेळाडूंनी जोरदार जल्लोष केला. पृथ्वी बाद झाल्यानंतर युझर्सनी त्याला ट्रोल करण्यास सुरूवात केली. इतक नाही तर भारताचा माजी स्फोटक फलंदाज विरेंद्र सेहवाग देखील पृथ्वी सोबत ट्रेंड मध्ये आला. सेहवाग अचानक ट्रेंडमध्ये कसा काय आला असा प्रश्न सर्वांना पडला. पण काही दिवसांपर्यंत पृथ्वीची तुलना सचिन तेंडुलकर, विरेंद्र सेहवाग आणि राहुल द्रविड यांच्याशी केली जात होती. वाचा- भारतीय संघाचे मुख्य कोच रवी शास्त्री यांनी तर पृथ्वीमध्ये तीन दिग्गज खेळाडूंचे मिश्रण असल्याचे म्हटले होते. पृथ्वीमध्ये सचिन, सेहवाग आणि लारा या दिग्गज खेळाडूंचे मिश्रण असल्याचे ते म्हणाले होते. आता सोशल मीडियावर यावरून युझर्स ट्रोल करत आहेत. पृथ्वी शॉ गेल्या काही काळापासून खराब फॉममध्ये आहे. आयपीएल त्यानंतर ऑस्ट्रेलिया अ विरुद्धच्या सराव सामन्यात देखील तो धावा करण्यात अपयशी ठरला होता. त्यानंतर देखील भारतीय संघ व्यवस्थापनाने पहिल्या कसोटीत त्याला संधी दिली. काल पहिल्या कसोटीसाठी जेव्हा अंतिम ११ खेळाडूंची नावे जाहीर करण्यात आली तेव्हा त्यात पृथ्वीचे नाव पाहून अनेकांना धक्का बसला होता. सलामीवीर म्हणून पृथ्वी आणि शुभमन गिल यांच्यात स्पर्धा होती. पृथ्वीच्या तुलनेत गिलने सराव सामन्यात चांगली कामगिरी केली होती. पृथ्वी खराब फॉर्ममध्ये असल्यामुळे त्याच्या ऐवजी गिलचा विचार करावा असे मत अनेक माजी क्रिकेटपटूंनी व्यक्त केले होते. तरी देखील पृथ्वीवर विश्वास दाखवत त्याला पहिल्या कसोटी संधी दिली. पण ही संधी त्याने पुन्हा वाया घालवली. ऑस्ट्रेलिया अ विरुद्ध झालेल्या दोन सराव सामन्यात त्याने फक्त ६२ धावा केल्या होत्या. त्यातील ४० धावा या एका डावात केल्या होत्या. पृथ्वीने ४ कसोटी सामन्यात एकूण ३३५ धावा केल्या आहेत. त्याच्या नावावर एक शतक आणि २ अर्धशतक आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3nwNtni
No comments:
Post a Comment