चेन्नई: ind vs eng 2021 यांच्यातील पहिला कसोटी सामना सुरू होण्यास फक्त दोन दिवसांचा कालावधी शिल्लक राहिला आहे. दोन्ही संघातील पहिली लढत चेन्नईच्या चेपॉक मैदानावर होणार आहे. या मालिकेसाठी भारतीय संघात ज्या खेळाडूंचे कमबॅक झालाय त्यामध्ये ()चा समावेश आहे. ऑस्ट्रेलियाविरुद्धच्या कसोटी मालिकेत हार्दिक संघात नव्हता. आता इंग्लंडविरुद्ध त्याला अंतिम ११ मध्ये संधी मिळते का हे पाहणे उत्सुकतेचे ठरणार आहे. वाचा- भारतीय क्रिकेट संघाचा माजी जलद गोलंदाज इरफान पठाण याने इंग्लंड विरुद्धच्या पहिल्या कसोटीत हार्दिक पंड्याला संधी मिळण्याची शक्यता कमी असल्याचे म्हटले आहे. हार्दिकच्या ऐवजी संघात अष्ठपैलू वॉशिंग्टन सुंदरला संधी मिळू शकते. फिरकीपटू असलेल्या सुंदरने ब्रिस्बेन कसोटीत शानदार फलंदाजी देखील केली होती. त्यामुळे पहिल्या कसोटीत त्याला संधी मिळण्याची शक्यता आहे, असे पठाण म्हणाला. वाचा- वॉशिंग्टन सुंदरला संधी मिळाली तर तो सातव्या क्रमांकावर फलंदाजी करू शकतो. त्यामुळेच हार्दिकला संधी मिळण्याची शक्यता कमी वाटते. सुंदरने फक्त एकच कसोटी सामना खेळला आहे. या पदार्पणाच्या सामन्यात भारताने ब्रिस्बेन मैदानावर ऐतिहासिक विजय मिळवला होता. त्याने पहिल्या डावात ६२ तर दुसऱ्या डावात २२ धावा केल्या. या शिवाय ऑस्ट्रेलियाच्या चार महत्त्वाच्या विकेट घेतल्या होत्या. वाचा- भारत आणि इंग्लंड यांच्यात चार कसोटी सामन्यांची मालिका होणार आहे. त्यानंतर पाच टी-२० आणि मग ३ सामन्यांची वनडे मालिका खेळवली जाणार आहे. कसोटी सामने चेन्नई आणि अहमदाबाद, टी-२० लढती अहमदाबाद तर वनडे लढती पुण्यात होणार आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3j94FOl
No comments:
Post a Comment