सिडनी, : तिसऱ्या कसोटी सामन्याच्या पहिल्या डावात भारतीय संघाला २४४ धावा करता आल्या. पण या सामन्यात एक अशी वाईट गोष्ट पाहायला मिळाली जी तब्बल १३ वर्षांनंतर घडली. शुभमन गिल आणि चेतेश्वर पुजाराचा अपवाद वगळला तर अन्य भारतीय फलंदाजांना या डावात अर्धशतक साकारता आले नाही. पण या डावात अजून एक नकोशी गोष्ट घडली. या डावात भारताचे तीन फलंदाज धावचीत झाल्याचे पाहायला मिळाले. भारतीय संघात ही गोष्ट तब्बल १३ वर्षांनंतर घडल्याचे पाहायला मिळाले आहे. या डावात हनुमा विहारी, आर. अश्विन आणि जसप्रीत बुमरा हे धावचीत झाल्याचे पाहायला मिळाले. यापूर्वी २००८ साली भारत आणि इंग्लंड यांच्यामध्ये मोहाली येथे कसोटी सामना खेळवण्यात आला होता. या सामन्यात भारताचे वीरेंद्र सेहवाग, युवराज सिंग आणि व्हीव्हीएस लक्ष्मण हे तीन फलंदाज धावचीत झाल्याचे पाहायला मिळाले होते. आतापर्यंत स्रवात जास्त वेळा भारतीय खेळाडू पाकिस्तानविरुद्धच्या सामन्यात धावबाद झाले आहेत. भारत आणि पाकिस्तान यांच्यामध्ये १९५५ साली झालेल्या सामन्यात भारताचे चार फलंदाज धावचीत झाल्याचे पाहायला मिळाले होते. त्याचबरोबर वेस्ट इंडिजविरुद्धच्या एका सामन्यातही दोन भारतीय फलंदाज धावचीत झाले होते. कसोटी सामन्यांमध्ये आतापर्यंत आठ वेळा ऑस्ट्रेलियाचे तीन फलंदाज धावचीत झाल्याचे पाहायला मिळाले आहे. तिसऱ्या दिवशी फलंदाजी करत असताना भारताचा दुसरा डाव २४४ धावांवर संपुष्टात आला आणि ऑस्ट्रेलियाने आघाडी घेतली. भारताकडून पहिल्या डावात चेतेश्वर पुजारा आणि शुभमन गिल यांनाच अर्धशतक झळकावता आले. अन्य खेळाडूंना मोठी खेळी साकारता न आल्यामुळेच भारतीय संघाला पहिल्या डावानंतर आघाडी घेता आली नाही. भारताचे तीन फलंदाज यावेळी धावचीत झाले आणि याचा मोठा फटका संघाला बसला. भारतीय संघाला तिसऱ्या कसोटी सामन्यातही मोठा धक्का बसला आहे. भारताचा यष्टीरक्षक रिषभ पंतला दुखापत झाली असून ती गंभीर स्वरुपाची आहे. त्यामुळे वैद्यकीय चाचणी करण्यासाठी पंतला आता हॉस्पिटलमध्ये नेण्यात आले आहे, अशी माहिती बीसीसीआयने दिली आहे. आजच्या तिसऱ्या दिवशी भारताचा कर्णधार अजिंक्य रहाणे आणि त्यानंतर हनुमा विहारी यांना मोठी खेळी साकारता आली नाही. पण त्यानंतर मात्र चेतेश्वर पुजारा आणि रिषभ पंत यांच्यामध्ये चांगली भागीदारी होत होती. ही भागीदारी फोडण्यासाठी ऑस्ट्रेलियाच्या गोलंदाजांनी बाऊन्सर्सचा वापर केला. यामधील एक बाऊन्सर पंतच्या डाव्या हाताच्या कोपराला लागला. ही दुखापत गंभीर स्वरुपाची असून आता त्याला तिसऱ्या दिवशी तरी खेळता येणार नाही, असे दिसत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/38qvDNy
No comments:
Post a Comment