अॅडलेड, : भारताने आज सामन्याच्या दुसऱ्या दिवशी ऑस्ट्रेलियावर आघाडी घेतली. भारताच्या गोलंदाजांनी आजचा दिवस गाजवला. पण त्यानंतरही भारताचे मुख्य प्रशिक्षक रवी शास्त्री हे सोशल मीडियावर ट्रोल होताना दिसत आहेत. शास्त्री नेमके कशामुळे ट्रोल होत आहेत, पाहा... भारताने आजचा दिवस गाजवला असला तरी पृथ्वी शॉ हा आजदेशील अपयशी ठरलेला पाहायला मिळाला. पृथ्वी या सामन्यातील दोन्ही डावांमध्ये मिळून फक्त सहा चेंडूंचा सामना करता आला आणि त्याच्या नावावर चारच धावा आहेत. शास्त्री यांनी पृथ्वीची तुलना भारताचा माजी महान क्रिकेटपटू सचिन तेंडुलकर, वीरेंद्र सेहवाग आणि ब्रायन लारा यांच्याबरोबर केली होती. त्यामुळे सोशल मीडियावर आता शास्त्री यांना चाहते ट्रोल करत आहेत. भारतीय संघाने पहिल्या डावात चांगली आघाडी घेतली होती. त्यावेळी भारतीय संघाला आजच्या दिवशी फक्त आठ षटके खेळायची होती. भारताचे टदोन्ही सलामीवीर ही जबाबदारी यशस्वीरीत्या पार पाडतील, असे वाटले होते. पण भारताचा युवा सलामीवीर पृथ्वी शॉ हा पुन्हा एकदा अपयशी ठरला आणि त्याला फक्त चार धावाच करता आल्या. भारताचा कर्णधार विराट कोहली हा सामन्याच्या दुसऱ्या दिवशी चांगलाच भडकलेला पाहायला मिळाला. पृथ्वी शॉकडून क्षेत्ररक्षण करताना मोठी चुक झाल्याचे पाहायला मिळाले. त्यानंतर कोहलीचा संताप अनावर झाला आणि त्याने पृथ्वीला अपशब्द वापरले. पृथ्वीने यावेळी नेमकी कोणती मोठी चुक केली, याचा व्हिडीओ सध्याच्या घडीला चांगलाच व्हायरल झालेला पाहायला मिळत आहे. ही गोष्टी घडली ती २३व्या षटकात. त्यावेळी भारताचा जसप्रीत बुमरा गोलंदाजी करत होता. या षटकात बुमराने एक बाऊन्सर टाकला. या बाऊन्सरवर मार्नस लाबुशेनने पुलचा फटका मारला. त्यावेळी हा चेंडू हवे उडाला आणि पृथ्वी तिथे फिल्डिंग करत होता. पृथ्वीसाठी हा एक चांगला झेल होता. पण पृथ्वी यावेळी गडबडला आणि त्याने हा झेल सोडला. त्यानंतर कोहलीचा राग अनावर झाला आणि कोहलीने पृथ्वीला शिवी दिल्याची चर्चा चाहते करत होते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2J205Up
No comments:
Post a Comment