मुंबई : टी. नटराजन हा वेगवान गोलंदाज गेल्या काही महिन्यांपासून भारताचा एक महत्वाचा खेळाडू बनला आहे. त्याचबरोबर नटराजन आतापर्यंत ज्या सामन्यांमध्ये खेळला आहे, त्यापैकी बहुतांशी सामने भारताने जिंकले आहेत. पण तरीही नटराजनवर बीसीसीआयने अन्याय का केला, याचे उत्तर सध्याच्या घडीला तरी मिळत नाही. बीसीसीआयने गुरुवारी आपल्या खेळाडूंच्या कराराची यादी जाहीर केली. या यादीमधील गटांनुसार खेळाडूंना वार्षिक मानधन मिळत असते. यामध्ये किमान रक्कम ही एक कोटी रुपये एवढी ठेवण्यात आलेली आहे. पण नटराजनला मात्र या करारामध्ये स्थान देण्यात आलेले नाही. शुभमन गिल आणि मोहम्मद सिराज हे या यादीमध्ये आहेत, पण नटराजनचे नाव मात्र या यादीमध्ये नाही. नटराजन हा कसोटी, एकदिवसीय आणि ट्वेन्टी-२० या तिन्ही प्रकारात भारताकडून खेळतो, पण तरीही त्याला बीसीसीआयच्या करारात सामील करण्यात आलेले नाही. बीसीसीआयने ही गोष्ट का केली, याचे कारण त्यांनी सांगितलेले नाही. नटराजनला करार न मिळण्याबाबत काही गोष्टी आहे. एक तर नटराजन हा भारतीय संघातील नेट बॉलर होता. पण ऑस्ट्रेलियामध्ये खेळाडू दुखापतग्रस्त असल्यामुळे त्याला संधी देण्यात आली. या संधीचे नटराजनने सोने केले. पण तरीह त्याला बीसीसीआयने करारबद्ध केलेले नाही. कचादित गेल्यावर्षीच पदार्पण केल्यामुळे नटराजनला बीसीसीआयच्या करारामध्ये स्थान देण्यात आले नसावे. पण बीसीसीआयने मात्र नटराजनबाबत कोणतेही स्पष्टीकरण दिलेले नाही आणि आता बीसीसीआयच्या स्पष्टीकरणाचीच वाट बघितली जात आहे. बीसीसीआयने कोणत्या खेळाडूंना करारबद्ध केले, पाहा...बीसीसीआयच्या करारामध्ये चार विभाग केलेले असतात. यामध्ये सर्वप्रथम A+ हा विभाग येतो, यामधील खेळाडूंना दरवर्षी सात कोटी रुपये बीसीसीआयकडून मिळतात. या गटामध्ये तीन खेळाडूंचा समावेश करण्यात आला आहे. या गटामध्ये कर्णधार विराट कोहली, उपकर्णधार रोहित शर्मा आणि जसप्रीत बुमरा यांना संधी देण्यात आली आहे. या तिघांनाही बीसीसीआयकडून सात कोटी रुपये मिळणार आहेत. बीसीसीआय A गटातील खेळाडूंना वार्षिक पाच कोटी रुपये देते. या गटामध्ये बीसीसीआयने रवीचंद्रन अश्विन, रवींद्र जडेजा, चेतेश्वर पुजारा, अजिंक्य रहाणे, शिखर धवन, लोकेश राहुल, हार्दिक पंड्या, रिषभ पंत, मोहम्मद शमी, इशांत शर्मा यांना संधी देण्यात आली आहे. बीसीसीआय B गटातील खेळाडूंना दरवर्षी तीन कोटी रुपये करारामधून मिळतात. या गटामध्ये बीसीसीआयने भुवनेश्वर कुमार, शार्दुल ठाकूर, वृद्धिमान साहा, मयांक अगरवाल आणि उमेश यादव यांना संधी देण्यात आली आहे. बीसीसीआयकडून C गटातील खेळाडूंना दरवर्षी एक कोटी रुपये देण्यात येतात. बीसीसीआयने गटातील खेळाडूंमध्ये कुलदीप यादव, नवदीप सैनी, दीपक चहर, शुभमन गिला, हनुमा विहारी, अक्षर पटेल, श्रेयस अय्यर, वॉशिंग्टन सुंदर, युजवेंद्र चहल आणि मोहम्मद सिराज यांचा समावेश करण्यात आला आहे. बीसीसीआय दरवर्षी आपल्या खेळाडूंबरोबर करार करत असते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2OTVsi9
No comments:
Post a Comment