मुंबई: आयपीएलचा १४वा हंगाम सुरू आहे आणि आज होणाऱ्या डबल हेडरमधील दुसरी लढत दिल्ली कॅपिटल्स विरुद्ध पंजाब किंग्ज यांच्यात होणार आहे. यातील पंजाब किंग्जचा कर्णधार केएल राहुलचा आज वाढदिवस आहे. भारतीय संघासोबत राहुलची आयपीएलमधील कामगिरी शानदार आहे. वाचा- आयपीएलच्या सलग तीन हंगामात राहुलने सर्वाधिक धावा करणाऱ्या फलंदाजांमध्ये स्थान मिळवले आहे. गेल्या वर्षी युएइमध्ये झालेल्या आयपीएल २०२० मध्ये राहुलने सर्वाधिक धावा करत ऑरेज कॅप मिळवली होती. या वर्षी पंजाबला पहिले आयपीएलचे विजेतेपद मिळवून देण्याचा त्याचा प्रयत्न असेल. वाचा- या हंगामातील पहिल्या सामन्यात राहुलने ९१ धावांची खेळी केली होती. राजस्थानविरुद्धच्या सामन्यात पंजाबने २२१ धावा केल्या होत्या. त्यानंतर चेन्नई किंग्जविरुद्धच्या सामन्यात त्यांचा पराभव झाला. आज आता दिल्लीविरुद्ध चांगली कामगिरी करून विजय मिळवण्याचा पंजाबचा प्रयत्न असेल. राहुल संघात कोणत्याही भूमिकेत खेळण्यास तयार असतो. सलामीवीर म्हणून असो की मधल्याफळीतील फलंदाज किंवा मग गरज पडली तर फिनिशर म्हणून देखील राहुल मैदानात दिसतो. या शिवाय विकेटकिपर म्हणून देखील राहुल आयपीएल सोबत भारतीय संघात देखील असोत. वेगवेगळ्या जबाबदारी पार पाडताना राहुलने कधीच निराश केले नाही. विराट कोहली आणि रोहित शर्मा यांच्या गैरहजेरीत त्याने भारतीय संघाचे नेतृत्व केले आहे. वाचा- आयपीएलमध्ये २०१८ साली त्याने सर्वाधिक धावा करणाऱ्या फलंदाजांमध्ये तिसरे स्थान मिळवले होते. तर २०१९ साली तो या यादीत दुसऱ्या स्थानावर होता. २०२०मध्ये तो पहिल्या स्थानावर पोहोचला. राहुलने २०१८ साली १४ सामन्यात ५४.९१च्या सरासरीने पाच अर्धशतकासह ६५९ धावा, २०१९ साली १४ सामन्यात ५३.९०च्या सरासरीने एक शतक आणि ६ अर्धशतकासह ५९३ धावा तर २०२० मध्ये ५५.८३च्या सरासरीने ६७० धावा केल्या होत्या. यामध्ये १ शतक आणि पाच अर्धशतक होती. आयपीएलमध्ये राहुलने ८३ सामन्यात ४४.९६च्या सरासरीने २ हजार ७४३ धावा केल्या आहेत. यात २ शतक आणि २२ अर्धशतक आहेत. वाचा- ... भारतीय संघाकडून आंतरराष्ट्रीय क्रिकेट खेळताना राहुलने ३६ कसोटीत ३४.५९च्या सरासरीने २ हजार ६ धावा केल्या आहेत. यात ५ शतक आणि ११ अर्धशतक आहेत. वनडेत ३८ सामन्यात ४८.६८च्या सरासरीने १ हजार ५०९ धावा केल्या आहेत. यात ५ शतक आणि ९ अर्धशतक आहेत. टी-२०चा विचार केल्यास ४८ सामन्यात ३९.९२च्या सरासरीने १ हजार ५५७ धावा केल्या असून यात २ शतक आणि १२ अर्धशतक आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/32rlhJu
No comments:
Post a Comment