भारतीय कसोटी संघात होणार मोठा बदल; पाहा कोणाला मिळणार डच्चू

साउदम्प्टन: न्यूझीलंडकडून वर्ल्ड टेस्ट चॅम्पियनशिपच्या फायनल (World Test Championship Final) मध्ये पराभूत झाल्यानंतर भारताचा कर्णधार विराट कोहली( )ने संघात बदल करण्याचे संकेत दिले आहेत. फायनल सामन्यातील कामगिरीचा आढावा घेतला जाईल आणि योग्य व्यक्तींची निवड केली जाईल असे त्याने स्पष्ट केले. वर्ल्ड टेस्ट चॅम्पियनशिपच्या फायनलमध्ये भारतीय फलंदाजांनी निराशा केली. जी गोष्टी भारताची ताकद होती तिच त्याच्या पराभवासाठी कारणीभूत ठरली. विराट कोहलीला त्याच्या नेतृत्वाखाली आयसीसीच्या स्पर्धेचे विजेतेपद मिळवण्याची ही एक मोठी संधी होती. पराभवानंतर बोलताना विराट म्हणाला, जे खेळाडू चांगल्या कामगिरीसाठी योग्य मानसिकतेने मैदानात उतरतील त्यांची संघात निवड केली जाईल. कोहलीने कोणत्याही खेळाडूचे नाव घेतले नाही पण काही खेळाडू धावा करण्याची मानसिकता दाखवत नाहीत. वाचा- फायनल सामन्यात भारताच्या एकाही फलंदाजाला अर्धशतक करता आले नाही. फक्त कसोटी खेळणाऱ्या चेतेश्वर पुजाराने पहिल्या डावात ५४ चेंडूत ८ धााव केल्या. त्याने पहिली धाव काढण्यासाठी ३५ चेंडू खेळले. दुसऱ्या डावात ८० चेंडूत १५ धाववा करून बाद झाला. उपकर्णधार अजिंक्य रहाणेने पहिल्या डावात ४९ तर दुसऱ्या डावात १५ धावा केल्या. सामना झाल्यानंतर ऑनलाइन पत्रकार परिषदेत बोलताना विराट म्हणाला, आम्ही आत्मपरिक्षण करू आणि यावर चर्चा करू की संघ मजबूत करण्यासाठी काय करण्याची गरज आहे. यासाठी एक वर्षाची वाट पाहिली जाणार नाही. जर तुम्ही आमची मर्यादीत षटकांचा संघ पाहिला तर आमच्याकडे तळापर्यंत चांगले खेळाडू आहेत आणि त्यांच्याकडे आत्मविश्वास आहे. कसोटी क्रिकेटमध्ये याची गरज आहे. वाचा- आम्हाला नव्याने आढावा घ्यावा लागले योजना तयार करावी लागले. हे समजून घेणे गरजेचे असेल की काय महत्त्वाचे आहे. योग्य व्यक्तींची निवड केली पाहिजे, जे चांगल्या मानसिकतेने मैदानात उतरतील.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3xOAMJj