नवी दिल्ली : फायनलमध्ये पराभूत झाल्यानंतर भारताला विजयाची आशा आता श्रीलंकेच्या दौऱ्यातच आहे. या दौऱ्यासाठी भारताच्या संघात युवा खेळाडू तर आहेच, पण प्रशिक्षकपद हे राहुल द्रविड यांच्याकडे सोपवण्यात आले आहे. पण श्रीलंकेच्या दौऱ्यातील सामने कोणत्या दिवशी सुरु होणार, त्यांची वेळ काय असेल आणि तुम्ही तो सामना कुठे पाहू शकता, या सर्व गोष्टी तुम्हाला एकाच क्लिकवर पाहता येणार आहेत. भारत आणि श्रीलंकेतील मालिका कधीपासून सुरु होणार, जाणून घ्या...भारतीय संघ या दौऱ्यात तीन वनडे आणि तीन ट्वेन्टी-२० सामने खेळणार आहे. यावेळी वनडे सामने दुपारी २.३० वाजल्यापासून सुरु होतील, तर ट्वेन्टी-२० सामेन रात्री सात वाजता सुरु होतील. भारताचा पहिला वनडे सामना हा १३ जुलैला होणार आहे, त्यानतंर दुसरा वनडे सामना १६ जुलैला खेळवण्यात येणार आहे. भारत आणि श्रीलंका यांच्यातील अखेरचा आणि तिसरा वनडे सामना १८ जुलैला खेळवण्यात येणार आहे. भारत आणि श्रीलंका यांच्यातील तीन ट्वेन्टी-२० सामन्यांच्या मालिकेला २१ जुलैला सुरुवात होणार आहे. या दिवशी दोन्ही संघांत पहिला ट्वेन्टी-२० सामना खेळवला जाणार आहे, त्यानंतर दुसरा ट्वेन्टी-२० सामना हा २३ जुलैला खेळवण्यात येणार आहे. भारत आणि श्रीलंका यांच्यातील तिसरा ट्वेन्टी-२० सामना हा २५ जुलैला खेळवला जाईल. हे सर्व सामना कोलंबोतील प्रमदासा स्टेडियमवर होणार आहेत. भारताचा संघ कसा असेल, जाणून घ्या...श्रीलंकेच्या दौऱ्यासाठी भारतीय संघाचे नेतृत्व शिखर धवनकडे सोपवण्यात आले आहे. धवनबरोबर या संघात पृथ्वी शॉ, देवदत्त पडीक्कल आणि ऋतुराज गायकवाड हे सलामीवीर असतील. त्याचबरोबर संघात सूर्यकुनार यादव, मनीष पांडे, हार्दिक पंड्या, नितीष राणा हे फलंदाज असतील. या संघात इशान किशन, संजू सॅमसन हे दोन यष्टीरक्षक फलंदाज असतील. त्याचबरोबर गोलंदाजीमध्ये युजवेंद्र चहल, राहुल चहर, कुलदीप यादव, वरुण चक्रवर्ती, भुवनेश्वर कुमार, दीपक चहर, नवदीप सैनी आणि चेतन साकरिया यांचा समावेश करण्यात आला आहे. कुठे पाहू शकाल हे सामने, जाणून घ्या...या सामन्यांचे थेट प्रसारण सोनीच्या क्रीडा वाहिन्यांवर होणार आहे. त्याचबरोबर या सामन्यांचे Live streaming हे Sony LIV appवर होणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3qtBSaQ
No comments:
Post a Comment