फायनल सुरु असताना चक्क टॉयलेटमध्ये लपला होता सामनावीर जेमिन्सन, जाणून घ्या नेमकं काय घडलं होतं...

नवी दिल्ली : फायनलमध्ये सर्वोत्तम कामगिरी करून जो सामनावीर ठरला, तो न्यूझीलंडचा वेगवान गोलंदाज कायले जेमिन्सन चक्क टॉयलेटमध्ये लपला होता. या फायनलच्यावेळी नेमकं असं काय झालं होतं की जेमिन्सनवर टॉयलेटमध्ये लपण्याची वेळ आली होती. पण बाबतचा खुलासा आता जेमिन्सननेच केला आहे. जेमिन्सनवर टॉयलेटमध्ये लपण्याची वेळ का आली होती, जाणून घ्या....फायनलमध्ये सर्वात यशस्वी गोलंदाज जेमिन्सन ठरला होता. पण आपण टॉयलेटमध्ये का लपलो होतो, याबाबत जेमिन्सन म्हणाला की, " जेव्हा मी फायनलचा सामना पाहत होतो तेव्हा सर्वात कठिण काळ सुरु होता. ज्या गोष्टीचा अनुभव मी घेतला आहे. आम्ही पेव्हेलियनमध्ये टीव्हीवर सामना पाहत होतो. टीव्हीवर सामना काहीसा उशिरा प्रसारीत होतो. पण त्यावेळी मैदानातील प्रेक्षक जोरात ओरडत होते. त्यामुळे आम्हाला वाटत होतो की, विकेट पडली की काय. त्यामुळे आमच्यावर दडपण वाढत होते. त्यावेळी नेमकं काय करावं ते सुचत नव्हतं. कारण चेंडू निर्धाव गेल्यावरही प्रेक्षक असे ओरडत होते की, न्यूझीलंडची विकेट गेली आहे. त्यामुळे हा सर्वात कठीण काळ होता. त्यावेळी मी टॉयलेटमध्ये गेलो होतो. तिथे कोणताच आवाज येत नव्हता. कारण त्यावेळी आवाजामुळे दडपण वाढत होते आणि त्यावर मला कोणताच उपाय सापडत नव्हता. पण कर्णधार केन विल्यम्सन आणि रॉस टेलर यांनी दमदार फलंदाजी केली. त्याच्या या धावांमुळेच आम्ही विजय साकारू शकलो." भारताचा कर्णधार विराट कोहलीला जेमिन्सनने फायनलच्या दोन्ही डावांमध्ये बाद केले होते. फायनलमध्ये जेमिन्सनने पहिल्या डावात भारताच्या पाच विकेट्स काढल्या होत्या, या सामन्यात जेमिन्सनचा अपवाद वगळता कोणालाही ही गोष्ट करता आली नव्हती. पण त्याच जेमिन्सनवर टॉयलेटमध्ये लपण्याची वेळ आली होती. कारण न्यूझीलंडचा संघ जेव्हा धावांच्या आव्हानाचा पाठलाग करत होता, तेव्हा त्यांचे दोन्ही सलामीवीर झटपट बाद झाले होते. त्यानंतर जर न्यूझीलंडने केन किंवा रॉस यांच्यापैकी एकाची तरी विकेट गमावली असती तर त्यांच्यावर अजून दडपण वाढले असते.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2UbEsGk