साऊदम्प्टन: वर्ल्ड टेस्ट चॅम्पियनशिपचा फायनल १८ जून रोजी होणार आहे. फायनल मॅचच्या आधी न्यूझीलंडने इंग्लंडविरुद्धची कसोटी मालिका १-०ने जिंकली आहे. आता फायनलमध्ये भारताला जोरदार टक्कर मिळणार आहे यात काही शंका नाही. वाचा- फायनल मॅचमध्ये भारताची प्लेइंग इलेव्हन काय असेल याबद्दल अनेक जण त्यांची मते व्यक्त करत आहेत. जर पिच वेगवान आणि स्विंग गोलंदाजीला मदत करणारे असेल तर मोहम्मद सिराजचा तिसरा जलद गोलंदाज म्हणून संघात समावेश केला जाऊ शकतो. याचा अर्थ इशांत शर्माला संघाबाहेर केले जाऊ शकते. वाचा- अनुभवी इशांत शर्माने सराव सामन्यात चांगली गोलंदाजी केली होती आणि ३ विकेट घेतल्या. दुसऱ्या बाजूला सिराज देखील चागंल्या फॉर्ममध्ये दिसतोय. या दोघांच्या कामगिरीमुळे आता अंतिम ११ जणांमध्ये कोणाला संधी मिळेल याबाबत गोंधळ दिसतोय. या दोन्ही जलद गोलंदाजांच्या अखेरच्या पाच कसोटी सामन्यावर जर टाकली तर कोणी चांगली कामगिरी केली हे लक्षा येते. वाचा- इशांत शर्मा- अखेरच्या पाच कसोटीत इशांतने ११ विकेट घेतल्या आहेत. या काळात त्याने २१ ओव्हर निर्धाव टाकले आहेत. अखेरच्या पाच कसोटीत ६८ धावात ५ विकेट ही त्याची सर्वोत्तम कामगिरी आहे. इशांतने २०२० मध्ये वेलिंग्टन कसोटीत न्यूझीलंडविरुद्ध ६८ धावात ५ विकेट घेतल्या होत्या. शर्माची सरासरी २.७१ इतकी होती. या काळात त्याने पाच विकेट घेण्याची कामगिरी एकदा केली आहे. वाचा- ... - अखेरच्या पाच कसोटीत सिराजने १६ विकेट घेतल्या आहेत. या काळात त्याने ३९ ओव्हर निर्धाव टाकलेत. १५० धावात ६ विकेट ही त्याची सर्वोत्तम कामगिरी आहे. ही कामगिरी त्याने ऑस्ट्रेलियाविरुद्ध ब्रिस्बेन कसोटीत केली होती. तेव्हा पहिल्या डावात त्याला फक्त एक विकेट मिळाली होती. पण दुसऱ्या डावात त्याने ऑस्ट्रेलियाची दाणादाण उडली. ७३ धावात त्याने ५ विकेट घेतल्या होत्या. इशांत प्रमाणे त्याने देखील अखेरच्या पाच कसोटीत एकदा पाच विकेट घेण्याची कामगिरी केली आहे. वाचा- या दोघांची कामगिरी पाहिल्यानंतर दोघांपैकी सर्वोत्तम कोण हे ठरवणे अवघड आहे. सिराज युवा आणि आक्रमक गोलंदाज आहे. तो चेंडू स्विंग देखील करू शकतो. दुसऱ्या बाजूला इशांतकडे अनुभव आहे. त्याने न्यूझीलंडविरुद्ध आतापर्यंत ७ कसोटीत ३५ विकेट घेतल्या आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/35q2yPX
No comments:
Post a Comment