मुंबई: आयसीसी फायनल आणि इंग्लंड विरुद्ध होणाऱ्या पाच सामन्यांच्या कसोटी मालिकेसाठी रवाना होण्याआधी भारताचा कर्णधार आणि मुख्य प्रशिक्षक रवि शास्त्री यांनी पत्रकारांशी संवाद साधला. ऑनलाइन पत्रकार परिषदेत भारताच्या कर्णधाराने अनेक प्रश्नांची उत्तरे दिली. इंग्लंड दौऱ्यात भारत न्यूझीलंडविरुद्ध १८ जूनपासून रोजी WTC फायनल खेळणार आहे. वाचा- संपूर्ण क्रिकेट विश्वाचे लक्ष असलेल्या टेस्ट चॅम्पियनशिपच्या फायनलचे संघावर कोणत्याही प्रकारचा दबाव नसल्याचे विराटने स्पष्ट केले. जेतेपदाची ही लढत सोपी असणार नाही. आव्हान मोठे आहे. नवी परिस्थिती, वातावरण वेगळे पण एक व्यवसाइक क्रिकेटपटू म्हणून या गोष्टीशी आम्ही जूळवून घेऊ. वाचा- ब्रेकचा फायदा वर्ल्ड टेस्ट चॅम्पियनशिपनंतर भारत इंग्लंडविरुद्ध पाच सामन्यांची कसोटी मालिका खेळणार आहे. या दोन्हीमध्ये फार अंतर आहे. यावर विराट म्हणाला, या गोष्टीचा संघाला फायदाच होईल. वाचा- शास्त्रींनी उपस्थित केले प्रश्न टेस्ट चॅम्पियनशिपच्या स्वरुपाबद्दल मुख्य प्रशिक्षक रवि शास्त्री यांनी प्रश्नचिन्ह उपस्थित केले. विजेतेपदाची ही लढत बेस्ट ऑफ थ्री फॉर्मेटमध्ये हवी होती. पण येथे एका सामन्यावर विजेता ठरवला जाईल. एक चांगली किंवा खराब मॅच तुमच्या कामगिरी आणि कौशल्याचे मोजमाप करू शकत नाही. वाचा- न्यूझीलंडचा सराव सुरू भारतीय संघ मुंबईतील १४ दिवसांच्या क्वारंटाइननंतर इंग्लंडमध्ये दाखल होणार आहे. तर दुसरीकडे न्यूझीलंडच्या संघाने इंग्लंडविरुद्ध कसोटी मालिका खेळण्यास सुरुवात देखील केली. त्यामुळे WTC फायनलमध्ये त्यांचा फायदा होऊ शकतो. भारताचा इंग्लंड दौरा- संपूर्ण वेळापत्रक WTC फायनल न्यूझीलंडविरुद्ध- १८ ते २२ जून (वेळ-पहाटे साडे तीन), साउथहँप्टन इंग्लंडविरुद्धची पाच सामन्यांची कसोटी मालिका पहिली कसोटी- ४ ते ८ ऑगस्ट, नॉटिंघम दुसरी कसोटी- १२ ते १६ ऑगस्ट, लॉर्ड्स तिसरी कसोटी- २५ ते २९ ऑगस्ट, लीड्स चौथी कसोटी- २ ते ६ सप्टेंबर, द ओव्हल पाचवी कसोटी- १० ते १४ सप्टेंबर, मॅनचेस्टर असा आहे भारतीय संघ- रोहित शर्मा, शुभमन गिल, मयांक अग्रवाल, चेतेश्वर पुजारा, विराट कोहली, अजिंक्य रहाणे, हनुमा विहारी, ऋषभ पंत, आर अश्विन, रविंद्र जडेजा, अक्षर पटेल, वॉशिंग्टन सुंदर, जसप्रीत बुमराह, इशांत शर्मा, मोहम्मद शमी, मोहम्मद सिराज, शार्दुल ठाकूर, उमेश यादव, केएल राहुल, ऋद्धीमान साहा स्टॅडबाय खेळाडू- अभिमन्यू ईश्वरन, प्रसिद्ध कृष्णा, अवेश खान, अर्जन नागवासवाला
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2RghtJl
No comments:
Post a Comment