नवी दिल्ली : मुंबई इंडियन्सकडून खेळताना मैदान गाजवणारा एक स्टार खेळाडू आता भारतीय संघासाठीच धोकादायक ठरू शकतो. कारण या खेळाडूने सध्याच्या घडीला इंग्लंडमध्ये धुमाकूळ घातला असून तो भारतीय संघावर चांगलाच भारी पडू शकतो, असे दिसत आहे. मुंबई इंडियन्सचा हा खेळाडू आहे तरी कोण, जाणून घ्या...मुंबई इंडियन्सच्या संघाच्या यशामध्ये या खेळाडूचा महत्वाचा वाटा आहे. पण आता काही दिवसांमध्येच भारत आणि न्यूझीलंड यांच्यामध्ये विश्व अजिंक्यपद स्पर्धेची अंतिम फेरी खेळवण्यात येणार आहे. या अंतिम फेरी हा मुंबई इंडियन्सचा ट्रेंट बोल्ट हा भारतीय संघासाठी धोकादायक ठरू शकतो. कारण सध्याच्या घडीला न्यूझीलंड आणि इंग्लंड यांच्यामध्ये कसोटी मालिका सुरु आहे. या मालिकेतील दुसऱ्या सामन्यात ट्रेंट बोल्टने भेदक मारा केला आहे. बोल्टने पहिला डावात इंग्लंडच्या चार फलंदाजांना बाद केले आहे. त्यामुळे बोल्ट हा सध्याच्या घडीला चांगल्या फॉर्मात आला आहे. त्यामुळे बोल्ट हा भारतीय संघासाठी सर्वात जास्त धोकादायक ठरू शकतो, असे दिसत आहे. ट्रेंट बोल्टने आतापर्यंत न्यूझीलंडसाठी खेळताना दमदार कामगिरी केली आहे. त्याचबरोबर बोल्ट मानसीक धक्क्यातून एवढ्या लवकर सावरेल, असे वाटले नव्हते. कारण आयपीएलमध्ये करोनाचा शिरकाव झाल्यावर बोल्टला धक्का बसला होता आणि त्याचे मानसीक संतुलन थोडेसे बिघडले होते, असे त्यांच्याच संघाकडून सांगण्यात आले होते. त्यामुळे बोल्ट इंग्लंडविरुद्धची मालिका खेळणार नाही, असेही म्हटले जात होते. पण बोल्ट या धक्क्यातून आता पूर्णपणे सारवल्याचे पाहायला मिळत आहे. बोल्ट या धक्क्यातून फक्त सावरलेला नाही तर तो चांगल्या फॉर्मातही आला आहे. इंग्लंडविरुद्धच्या पहिल्या डावात चार विकेट्स पटकावल्या होत्या, यामध्ये सलामीवीरापासून ते तळाच्या फलंदाजांपर्यत समावेश होता. यावरून बोल्ट हा सर्व प्रकारच्या फलंदाजांना बाद करू शकतो, हे दिसत आहे. त्यामुळे बोल्ट भारतीय संघासाठी सर्वात धोकादायक ठरू शकतो, असे सध्याच्या घडीला तरी फॉर्म पाहून दिसत आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3cx8oTW
No comments:
Post a Comment