लंडन: इंग्लंड आणि न्यूझीलंड यांच्यात दुसरा कसोटी सामना सुरू आहे. इंग्लंडने टॉस जिंकून प्रथम फलंदाजी करण्याचा निर्णय घेतला. पहिल्या डावात त्यांनी ३०३ धावा केल्या. वाचा- इंग्लंडच्या डावात जलद गोलंदाज स्टुअर्ट ब्रॉडने कसोटी क्रिकेटमध्ये शून्यावर बाद होण्याचा एक नवा विक्रम केला. स्टुअर्ट दुसऱ्या कसोटीतील पहिल्या डावात शून्य बाद झाला. ट्रेंड बोल्टच्या चेंडूवर टॉम ब्लंडेलने त्याचा कॅच घेतला. वाचा- कसोटी क्रिकेटमध्ये ३७व्यांदा शून्यावर बाद झाला. क्रिकेटमधील या सर्वात मोठ्या फॉर्मेटमध्ये सर्वाधिक वेळा शून्यावर बाद होणाऱ्या फलंदाजांच्या यादीत तो दुसऱ्या क्रमांकावर पोहोचला आहे. पहिल्या डावात शून्यावर बाद होत त्याने ख्रिस मार्टिनला मागे टाकले. वाचा- कसोटीत शून्यावर सर्वाधिक वेळा बाद होण्याचा विक्रम वेस्ट इंडिजचा माजी जलद गोलंदाज कर्टनी वॉल्शच्या नावावर आहे. वॉल्श कसोटीत ४३ वेळा शून्यावर बाद झाला आहे. या यादीत चौथ्या क्रमांकावर ऑस्ट्रेलियाचा माजी जलद गोलंदाज ग्लेन मॅक्ग्रा असून तो ३५ वेळा शून्यावर बाद झालाय. वाचा- सर्वाधिक वेळा शून्यावर बाद होणारे फलंदाज कर्टनी वॉल्श- ४३ स्टुअर्ट ब्रॉड- ३७ ख्रिस मार्टिन- ३६ ग्लेन मॅक्ग्रा- ३५ न्यूझीलंडविरुद्धच्या कसोटीत पहिल्या डावात रोरी बर्न्स ने ८१ तर लॉरेन्सने नाबाद ८१ धावा केल्या. मार्क वुडने ४१ तर सिब्लेने ३५ धावांचे योगदान दिले. कर्णधार जो रुट फक्त ४ धावांवर बाद झाला. न्यूझीलंडकडून बोल्टने चार, मॅट हेन्नरीने ३, एजाज बटेलनने दोन तर नील वॅगनरने एक विकेट घेतली.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3v9H84l
No comments:
Post a Comment