नवी दिल्ली: खलिस्थानी दहशतवादी जनरल सिंग भिंडरावाले याच्या पुण्यतिथी निमित्ताने त्याला अभिवादन करणारी पोस्ट शेअर केल्याबद्दल भारताचा फिरकीपटू हरभजन सिंगने माफी मागितली आहे. हरभजनने इस्टाग्रामच्या स्टेटसवर वादग्रस्त पोस्टर शेअर केला होता. त्यावरून सोशल मीडियावर जोरदार टीका झाली होती. हरभजनने ऑपरेशन ब्ल्यू स्टारच्या निमित्ताने पोस्ट शेअर केली होती. या पोस्टरमध्ये त्याने दहशतवादी जनरल सिंग भिंडरावाले याला शहीद म्हटले आणि त्याला अभिवादन केले. स्टोरी मध्ये तो म्हणतो, सन्मानासह जगणे आणि मृत्यू पत्करणे. १ जून ते ६ जून १९८४ या काळात सुवर्ण मंदिरात शहीद होणाऱ्या सर्वांना कोटी कोटी प्रणाम! वाचा- हरभजनच्या या स्टेटसवरून देश आणि विदेशातून मोठ्या प्रमाणात टीका झाली. सोशल मीडियावर अनेकांनी हरभजनला ट्रोल केले. त्यानंतर भज्जीने इस्टाग्रामवरू संबंधित पोस्ट काढून टाकली होती. वाचा- ... यासंदर्भात हरभजनने सोमवारी एक ट्विट केले. संबंधीत पोस्टर मी न वाचता आणि समजून न घेता इस्टाग्रामवर अपलोड केले. मी अशा विचारसरणीचा समर्थन नाही ना त्या संदर्भातील कोणत्याही व्यक्तीचे समर्थन करतो. मी एक शिख आहे, जो देशासाठी लढतो ना की देशाविरुद्ध. देशातील लोकांच्या भावना दुखावल्याबद्दल मी बिनशर्त माफी मागतो. वाचा- तर... सध्या फक्त आयपीएल खेळणारा हरभजन या पोस्टमुळे अचानक चर्चेत आलाय. गेल्या काही वर्षांपासून हरभजनला भारतीय संघात स्थान मिळाले नाही. आयपीएलच्या २०२१च्या हंगामात तो कोलकाता नाइट रायडर्सकडून खेळताना दिसला होता. त्याच्या आधी हरभजन चेन्नई सुपर किंग्ज आणि मुंबई इंडियन्सकडून देखील खेळला आहे. भज्जीने भारताकडून १०३ कसोटीत ४०७ तर २३६ वनडेत २६९ विकेट घेतल्या आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ioUoPG
No comments:
Post a Comment