नवी दिल्ली : भारतीय संघ सध्याच्या घडीला फायनलची जोरदार तयारी करत आहे. पण भारताचे मुख्य प्रशिक्षक यावेळी भारतीय संघाबरोबर विन्स्टनलाही प्रशिक्षण देत असल्याचे पाहायला मिळत आहे. या गोष्टीचा व्हिडीओ सध्याच्या घडीला चांगलाच व्हायरल झाला आहे. हा विन्स्टन नेमका आहे तरी कोण, याचे उत्तर चाहत्यांना या व्हिडीओमध्ये मिळत आहे. भारतीय संघ सध्याच्या घडीला कसून सराव करत आहे. रवी शास्त्री हे भारतीय संघाला युक्तीच्या गोष्टी सांगत आहेत. पण त्याचबरोबर शास्त्री हे विन्स्टनलाही प्रशिक्षण देत आहेत. शास्त्री यांनीच याबाबतचा व्हिडीओ आपल्या ट्विटरवर पोस्ट केला आहे. हा व्हिडीओ आता चांगलाच व्हायरल झाला आहे. फायनलमध्ये दोन्ही संघांवर दडपण असणार आहे. पण त्यापूर्वी दडपण हलकं करण्याचे काम यापूर्वी शास्त्री यांनी केलं आहे. शास्त्री यांनी यावेळी एका श्वानाबरोबर काही काळ व्यतित केला आणि त्याला ते आपल्या जवळ असलेल्या चेंडूने खेळवत असल्याचे पाहायला मिळाले. या गोष्टीचा व्हिडीओ शास्त्री यांनीच आपल्या ट्विटरवर पोस्ट केला आहे. चाहत्यांनीही या व्हिडीओला चांगली पसंती दिली असून तो चांगलाच व्हायरल झाला आहे. फायनलबाबत सचिन तेंडुलकर काय म्हणाला, पाहा... भारताचा माजी महान क्रिकेटपटू सचिन तेंडुलकरने फायनलबाबत आता एक मोठा खुलासा केला आहे. तेंडुलकर म्हणाला की, " भारत आणि न्यूझीलंड यांच्यामध्ये फायनल होणार आहे, हे यापूर्वीच ठरलेल होते. पण त्यानंतर इंग्लंड आणि न्यूझीलंड यांच्यातील कसोटी मालिका कशी खेळवण्यात आली. जर ही मालिका खेळवायची होती, तर ती फायनलपूर्वी खेळवायला हवी होती. त्यामुळे या कसोटी मालिकेचा फायदा न्यूझीलंडच्या संघाला भारताविरुद्धच्या सामन्यात मिळू शकतो. कारण इंग्लंडमध्ये त्यांनी दोन कसोटी सामने खेळले आहेत आणि त्यांनी ही मालिका जिंकली आहे. त्यामुळे सध्याच्या घडीला तर न्यूझीलंडचे पारडे हे भारतापेक्षा जड वाटत आहे. पण भारतीय संघ चांगलाच तुल्यबळ असून हा सामना चांगलाच रंजकदार होईल, अशी मला आशा आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3zwMf1Y
No comments:
Post a Comment