नवी दिल्ली : बांगलादेशच्या शकिब अल हसनने आज मैदानात चांगलाच राडा घातला. शकिब मैदानात चांगलाच भडकला होता. रागाच्या भरात त्याने स्टम्पलाही लाथ मारली आणि त्यानंतर तो पंचांच्या अंगावर धावून गेला. या सर्व धक्कादायक प्रकारानंतर शकीबने आपली पहिली प्रतिक्रीया दिली आहे. या सामन्यानंतर शकिब म्हणाला की, " सर्व चाहत्यांची मी यावेळी माफी मागतो. कारण सामना सुरु असताना माझा माझ्यावरील ताबा सुटला होता. माझ्यामुळे या सामन्याला गालबोट लागले. जे चाहते टीव्हीवरुन हा सामना पाहत होते, त्यांना नक्कीच ही गोष्ट आवडली नसणार." नेमकं घडलं तरी काय होतं, पाहा...क्रिकेट विश्वात सध्याच्या घडीला ढाका प्रीमिअर लीग ही स्पर्धा सुरु आहे. या स्पर्धेत बांगलादेशचा अनुभवी खेळाडू शकिब अल हसन खेळत होता. शकिब यावेळी मोहम्मदन स्पोर्टिंग क्लबकडून प्रतिस्पर्धी संघातील मुशफिकर रहिमला गोलंदाजी करत होता. यावेळी शकिबचा एक चेंडू हा रहिमच्या पॅडवर आदळला. फलंदाज बाद असल्याचे यावेळी शकिबला वाटले आणि त्याने जोरदार अपील केली. पण मैदानातील पंचांनी ही अपील फेटाळली आणि फलंदाजाला नाबाद ठरवले. त्यानंतर शकिब चांगलाच भडकलेला पाहायला मिळाला. शकिबने यावेळी रागाच्या भरात स्टम्पला लाथ मारली आणि त्यानंतर तो पंचांच्या अंगावर धावून गेला. शकिब आता काही तरी गंभीर गोष्ट करणार असे वाटत होते. पण त्याचवेळी संघातील खेळाडू पंचांच्या ठिकाणी जमा झाले आणि हे सर्व प्रकरण शांत करण्यात आले. पण शकिबने यावेळी जी गोष्ट केली ती क्रिकेटसारख्या सभ्य गृहस्थांच्या खेळाला शोभा देणारी नक्कीच नव्हती. शकिबने जे कृत्य केले ते नक्कीच क्रिकेटला शोभा देणारे नक्कीच नव्हते. शकिब पुढे म्हणाला की, " माझ्यासारख्या क्रिकेट विश्वातील अनुभवी खेळाडूकडून असे होता कामा नये. पण माझ्याकडून ही चुक घडली आहे. पण क्रिकेटमध्ये अशा काही गोष्टी घडत असतात ज्या दुर्देवी असतात. मी माझ्या संघाची, संघ व्यवस्थापनाची, स्पर्धेच्या संयोजन समितीची माफी मागतो. त्याचबरोबर माझ्याकडून अशी चुक भविष्यात घडणार नाही, हेदेखील सांगतो. आतापर्यंत तुम्ही जो मला पाठिंबा दिलात, त्याबद्दल आभार."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3zkq2no
No comments:
Post a Comment