नवी दिल्ली : क्रिकेटमध्ये फिटनेस महत्वाचा असतो, पण आता एका १०० किलोपेक्षा जास्त वजन असणाऱ्या खेळाडूची क्रिकेटमध्ये एंट्री झाली आहे. या वजनदार क्रिकेटपटूवर आता सिक्स पॅक असणाऱ्या खेळाडूने भन्नाट कमेंट केल्याचे पाहायला मिळत असून क्रिकेट विश्वात या गोष्टीची चांगलीच चर्चा रंगत आहे. सध्याच्या घडीला क्रिकेट जगतामध्ये आझम खान या क्रिकेटपटूची जबरदस्त चर्चा रंगत आहे. या क्रिकेटपटूला वशिल्यामुळेच संघात स्थान देण्यात आले, असेही म्हटले जात आहे. पण क्रिकेट खेळण्यासाठी फक्त फिटनेसची गरज असते असे नाही तर गुणवत्ताही तेवढीच महत्वाची ठरत असते. या वजनदार क्रिकेटपटूने ३६ ट्वेन्टी-२० सामन्यांमध्ये ७४३ धावा केल्या आहेत. त्याचबरोबर प्रत्येक चार चेंडूंमागे तो सरासरी एक चौकार लगावतो, असा त्याचा स्ट्राइक रेटही आहे. आता त्याची राष्ट्रीय संघात निवड झाल्यावर मात्र त्याच्याविषयी जबरदस्त चर्चा क्रिकेट वर्तुळात सुरु आहे. आझम हा पाकिस्तानचा माजी क्रिकेटपटू मोइन खानचा मुलगा आहे. वडिलांच्या पुण्याईमुळेच आझमला पाकिस्तानच्या संघात संधी मिळाली, असे म्हटले जात आहे. पण आझमनेही आतापर्यंत पाकिस्तान सुपर लीगमध्ये भन्नाट कामगिरी केला आहे आणि त्याच्या जोरावर त्याला पाकिस्तानच्या संघात स्थान देण्यात आल्याचे जाणकारांनी म्हटले आहे. या सर्व प्रकरणावर आता सिक्स पॅक असलेला क्रिकेटपटू फॅफ ड्यू प्लेसिसने भन्नाट कमेंट केली आहे. फॅफ यावेळी म्हणाला की, " जेव्हा फिटनेसचा विषय येतो, तेव्हा प्रत्येक क्रिकेटपटू आपला फिटनेस कसा वाढवतो, हे पाहणे सर्वात महत्वाचे असते. प्रत्येक व्यक्तीचा फिटनेस हा वेगळा असतो आणि त्याने त्याच्यावर काम करायला हवे. वय झाल्यानंतरही आपाल फिटनेस कसा वाढेल, याचा विचार एक क्रिकेटपटू म्हणून करायला हवा. माझं शरीर, फिटनेस, मानसीकता ही कशी चांगली ठेवता येइल, याचा प्रयत्न सर्वांनीच करायला हवा. एखाद्या व्यक्तीच्या फिटनेसवरून तुम्ही दुसऱ्या खेळाडूला पाहू शकत नाही. क्रिकेटपटू होण्यासाठी सिक्स पॅकचीच गरज असते, असेही काही नाही. कारण प्रत्येकाचा फिटनेस वेगळा असतो. आझम हा एक धडाकेबाज फलंदाज आहे आणि तो दमदार फलंदाजी करत राहील, अशी मला आशा आहे."
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3fZFwWh
No comments:
Post a Comment