नवी दिल्ली : क्रिकेटचा सामना सुरु असताना एक क्रिकेटपटू मैदानातच कोसळल्याचे पाहायला मिळाले आहे. या गोष्टीचा व्हिडीओ सध्याच्या घडीला क्रिकेट विश्वामध्ये चांगलाच व्हायरल झाला आहे. या व्हिडीओमध्ये या क्रिकेटपटूला नेमकं काय झालं, ते पाहायला मिळत आहे. सध्याच्या घडीला पाकिस्तान सुपर लीग स्पर्धा सुरु आहे. या स्पर्धेत क्वेटा ग्लॅडिएटर्सकडून दक्षिण आफ्रिकेचा फॅफ ड्यू प्लेसिस खेळत होता. या सामन्यात फॅफ हा पेशावर झाल्मी संघाविरुद्धच्या सामन्याचत क्षेत्ररक्षण करत होता. फॅफ हा सीमारेषेजवळ क्षेत्ररक्षण करत होता. यावेळी एक चेंडू तो अडवायला गेला आणि त्याने मैदानात सूर लगावला. त्यानंतर फॅफने हा चेंडू अडवला. पण त्याचवेळी मोहम्मद हसनैन हा खेळाडूही तिथेच क्षेत्ररक्षण करत होता. त्यावेळी मोहम्मदचा पाय फॅफच्या डोक्यावर आदळला आणि त्याला गंभीर दुखापत झाली. त्यानंतर फॅफची प्रकृती ही गंभीर वाटत होती.कारण फॅफला एवढ्या जोरात हा धक्का बसला की, त्यानंतर तो उठून उभा राहू शकला नाही. त्यामुळे लगेचच डॉक्टरांना बोलण्यात आले. डॉक्टरांनी फॅउला पाहिले आणि त्याची प्रकृती गंभीर असल्याचे त्यांना वाटले. त्यामुळे आता फॅफला हॉस्पिटलमध्ये दाखल करण्यात आले आहे. फॅफच्या काही वैद्यकीय चाचण्या करण्यात येणार आहे. त्यानंतर फॅफच्या प्रकृतीबाबत सर्वांना समजू शकेल. फुटबॉलच्या सामन्यातही घडली अशीच एक घटना...डेन्मार्क वि. फिनलंड या दोन संघांच्या लढतीत सर्वांचा श्वास रोखला गेला जेव्हा डेन्मार्कचा दिग्गज मिडफिल्डर ख्रिस्टियन एरिक्सन अचानक मैदानावर बेशुद्ध होऊन कोसळला. कोपनहेगनच्या पार्केन स्टेडियममध्ये शनिवारी ही मॅच सुरू होती. पहिल्या हाफमधील खेळ संपन्याच्या आधी एरिक्सन मैदानावर कोसळला. एरिक्सला मैदानावर कोसळताना पाहून दोन्ही संघातील खेळाडू आणि मैदानावरील रेफरी एथनी टेलर यांनी सामना थांबवला. त्याला तातडीने वैद्यकीय सुविधा दिली गेली. एरिक्सला मैदानावरच सीपीआर दिला गेला आणि उपचार करण्यात आली. या दरम्यान, गोपनीयता राखण्यासाठी खेळाडू त्याच्या भोवती वर्तुळ करून उभे होते. त्यानंतर एरिक्सला स्ट्रेचरवरून बाहेर नेण्यात आले. या घटनेनंतर सामना तातडीने स्थगित करण्यात आला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/35eQcKv
No comments:
Post a Comment