मुंबई: श्रीलंका दौऱ्यासाठी भारतीय संघाची निवड करण्यात आली आहे. या दौऱ्यात टीम इंडिया प्रत्येकी ३ वनडे आणि टी-२० सामन्यांची मालिका खेळणार आहे. संघाचे नेतृत्व अपेक्षेप्रमाणे यांच्याकडे सोपवण्यात आले आहे. तर जलद गोलंदाज भुवनेश्वर कुमार उपकर्णधार असेल. या दौऱ्यासाठी २० जणांची निवड केली आहे. वाचा- आंतरराष्ट्रीयस्तरावर खेळणाऱ्या भारताच्या दुसऱ्या संघात अनेक नव्या चेहऱ्यांना संधी देण्यात आली आहे. या संघात अशा खेळाडूंना संधी देण्यात आली आहे ज्यांनी आयपीएलमध्ये शानदार कामगिरी केली. वाचा- पृथ्वी शॉ, देवदत्त पडिक्कल, ऋतुराज गायकवाड, नितीश राणा, चेतन साकरिया, वरुण चक्रवर्ती, संजू सॅमसन या खेळाडूंनी आयपीएलच्या १४व्या हंगामासह आधीच्या हंगामात धमाकेदार कामगिरी केली होती. पृथ्वी आणि संजू यांनी याआधी भारताचे प्रतिनिधित्व केले आहे पण त्यांना संघात स्थान पक्के करता आले नाही. तर पडिक्कल, गायकवाड, राणा, के.गौतम आणि साकरिया यांची प्रथमच भारतीय संघात निवड झाली आहे. पृथ्वी शॉ- ऑस्ट्रेलिया दौऱ्यात खराब कामगिरीमुळे संघ बाहेर झालेल्या पृथ्वी शॉने देशांतर्गत क्रिकेट आणि आयपीएलच्या १४ व्या हंगामात शानदार फलंदाजी केली. त्यामुळे त्याला पुन्हा टीम इंडियात संधी मिळाली. नीतीश राणा- कोलकाता नाइट रायडर्सकडून खेळणाऱ्या या खेळाडूला भारतीय संघात स्थान मिळण्याची बऱ्याच वर्षापासून प्रतिक्षा आहे. राणाने आयपीएलच्या सुरुवातीच्या लढतीत चांगली कामगिरी केल्यानंतर राणाचा फॉर्म घसरला. संजू सॅमसन- आयपीएलच्या १४व्या हंगामातील पहिले शतक संजूने झळकावले होते. ऋतुराज गायकवाड- चेन्नई सुपर किंग्जचा सलामीवीर ऋतुराजने गेल्या वर्षी आयपीएलमध्ये पदार्पण केले होते. फलंदाजीच्या जोरावर त्याने सर्वांना प्रभावित केले. फाफ सोबत अनेक सामन्यात ऋतुराजने चांगली सुरूवात करून दिली होती. वाचा- चेतन साकरिया- राजस्थान रॉयल्सकडून खेळणाऱ्या या युवा गोलंदाजासाठी गेले काही महिने अतिशय खराब गेले आहेत. वर्षाच्या सुरुवातीला भावाच्या निधनानंतर काही महिन्यात वडिलांचे करोनाने निधन झाले. आयपीएल २०२१ मध्ये त्याने ७ विकेट घेतल्या आहेत. देवदत्त पडिक्कल- रॉयल चॅलेंजर्स बेंगळुरूचा सलामीवीर असलेल्या देवदत्तची या वर्षी सुरूवात चांगली झाली नाही. पण त्यानंतर त्याने धावा करण्यास सुरूवात केल्या. ६ सामन्यात त्याने एक शतक देखील झळकावले आहे. वरुण चक्रवर्ती- मिस्ट्री स्पिनर वरुण चक्रवर्तीने गेल्या दोन हंगामात शानदार गोलंदाजी केली आहे. गेल्या वर्षी १३ सामन्यात १७ विकेट घेणाऱ्या वरुणला पुन्हा एकदा संधी मिळाली आहे. वाचा- के. गौतम- CSKने नऊ कोटी रुपयांना खरेदी केलेल्या या खेळाडूला अखेर भारतीय संघात स्थान मिळाले. त्याने आतापर्यंत २४ सामन्यात १३ विकेट आणि १८६ धावा केल्या आहेत. डेथ ओव्हरमध्ये गौतमचा उपयोग करून घेता येऊ शकतो. असा आहे भारतीय संघ : शिखर धवन (कर्णधार), पृथ्वी शॉ, देवदत्त पडीक्कल, ऋतुराज गायकवाड, सूर्यकुमार यादव, मनीष पांडे, हार्दिक पंड्या, नितीष राणा, इशान किशन (यष्टीरक्षक), संजू सॅमसन (यष्टीरक्षक), युजवेंद्र चहल, राहुल चहर, के. गौतम, कृणाल पंड्या, कुलदीप यादव, वरुण चक्रवर्ती, भुवनेश्वर कुमार (उपकर्णधार), दीपक चहर, नवदीप सैनी, चेतन साकरिया.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3xdc3hp
No comments:
Post a Comment