दुबई : विराट कोहलीच्या नेतृत्वाखाली आरसीबीच्या संघाला रविवारी चेन्नईच्या संघाकडून पराभूत व्हावे लागले. पण त्यानंतर अजून एक धक्का आरसीबीच्या संघाला बसला आहे. आरसीबीचा स्टार गोलंदाज नवदीप सैनीच्या हाताला दुखापत झाली आहे. ही दुखापत गंभीर असल्याचे सांगितले जात आहे. त्यामुळे पुढच्या सामन्यात सैनी खेळणार की नाही, यााबाबत संभ्रमाचे वातावरण आहे. चेन्नई सुपर किंग्सबरोबरच्या सामन्यात १८व्या षटकातील अखेरच्या चेंडूवर सैनीला दुखापत झाली. सैनीच्या डाव्या अंगठ्याला मार बसला होता. ही दुखापत गंभीर स्वरुपाची होती. त्यामुळे सैनीला मैदान सोडावे लागले होते. त्यानंतर सैनी मैदानात दिसला नाही. सैनीच्या बोटाला जबर मार बसला असून तो आता पुढे खेळणार की नाही, याबाबत प्रश्नचिन्ह आहे. आरसीबीच्या संघाचे फिजिओ इव्हान स्पिचली यांनी सांगितले की, " चेन्नईविरुद्धच्या सामन्यात नवदीप सैनीला दुखापत झाली होती. त्याच्या डाव्या हाताच्या बोटाला मार लागला आहे. त्यामुळे त्याच्या बोटांवर टाकेही घालण्यात आलेले आहे. आमच्याकडे हातावर शस्त्रक्रीया करणारे डॉक्टर आहेत आणि तेच सैनीवर उपचार करत आहेत. त्यामुळे आजचा पूर्ण दिवस आणि रात्रभर आम्ही त्याच्या दुखापतीकडे बारकाईने लक्ष देणार आहोत. जर त्याची दुखापत बरी झाली आणि तो पूर्णपणे फिट असेल तरच तो यापुढचा सामना खेळू शकतो." ऋतुराज गायकवाडच्या नाबाद ६५ धावांच्या जोरावर चेन्नई सुपर किंग्जने आयपीएलच्या () १३व्या हंगामातील चौथा विजय मिळवला. रविवारी रॉयल चॅलेंजर्स बेंगळुरू विरुद्ध झालेल्या सामन्यात चेन्नईने ८ विकेटनी विजय मिळवला. संपूर्ण स्पर्धेत खराब कामगिरी करणाऱ्या चेन्नला विजयासाठी १४६ धावांची गरज होती. ऋतुराज गायकवाड आणि फाफ डुप्लेसिस यांनी डावाची सुरुवात केली. या दोघांनी पहिल्या विकेटसाठी ४६ धावा केल्या. डुप्लेसीस २५ धावांवर बाद झाला. त्यानंतर अंबाती रायडू ने गायकवाड सोबत संघाला शंभरीच्या पुढे नेले. रायडू ३९ धावांवर माघारी परतला. त्यानंतर आला कर्णधार महेंद्र सिंह धोनी. त्याने गायकवाड सोबत १९व्या षटकात संघाला विजय मिळवून दिला. दरम्यान गायकवाडने आयपीएलमधील पहिले अर्धशतक पूर्ण केले. त्याने ५१ चेंडूत ३ षटकार आणि ४ चौकारांसह नाबाद ६५ धावा केल्या. तर धोनी १९ धावांवर नाबाद राहिला.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/31J4hPg
No comments:
Post a Comment