आबुधाबी, MI vs : जसप्रीत बुमराचा भेदक मारा आजच्या सामन्यात पाहायला मिळाला. बुमराने या सामन्यात आयपीएलमधील १०० आणि ट्वेन्टी-२० क्रिकेटमधील २०० बळी पूर्ण केले. त्याचबरोबर या सामन्यात एकाच षटकात त्याने दोन बळी मिळवण्याचीही किमया साकारली. आपल्या अचूक गोलंदाजीच्या जोरावर बुमराने आरसीबीच्या धावसंख्येला वेसण घातले. त्यामुळेच देवदत्त पडीक्कलच्या अर्धशतकानंतरही आरसीबीला मोठी धावसंख्या उभारता आली नाही. त्यामुळेच आरसीबीला मुंबईपुढे विजयासाठी १६५ धावांचे आव्हान ठेवता आले. मुंबईचा वेगवान गोलंदाज जसप्रीत बुमराने यावेळी आरसीबीचा कर्णधार विराट कोहलीला बाद केले. त्याचबरोबर बुमराने एकाच षटकात अर्धशतकवीर देवदत्त पडीक्कल आणि शिवम दुबे यांना बाद करण्याची किमयाही साधली. मुंबई इंडियन्सने आजच्या सामन्यात नाणेफेक जिंकली आणि आरसीबीला प्रथम फलंदाजी करण्यासाठी पाचारण केले. आरसीबीकडून यावेळी आरोन फिंचऐवजी जोश फिलीप हा सलामीला आल्याचे पाहायला मिळाले. फिलीप आणि देवदत्त पडीक्कल यांनी यावेळी आरसीबीला चांगली सलामी करून दिली. पहिल्या पाच षटकांमध्ये या दोघांनी ४२ धावा केल्या होत्या. पण त्यानंतर मुंबईचा फिरकीपटू राहुल चहरने यावेळी आरसीबीला पहिला धक्का दिला. चहरने फिलीपला बाद केले, फिलीपने यावेळी ३३ धावा केल्या. फिलीप बाद झाल्यावर फलंदाजीला आला तो आरसीबीचा कर्णधार विराट कोहली. पण कोहलीला यावेळी मोठी खेळी साकारता आली नाही. मुबंईचा वेगवान गोलंदाज जसप्रीत बुमराने यावेळी कोहलीचा बळी मिळवला, कोहलीला यावेळी ९ धावांवरच समाधान मानावे लागले. कोहली बाद झाला असला तरी पडीक्कल हा दुसऱ्या बाजूने चांगली फलंदाजी करत होता. पडीक्कलने यावेळी आपले अर्धशतकही साजरे केले. पडीक्कल आणि एबी डीव्हिलियर्स यांची जोडी यावेळी चांगलीच जमल्याचे पाहायला मिळत होते. पण डीव्हिलियर्सला यावेळी मुंबईचा कर्णधार किरॉन पोलार्डने बाद केले. डीव्हिलियर्सला यावेळी १५ धावांवर समाधान मानावे लागले. जसप्रीत बुमराने आपल्या १७व्या षटकात आरसीबीला दोन धक्के दिले. प्रथम बुमराने शिवम दुबेला आऊट केले. पण त्यानंतर अर्धशतकवीर देवदत्त पडीक्कलाही बाद करत मुंबईला मोठे यश मिळवून दिले. पडीक्कलने यावेळी ४५ चेंडूंत १२ चौकार आणि एका षटकाराच्या जोरावर ७४ धावा करता आल्या.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3jCh1NJ
No comments:
Post a Comment