सात टी-२०, तीन वनडे; असा आहे टीम इंडियाचा जानेवारीतील कार्यक्रम!

मुंबई: भारतीय संघासाठी २०१९ वर्ष शानदार असे ठरले. वर्ल्ड कपमधील एका सामन्याचा अपवाद वगळता भारतीय संघाने () सर्वोत्तम अशी कामगिरी केली. घरच्या मैदानावर असो की परदेशात विराट कोहलीच्या नेतृत्वाखाली टीम इंडियाने जगातील सर्वोत्तम संघ असल्याचे सिद्ध केले. वर्षाच्या अखेरीस देखील भारतीय संघाने वेस्ट इंडिजविरुद्धच्या टी-२० आणि वनडे मालिकेत विजय मिळवला. आता जानेवारी महिन्यात भारतीय संघाला एक-दोन नव्हे तर तीन संघांसोबत सामने खेळायचे आहेत. यात श्रीलंका, ऑस्ट्रेलिया आणि न्यूझीलंड सारख्या दिग्गज संघांचा समावेश आहे. विराट आणि कंपनीला जानेवारी महिन्यात घरच्या आणि परदेशात मिळून १० आंतरराष्ट्रीय सामने खेळायचे आहेत. वाचा- नव्या वर्षात भारताचा पहिला सामना लंकेशी होणार आहे. श्रीलंकेचा संघ तीन टी-२० सामन्यांच्या मालिकेसाठी भारत दौऱ्यावर येत आहे. या मालिकेची सुरुवात पाच जानेवारीपासून होत आहे. त्यानंतर ऑस्ट्रेलियाचा संघ वनडे मालिकेसाठी भारत दौऱ्यावर येत आहे. ऑस्ट्रेलियाविरुद्धच्या वनडे मलिकेची सुरुवात १४ जानेवारीपासून होत आहे. त्यानंतर भारतीय संघ न्यूझीलंडच्या दौऱ्यावर जात आहे. असा असेल श्रीलंकेचा दौराश्रीलंकेविरुद्धचा पहिला टी-२० सामना पाच जानेवारी रोजी गुवाहाटी येथे होणार आहे. दुसरा सामना सात जानेवारी रोजी इंदूर येथे तर तिसरा आणि अखेरचा सामना १० जानेवारी रोजी पुण्यात होणार आहे. ऑस्ट्रेलियाशी लढत अशी असेल श्रीलंकेविरुद्धच्या टी-२० मालिकेनंतर ऑस्ट्रेलियाचा संघ वनडे मालिकेसाठई भारत दौऱ्यावर येणार आहे. दोन्ही संघांमधील पहिला सामना १४ जानेवारी रोजी मुंबईत होणार आहे. दुसरी वनडे राजकोट येथे १७ जानेवारी रोजी तर तिसरी आणि अखेरची वनडे १९ जानेवारी रोजी बेंगळुरू येथे होणार आहे. वाचा- ऑस्ट्रेलियाविरुद्धच्या मालिकेनंतर भारतीय संघ न्यूझीलंडच्या दौऱ्यावर जाणार आहे. या दौऱ्यात भारत पाच टी-२०, तीन वनडे आणि दोन कसोटी सामन्यांची मालिका खेळणार आहे. क्रिकेट चाहत्यांसाठी पर्वणी भारतीय संघ जानेवारी महिन्यात २५ दिवसात १० सामने खेळणार आहे. यात सात टी-२० आणि ३ वनडे सामन्यांचा समावेश आहे. ऑस्ट्रेलियाविरुद्धच्या वनडे मालिकेनंतर टीम इंडिया न्यूझीलंड दौऱ्यावर जाणार आहे. न्यूझीलंडमध्ये भारत पाच सामन्यांची टी-२० मालिका खेळेल. यातील चार सामने जानेवारी महिन्यात होणार आहेत. त्यानंतर फेब्रुवारी महिन्यात एक टी-२० आणि फेब्रुवारी, मार्चमध्ये वनडे आणि कसोटी सामने होतील. असा ही टीम इंडियाचा जानेवारी २०२०मधील कार्यक्रम >>श्रीलंकेविरुद्ध टी-२० ०५ जानेवारी: पहिला टी-२० (गुवाहाटी) ०७ जानेवारी: दुसरा टी-२० (इंदूर) ०९ जानेवारी: तिसरा टी-२० (पुणे) >>ऑस्ट्रेलियाविरुद्ध वनडे १४ जानेवारी: पहिली वनडे (मुंबई) १७ जानेवारी: दुसरी वनडे (राजकोट) १९ जानेवारी: तिसरी वनडे (बेंगळुरू) >>न्यूझीलंडविरुद्ध टी-२० २४ जानेवारी: पहिली टी-२० (ऑकलंड) २६ जानेवारी: दुसरी टी-२० (ऑकलंड) २९ जानेवारी: तिसरी टी-२० (ऑकलंड) ३१ जानेवारी: चौथी टी-२० (ऑकलंड) वाचा-

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2ESRwFI