सर्वोत्तम टी-२० संघात रोहित, धोनीला स्थान नाही!

लंडन: २०१९मधील सर्व कसोटी, वनडे आणि टी-२० सामने संपले आहेत. आता २०२०मध्ये म्हणजेच नव्या वर्षात आंतरराष्ट्रीय क्रिकेटला सुरुवात होईल. नवे वर्ष सुरु होण्याआधी क्रिकेटचे बायबल मानल्या जाणाऱ्या विस्डेनने () या दशकातील सर्वोत्तम टी-२० संघाची घोषणा केली आहे. याआधी विस्डेनने वनडे आणि कसोटी संघाची घोषणा केली होती आणि या दोन्ही संघाचे कर्णधारपद विराट कोहलीकडे देण्यात आले होते. पण टी-२० संघाची घोषणा करताना विस्डेनने धक्का दिला आहे. वाचा- या दशकातील सर्वोत्तम टी-२० संघात हिटमॅन () आणि महेंद्र सिंह धोनीला () स्थान देण्यात आलेले नाही. या संघात सलामीवीर म्हणून कॉलिन मुनरो आणि अ‍ॅरॉन फिंच यांची निवड केली आहे. मुनरो आणि फिंच यांचा स्ट्राइक रेट १५० पेक्षा अधिक आहे. विस्डेनचा हा निर्णय अतिशय धक्कादायक असल्याची प्रतिक्रिया येत आहे. टी-२० प्रकारात सर्वात आक्रमक फलंदाज म्हणून रोहितची ओळख आहे. असे असताना देखील विस्डेनने त्याला संघात स्थान दिले नाही. विशेष म्हणजे आंतरराष्ट्रीय टी-२०मध्ये रोहितने सर्वाधिक चार शतके झळकावली आहेत. विस्डेनने या संघाचे कर्णधारपद फिंचकडे सोपवले आहे. संघात टीम इंडियाचा कर्णधार विराट कोहलीसह बुमराहला जागा देण्यात आली आहे. धोनीच्या जागी बटलर दशकातील सर्वोत्तम संघात विकेटकिपर म्हणून धोनीच्या ऐवजी इंग्लंडच्या जोस बटलरची निवड करण्यात आली आहे. याशिवाय संघात शेन वॉटसन, ग्लेन मॅक्सवेल, मोहम्मद नबी या खेळाडूंचा समावेश आहे. डेव्हिड विली आणि राशिद खान हे देखील संघात आहेत. जलद गोलंदाजांमध्ये जसप्रीत बुमराह आणि लसित मलिंगा यांना स्थान दिले आहे. असा आहे दशकातील : अ‍ॅरॉन फिंच (कर्णधार), कॉलिन मुनरो, विराट कोहली, शेन वॉटसन, ग्लेन मॅक्सवेल, जोस बटलर, मोहम्मद नबी, डेव्हिड विली, राशिद खान, जसप्रीत बुमराह आणि लसित मलिंगा.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2MFfeJM