अॅडलेड : ऑस्ट्रेलियात सुरु असलेल्या टी-२० () स्पर्धेतील प्रत्येक लढत चुरशीची होत आहे. सामना जिंकण्यासाठी प्रत्येक खेळाडू स्वत:चे योगदान देत असतात. काही वेळा फलंदाज तर काही वेळा गोलंदाज अफलातून कामगिरी करतात. स्पर्धेतील दहाव्या सामन्यात अशी एक घटना झाली जी क्रिकेटच्या इतिहासात कदाचित कधीच घडली नसले. सोमवारी पर्थ स्कॉर्चर्स आणि अॅडलेड स्ट्राइकर्स यांच्यातील सामन्यात वेगवान गोलंदाज जॉय रिचर्डसन याने सीमेवरूनच गोलंदाजीकरत एका फलंदाजाला बाद केले. क्रिकेटमध्ये एखाद्या फलंदाजाला अशा पद्धतीने बाद करण्याची ही पहिलीच वेळ असावी. क्रिकेटच्या मैदानावर अनेक वेळा फिल्डर भन्नाट पद्धतीने फलंदाजाला बाद करतात. पण या घटनेत मात्र फिल्डरने गोलंदाजीकरत धावबाद केले. वाचा- पर्थ संघाकडून खेळणाऱ्या रिचर्डसन याने अॅडलेड संघाचा फलंदाज वेदरेल्ड याला गोलंदाजीची अॅक्शन करत चेंडू फेकाला आणि धावबाद केले. अॅडलेड संघ फलंदाजीकरत असताना १५व्या षटकात वेदरेल्डने दोन धावा घेण्याचा प्रयत्न केला. चेंडू मारल्यानंतर तो सीमेवर उभ्या असलेल्या रिजर्डसनकडे गेला. त्याने चेंडू गोलंदाजीची अॅक्शन करत विकेटकिपरकडे फेकला. अशा पद्धतीने अॅक्शन करत टाकलेला चेंडू थेट विकेटवर लागला आणि वेदरेल्ड धावबाद झाला. वेदरेल्डची ही विकेट पर्थ संघासाठी महत्त्वाची ठरली. कारण तो बाद झाला तेव्हा त्याने ४७ चेंडूत ८३ धावा केल्या होत्या. शतकाच्या जवळ असताना वेदरेल्ड अशा पद्धतीने बाद झाला. या घटनेचा व्हिडिओ बिग बॅश लीगने ट्विटवर शेअर केला आहे. हा व्हिडिओ सध्या चाहत्यांमध्ये व्हायरल होत आहे. वाचा- हा सामना अॅडलेड संघाने डकवर्थ लुइस नियमानुसार १५ धावांनी जिंकला. पावसामुळे सामना प्रत्येकी १८ षटकांचा करण्यात आला. अॅडलेड संघाने १८ षटकात १९८ धावा केल्या. उत्तरादाखल पर्थ संघाला १८३ धावांपर्यंत मजल मारता आली. वाचा-
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2siwv4B
No comments:
Post a Comment