इंग्लंडविरुद्ध विराट कोहलीला विक्रमाची संधी; हव्यात फक्त १४ धावा

नवी दिल्ली: 2021 भारतीय क्रिकेट संघाचा नियमीत कर्णधार ( ) पुन्हा एकदा क्रिकेटच्या मैदानावर येण्यास सज्ज झाला आहे. ऑस्ट्रेलियाविरुद्धच्या पहिल्या कसोटी सामन्यानंतर त्याने बाळाच्या जन्मासाठी सुट्टी घेतली होती. आता मायदेशात इंग्लंडविरुद्ध होणाऱ्या कसोटी मालिकेतून तो पुन्हा संघाचे नेतृत्व करणार आहे. वाचा- विराट कोहलीने भारतीय संघाकडून खेळण्यास सुरूवात केल्यापासून २०२० हे असे एकमेव वर्ष ठरले ज्यात त्याला शतक करता आले नाही. ऑस्ट्रेलियाविरुद्धच्या पहिल्या कसोटीत त्याला शतकाची संधी होती पण तो धावबाद झाला. त्याआधी वर्षभर करोनामुळे भारतीय संघाला फार क्रिकेट खेळता आले नाही. वाचा- आता विराट २०२१ची सुरुवात चांगली करण्याचा प्रयत्न करेल. इंग्लंडविरुद्ध ५ फेब्रुवारीपासून पहिल्या कसोटीत विराट कोहलीला एक विक्रम करण्याची संधी आहे. इंग्लंडविरुद्ध विराटने मोठी खेळी करावी अशी प्रत्येक भारतीय चाहत्याची इच्छा असेलच, पण पहिल्या कसोटीतील पहिल्या डावात विराटला वेस्ट इंडिजचे दिग्गज कर्णधार क्लाइव्ह लॉईड यांना मागे टाकण्याची संधी आहे. वाचा- विराटने कसोटीत कर्णधार म्हणून आतापर्यंत ५ हजार २२० धावा केल्या आहेत. इंग्लंडविरुद्ध १४ धावा करताच तो लॉईड यांना मागे टाकून कसोटीत कर्णधार म्हणून सर्वाधिक धावा करणाऱ्या खेळाडूंच्या यादीत चौथ्या स्थानावर पोहोचेल. वाचा- या यादीत दक्षिण आफ्रिकेचा ग्रॅहम स्मिथ ८ हजार ६५९ धावांसह पहिल्या, ६ हजार ६२३ धावांसह एलन बॉर्डर दुसऱ्या तर रिकी पॉटिंग ६ हजार ५४२ धावांसह तिसऱ्या स्थानावर आहेत. भारतीय संघ इंग्लंडविरुद्ध ४ कसोटी, ५ टी-२० आणि ३ वनडे सामन्यांची मालिका खेळणार आहे.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3px0n5S

BCCI ने भारतीय क्रिकेटमधील मोठा निर्णय घेतला; ८७ वर्षात प्रथमच...

नवी दिल्ली: गेल्या वर्षी करोना व्हायरसमुळे क्रिकेट स्पर्धा स्थगित करण्यात आल्या होत्या. देशात करोना परिस्थिती सुधारल्यानंतर राष्ट्रीय स्थरावरील स्पर्धांना सुरूवात झाली. त्याचाच एक भाग म्हणून सैय्यद मुश्ताक अली टी-२० स्पर्धा सुरू झाली. पण आता भारतीय क्रिकेट नियामक मंडळ अर्थात बीसीसीआयने एक मोठा निर्णय घेतला आहे. वाचा- देशातील प्रतिष्ठीत अशी स्पर्धेचे या वर्षी आयोजन केले जाणार नाही. ८७ वर्षात प्रथमच असे घडणार आहे की जेव्हा रणजी स्पर्धा होणार नाही. सैय्यद मुश्ताक अली स्पर्धेनंतर बीसीसीआयने विजय हजारे ट्रॉफी आयोजित करण्याचा निर्णय घेतला आहे. वाचा- काही दिवसांपूर्वी भारताचा माजी सलामीवीर वासीम जाफरने करोनाचा विचार करता विजय हजारे, दलीप आणि देवधर ट्रॉफी या स्पर्धा रद्द करून त्याच्या जागी रणजी ट्रॉफीचे आयोजन करावे असे मत व्यक्त केले होते. पण बीसीसीआयने या सत्रात विजय हजारे स्पर्धा आयोजित करण्याचा निर्णय घेतला आहे. वाचा- ... विजय हजारे ट्रॉफीसह बीसीसीआयने महिला सिनिअर वनडे ट्रॉफी आणि अंडर १९ क्रिकेट मध्ये विनू मांकड वनडे ट्रॉफीचे आयोजन करण्याचे ठरवले आहे. बीसीसीआयचे सचिव यांनी राज्य क्रिकेट संघटनांना पाठवलेल्या पत्रात याचा उल्लेख केला आहे. वाचा- राज्य संघटनांकडून मिळालेल्या प्रतिसादानंतर आणि करोना व्हायरसचा धोका लक्षात घेऊन हा निर्णय घेण्यात आल्याचे त्यांनी म्हटले आहे. विजय हजारे ट्रॉफीसह सिनिअर महिला वनडे ट्रॉफीचे आयोजन होणार आहे. त्याच बरोबर विनू मांकड ट्रॉफी (१९ वर्षाखालील) चे आयोजन होणार आहे, असे शहा यांनी पीटीआय वृत्तसंस्थेशी बोलताना सांगितले. वाचा- करोना व्हायरसमुळे भारतात पुढील महिन्यात म्हणजे आंतरराष्ट्रीय क्रिकेट स्पर्धेचे आयोजन होणार आहे. भारत आणि इंग्लंड यांच्यात चार सामन्यांची कसोटी मालिका ५ फेब्रुवारीपासून होणार आहे. या महिन्यात बीसीसीआयने देशांतर्गत सैय्यद मुश्ताक अली टी-२० स्पर्धेचे यशस्वी आयोजन केले. या स्पर्धेची अंतिम लढत ३१ जानेवारी रोजी होणार आहे.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3iZLPcg

Syed Mushtaq Ali Trophy: उद्या ठरणार सुपर संडे; या दोन संघात होणार अंतिम सामना

अहमदाबाद: कर्णधार केदार देवधर (Kedar Devdhar) आणि कार्तिक ककाडे (Kartik Kakade) यांच्या अर्धशतकांच्या जोरावर बडोदा संघाने () च्या अंतिम फेरीत प्रवेश केला. स्पर्धेतील दुसऱ्या सेमीफायनलमध्ये त्यांनी पंजाबचा २५ धावांनी पराभव () केला. आता अंतिम सामन्यात त्यांची लढत तामिळनाडू विरुद्ध होईल. वाचा- बडोदाचा सलामीवीर केदार देवधरने ४९ चेंडूत चार चौकार आणि ३ षटकारांसह ६४ धावा केल्या. तर कार्तिकने नाबाद ५३ धावा केल्या. या दोघांनी तिसऱ्या विकेटसाठी ९३ धावांची भागिदारी केली. ज्याच्या जोरावर बडोदाने २० षटकात ३ बाद १६० ही आव्हानात्मक धावसंख्या उभी केली. वाचा- कार्तिकने ४१ चेंडूत ५ चौकार आणि २ षटकार मारले. कार्तिक आणि देवधर यांच्या फलंदाजीमुळे बडोदाने अखेरच्या ८ षटकात ८५ धावा केल्या. त्यानंतर बडोदाच्या लुकमान मेरिवाल (३ विकेट) आणि निनाद राथवा (२ विकेट)यांनी पंजाबला १३५ धावात रोखले आणि विजय साकारला. वाचा- ... वाचा- पंजाबकडून कर्णधार मनदीप सिंगने नाबाद ४२ धावा केल्या. गुरुकीरत सिंगने ३९ धावांचे योगदान दिले. पंजाबची सुरूवात खराब झाली. २१ धावांवर त्यांचे दोन फलंदाज बाद झाले होते. त्यानंतर १४ षटकात ४ बाद ७० अशी अवस्था होती. पंजाबला ५ षटाकत विजयासाठी ७० धावा हव्या होत्या. पण धावा करण्यात अपयशी ठरले. याआधी पहिल्या सेमीफायनलमध्ये तामिळनाडूने राजस्थानचा सात विकेटनी पराभव करून अंतिम फेरीत स्थान मिळवले होते. वाचा- मुश्ताक अली ट्रॉफीची अंतिम लढत ३१ जानेवारी रोजी होणार आहे.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2MHuZ5O

Sourav Ganguly: रुग्णालयाने दिले गांगुलीच्या प्रकृतीसंदर्भातील महत्त्वाचे अपडेट

कोलकाता: भारतीय क्रिकेट संघाचा माजी कर्णधार आणि सध्याचे बीसीसीआयचे अध्यक्ष सौरव गांगुलीच्या प्रकृतीमध्ये सुधारणा होत आहे. गांगुलीला आता ICU मधून खासगी रुममध्ये शिफ्ट करण्यात आले आहे. रुग्णालयातील एका अधिकाऱ्यांनी दिलेल्या माहितीनुसार अँजिओप्लॅस्टीनंतर गांगुलीच्या प्रकृतीत सुधारणा झाली आहे. वाचा- भारतीय क्रिकेट नियामक मंडळाचे अध्यक्ष सौरव गांगुलीवर गुरुवारी पुन्हा एकदा अँजिओप्लॅस्टी करण्यात आली होती. त्यांच्या धमन्यांमध्ये दोन स्टेंटही बसवण्यात आले होते. त्यांच्या धमन्यांमध्ये दोन स्टेंटही बसवण्यात आले होते. वाचा- आता गांगुलीची प्रकृती स्थिर आहे. त्यांना रात्री चांगली झोप देखील लागली. आरोग्या संदर्भातील सर्व गोष्टी सामान्य आहेत. आता त्यांना आयसीयूमधून खासगी वॉर्डमध्ये शिफ्ट करण्यात आल्याचे रुग्णालयाती अधिकाऱ्यांनी सांगितले. वाचा- प्रसिद्ध हृदय रोग तज्ञ डॉ. देवी शेट्टी व अश्विन मेहता यांच्या पथकाने गांगुलीवर गुरुवारी अँजिओप्लॅस्टी केली होती. त्यानंतर त्याला आयसीयूमध्ये ठेवण्यात आले होते. छातीत दुखू लागल्याने बुधवारी गांगुलीला रुग्णालयात दाखल करण्यात आले. एका महिन्यात गांगुलीला दुसऱ्यांदा रुग्णालयात दाखल करावे लागले. वाचा- याआधी सौरव गांगुलीला हृदय विकाराचा सौम्य धक्का बसला होता. तेव्हा त्याला ट्रिपल वेसेल डिजीज असल्याचे समोर आले होते. गांगुलीला सर्व प्रथम दोन जानेवारी रोजी रुग्णालयात दाखल करण्यात आले. त्यानंतर शस्त्रक्रिया केल्यानंतर पाच दिवसांनी घरी सोडण्यात आले.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3af62H7

अजिंक्यने कांगारूचे चित्र असलेला केक कापला नाही; उत्तर वाचून तुम्हाला अभिमान वाटेल

नवी दिल्ली: भारतीय क्रिकेट संघातील स्टार फलंदाज ()ने ऑस्ट्रेलिया दौऱ्यात संघाचे नेतृत्व केले आणि ऐतिहासिक विजय मिळून दिला. विराट कोहलीच्या गैरहजेरीत आणि महत्त्वाचे गोलंदाज दुखापतीमुळे संघाबाहेर असताना अजिंक्यने ऑस्ट्रेलियाला घरच्या मैदानावर पराभूत केले. या विजयानंतर अजिंक्यचे मायदेशात जंगी स्वागत झाले. वाचा- ऑस्ट्रेलियाविरुद्धच्या कसोटी मालिकेत २-१ने विजय मिळवल्यानंतर प्रथम विमानतळावर आणि नंतर घरी त्याच्या सोसायटीमधील लोकांनी त्याचे जंगी स्वागत केले. ढोल ताशे आणि तुतारीने अजिंक्यचे स्वागत करण्यात आले होते. या निमित्ताने अजिंक्यसाठी केक देखील तयार करण्यात आला. हा केक कांगारुचा होता. पण अजिंक्यने तो कापण्यास नकार दिला. या घटनेचा व्हिडिओ सोशल मीडियावर व्हायरल होत आहे. वाचा- प्रसिद्ध क्रिकेट समालोचक हर्षा भोगले यांनी यासंदर्भात अजिंक्यला प्रश्न विचारला असता त्याने त्यावर जे उत्तर दिले त्याने तुम्हाला अजिंक्यचा अभिमान वाटेल. अजिंक्य म्हणाला, केकवर कांगारू प्राणी होता. हा ऑस्ट्रेलियाचा राष्ट्रीय प्राणी आहे. त्यामुळे मी तो केक कापला नाही. मला वाटते की कोणाच्या सम्मानाला धक्का लागू नये. वाचा- तुम्ही प्रतिस्पर्धी संघाचा पराभव केल्यानंतर देखील जय-पराजय नंतर देखील तुम्ही त्यांना सम्मान देण्याची गरज आहे. तुम्ही भलेही विजय मिळवला असला, इतिहास घडवला असला तरी प्रतिस्पर्धी संघाला सम्मान दिला पाहिजे. यामुळेच मी तो केक कापण्यास नकार दिला, असे अजिंक्य म्हणाला. वाचा- ... अजिंक्य ऑस्ट्रेलिया दौऱ्यातून मुंबईत दाखल झाला तेव्हा त्याची पत्नी राधिका आणि मुलगी विमानतळावर स्वागतासाठी आले होते. तेथून तो घरी आला. अजिंक्य ज्या सोसायटीमध्ये राहतो तेथील सर्व जण स्वागतासाठी उपस्थित होते. त्याच्यासाठी रेड कार्पेट घालण्यात आले होते. त्याच बरोबर ढोल-ताशे आणि तुतारी वाजवण्यात आली.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/39sIVK1

IND vs ENG 2021: भारत विरुद्ध इंग्लंड; जाणून घ्या संपूर्ण वेळापत्रक, कधी, कोठे होणार सामने आणि लाइव्ह टेलिकास्ट

नवी दिल्ली: भारत आणि इंग्लंड यांच्यात कसोटी मालिकेची सुरूवात ५ फेब्रुवारीपासून होणार आहे. इंग्लंडच्या भारत दौऱ्याची सुरुवात चार सामन्यांच्या कसोटी मालिकेने होणार आहे. या शिवाय पाच टी-२० लढती आणि ३ वनडे सामन्यांची मालिका होणार आहे. कसोटीची सुरुवात चेन्नईतून होईल. पहिल्या दोन कसोटी चेन्नईत होणार आहेत. त्यानंतरच्या दोन कसोटी या अहमदाबाद येथील होतील. चेन्नईत आतापर्यंत झालेल्या ३२ पैकी १४ कसोटी भारतीय संघाने विजय मिळवला आहे. सहा सामन्यात पराभव झाला तर ११ सामने ड्रॉ झाले आहेत. चेन्नईत भारताने ७ बाद ७५९ ही सर्वोच्च धावसंख्या २१६ साली इंग्लंडविरुद्ध केली होती. तर याच मैदानावर ८३ ही सर्वात निच्चांकी धावसंख्या आहे. १९७७ साली इंग्लंडने भारताचा ८३ वर ऑल आउट केला होता. या मैदानावर सुनील गावस्कर यांनी १२ कसोटीत १ हजार १८ धावा केल्या आहेत. त्यांनी चेन्नईत ३ शतक झळकावली आहेत. वाचा- या शिवाय चेन्नईत भारतीय संघाने इंग्लंडविरुद्ध खेळलेल्या ९ पैकी ५ कसोटी विजय मिळवला आहे. या दोन्ही संघातील अखेरच्या लढतीत भारताने ७५ धावांनी विजय मिळवला होता. तेव्हा करुण नायरने ३०३ तर केएल राहुलने १९९ धावा केल्या होत्या. या मैदानावर भारतीय संघाची कामगिरी चांगली झाल्याने पहिल्या दोन्ही कसोटीत भारताचे पारडे जड मानले जाते. जाणून घेऊयात भारत आणि इंग्लंड यांच्यातील संपूर्ण मालिकेचे वेळापत्रक... (ind vs eng 2021 full schedule) कसोटी मालिका पहिली कसोटी, चेन्नई- ५ ते ९ फेब्रुवारी- सकाळी ९.३० वाजता दुसरी कसोटी, चेन्नई- १३ ते १७ फेब्रुवारी- सकाळी ९.३० वाजता तिसरी कसोटी, अहमदाबाद- २४ ते २८ फेब्रुवारी (डे-नाईट)- दुपारी २ वाजता चौथी कसोटी, अहमदाबाद- ४ ते ८ मार्च- सकाळी ९.३० वाजता वाचा- टी-२० मालिकेचे वेळापत्रक पहिली मॅच- १२ मार्च, संध्याकाळी ६ वाजता दुसरी मॅच- १४ मार्च, संध्याकाळी ६ वाजता तिसरी मॅच- १६ मार्च, संध्याकाळी ६ वाजता चौथी मॅच- १८ मार्च, संध्याकाळी ६ वाजता पाचवी मॅच- २० मार्च, संध्याकाळी ६ वाजता या सर्व लढती अहमदाबाद येथील सरदार पटेल स्टेडियमवर होणार आहेत. वनडे सामन्यांचे वेळापत्रक पहिली वनडे- २३ मार्च, दुपारी २.३० वाजता दुसरी वनडे- २६ मार्च, दुपारी २.३० वाजता तिसरी वनडे- २८ मार्च, सकाळी ९.३० वाजता या सर्व लढती पुण्यातील महाराष्ट्र क्रिकेट असोसिएशनच्या स्टेडियममध्ये होतील. वाचा- लाइव्ह टेलिकास्ट भारत आणि इंग्लंड यांच्यातील सर्व मालिकेचे लाइव्ह टेलिकास्ट स्टार स्पोर्ट्स नेटवर्कवर होणार आहे. ऑनलाइन स्ट्रीमिंग इंग्लंडच्या भारत दौऱ्याचे संपूर्ण ऑनलाइन स्ट्रीमिंग हॉटस्टार नेटवर्कवर होईल.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/39wusgj

Syed Mushtaq Ali Trophy 2021: कार्तिकची स्फोटक फलंदाजी, तामिळनाडू फायनलमध्ये

अहमदाबाद: सैय्यद मुश्ताक अली टी-२० ट्रॉफीतील पहिली सेमीफायनल लढत मोटेरा क्रिकेट मैदानावर राजस्थान आणि तामिळनाडू यांच्यात झाली. या महत्त्वाच्या लढतीत तामिळनाडूने शानदार विजय मिळवत अंतिम फेरीत स्थान मिळवले. त्यांनी राजस्थानचा ७ विकेटनी पराभव केला. वाचा- पहिल्या सेमीफायनल लढतीत राजस्थानचा कर्णधार अशोक मेनारियाने नाणेफेक जिंकून प्रथम फलंदाजी करण्याचा निर्णय घेतला. त्यांनी २० षटकात ९ बाद १५४ धावा केल्या. तामिळनाडूला विजयासाठी १५५ धावांची गरज होती. अरुण कार्तिकच्या धमाकेदार फलंदाजीच्या तामिळनाडूने विजयाचे लक्ष्य १८.४ षटकात आणि ३ विकेटच्या मोबदल्यात पार केले. वाचा- अंतिम लढतीत लक्ष्याचा पाठलाग करताना तामिळनाडूची सुरुवात खराब झाली. हरी निशांत चार धावांवर बाद झाला. त्यानंतर दुसरी विकेट देखील लवकर पडली. एन जगदीशन याने २८ धावा केल्या आणि संघाला स्थिर केले. पण तो देखील मोठी धावसंख्या करू शकला नाही. तिसरी विकेट पडल्यानंतर अरुण फलंदाजीला आला. त्याने नाबाद ८९ धावांची धमाकेदार फलंदाजी केली आणि विजय मिळवून दिला. तर कर्णधार दिनेश कार्तिकने १७ चेंडूत नाबाद २६ धावा केल्या. वाचा- वाचा- अरुण कार्तिकने ५४ चेंडूत ९ चौकार आणि ३ षटकारांसह १६४.८१च्या स्ट्राइक रेटने नाबाद ८९ धावा केल्या. राजस्थानकडून कर्णधार अशोक मेनारियाने ३० चेंडूत अर्धशतक पूर्ण केले. तो ५१ धावांवर बाद झाला. राजस्थानकडून अर्जित गुप्ताने ४५ धावा केल्या.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2L3CYdg

IND vs ENG: इंग्लंडवर विजय मिळवण्यासाठी भारतापुढे या 'रनमिशन'चे मोठे आव्हान

चेन्नई, : ऑस्ट्रेलियावर ऐतिहासिक विजय मिळवल्यावर आता भारतापुढे आव्हान आहे ते इंग्लंडचे. भारत आणि इंग्लंड यांच्यांमध्ये ५ फेब्रुवारीपासून कसोटी मालिकेला सुरुवात होत आहे. पण भारताला जर इंग्लंडवर विजय मिळवायचा असेल, तर त्यांच्यापुढे एका खेळाडूचे सर्वात मोठे आव्हान असेल. भारताला इंग्लंडविरुद्ध विजय मिळवायचा असेल तर सर्वात मोठे आव्हान असेल ते कर्णधार जो रुटचे. कारण रुट सध्याच्या घडीला अफलातून फॉर्ममध्ये आहे, त्याचबरोबर करोनानंतर झालेल्या सर्वच कसोटी मालिकेत रुटच्या नेतृत्वाखाली इंग्लंडच्या संघाने विजय मिळवला आहे. त्यामुळे या मालिकेत भारतापुढे सर्वात मोठे आव्हान हे जो रुटचे असणार आहे. श्रीलंकेविरुद्धच्या दोन कसोटी सामन्यांच्या मालिकेत रुटने तब्बल १०६च्या सरासरीने ४२६ धावा केल्या होत्या. यामध्ये २२८ धावांच्या अफलातून खेळीचाही समावेश होता. त्याचबरोबर या दौऱ्यात रुटने १८६ धावांची खेळीही साकारली होती. यापूर्वी झालेल्या दक्षिण आफ्रिकेविरुद्धच्या दौऱ्यातही रुटने चांगली फलंदाजी केली होती. त्यामुळे रुट ही इंग्लंडसाठी रनमशिन ठरलेली आहे. त्यामुळे रुटला लवकर बाद कसे करायचे, याची रणनिती भारतीय संघाला सर्वप्रथम आखावी लागणार आहे. जर रुट एकदा का स्थिरस्थावर झाला तर त्याला बाद करणे भारतीय संघासाठी नक्कीच सोपे नसेल. रुटच्या नेतृत्वाखाली इंग्लंडने गेल्या काही महिन्यांत मिळवले हे मालिका विजय करोनानंतर क्रिकेट विश्वात पहिली मालिका इंग्लंड आणि वेस्ट इंडिज यांच्यामध्ये खेळवली गेली होती. या मालिकेत रुटच्या नेतृत्वाखाली इंग्लंडच्या संघाने २-१ असा विजय मिळवला होता. त्यानंतर इंग्लंडच्या दौऱ्यावर पाकिस्तानचा संघ गेला होता. तीन कसोटी सामन्यांच्या या मालिकेत इंग्लंडने १-० असा विजय मिळवला होता. त्यानंतर इंग्लंडचा संघ श्रीलंकेच्या दौऱ्यावर गेला होता. या दौऱ्यात रुटच्या नेतृत्वाखाली इंग्लंडच्या संघाने २-० असा धमाकेदार विजय मिळवला होता. त्यामुळे रुटचा विजयरथ विराट कोहलीच्या नेतृत्वाखालील भारतीय संघ रोखणार का, याची उत्सुकता सर्वच क्रिकेट चाहत्यांना नक्की असेल.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3r6tvku

IND vs ENG: इंग्लंडच्या खेळाडूने सांगितले, या कारणामुळे भारत कसोटी मालिका जिंकणार

नवी दिल्ली: भारत आणि इंग्लंड यांच्यात चार सामन्यांची कसोटी मालिका ५ फेब्रुवारीपासून सुरू होणार आहे. या मालिकेत भारतीय संघाचा विजय होईल अशी भविष्यवाणी इंग्लंडच्या एका माजी खेळाडूने केली आहे. दोन्ही संघातील पहिले दोन कसोटी सामने चेन्नईत होणार आहेत. गेल्या वेळी म्हणजेच २०१६ साली जेव्हा चेन्नईत दोन्ही संघा दरम्यान कसोटी सामना झाला होता तेव्हा इंग्लंडचा ७५ धावांनी पराभव झाला होता. या दोन्ही संघात चेन्नईत ९ कसोटी सामने झाले आहेत. त्यापैकी ५ भारताने तर ३ इंग्लंडने जिंकलेत. तर १९८२ साली झालेला सामना ड्रॉ झाला होता. वाचा- इंग्लंडचा माजी फिरकीपटू ()च्या मते इंग्लंडविरुद्धची आगामी कसोटी मालिका भारत विजय मिळवू शकतो. कारण ते घरच्या मैदानावर खेळत आहेत. मला वाटत नाही की इंग्लंडचा वाइटवॉश होईल. पण भारत मजबूत आहे आणि त्याला विजयाची संधी अधिक आहे. वाचा- इंग्लंडने २०१२-१३ साली अखेरची कसोटी मालिका भारतात जिंकली होती. तेव्हा पनेसर इंग्लंडकडून खेळत होता. त्याने ३ सामन्यात १७ विकेट घेतल्या होत्या. इंग्लंडकडे मजबूत जलद गोलंदाज आहेत. पण त्यांची फलंदाजी कमकूवत आहे. फिरकी गोलंदाजांना ते लवकर बाद होतात. भारत यावर अधिक भर देईल. त्यांनी मालिका ४-०ने जिंकली तर मोठा धक्का असेल. पण माझ्या मते मालिका २-१ किंवा २-० अशी होईल. भारताने ऑस्ट्रेलियाचा त्यांच्या घरच्या मैदानावर पराभूत करून मालिका २-० अशी जिंकली. भारतीय संघाचा परदेशातील हा सर्वात खास विजय आहे, असे पनेसर म्हणाला. संघाचे कोच रवी शास्त्री यांनी पहिल्या कसोटीत ३६ वर बाद झाल्यानंतर संघाला सकारात्मकतेने मार्गदर्शन केले. वाचा- भारतीय संघात युवा खेळाडूंना संधी देण्याची सुरूवात सौरव गांगुलीने केली होती. त्याचा व्यवस्थापनात सहभाग झाल्याने मोठे बदल झाले आहेत. इंग्लंड संघातील खेळाडू फिरकीपेक्षा जलद गोलंदाजांना अधिक चांगल्या पद्धतीने खेळतात. केव्हिन पीटरसन प्रमाणे अन्य खेळाडू फिरकीपटूंच्या विरुद्ध चांगली फलंदाजी करू शकत नाहीत, असे तो म्हणाला.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3r2GKTv

इंग्लंडवर विजय मिळवल्यावर जेव्हा युवराजने सचिनला उचलून घेतले होते, जाणून घ्या तो अविस्मरणीय क्षण

नवी दिल्ली : भारत आणि इंग्लंड यांच्यातील कसोटी मालिकेतील काही क्षण आपण कधीच विसरु शकत नाही. लॉर्ड्सवर भारताने जिंकलेला अंतिम सामना आणि सौरव गांगुलीने काढलेले टी-शर्ट अजूनही सर्वांच्या डोळ्यासमोर असेल. पण क्रिकेटच्या इतिहासात असाच एक अविस्मरणीय क्षण आहे, ज्यावेळी इंग्लंडवर विजय मिळवल्यावर सिक्सर किंग युवराज सिंगने भारताचा माजी महान क्रिकेटपटू सचिन तेंडुलकरला चक्क उचलून घेतले होते. नेमकं काय घडलं होतं, पाहा...मुंबईमध्ये २६ नोव्हेंबर २००८ साली दहशतवादी हल्ला झाला होता. त्यावेळी इंग्लंडचा संघ भारताच्या दौऱ्यावर होता. या हल्ल्यानंतर इंग्लंडच्या संघाने दौरा अर्धवट सोडण्याचा निर्णय घेतला होता. पण त्यानंतर इंग्लंडचा संघ डिसेंबर महिन्यात भारतात पुन्हा क्रिकेट खेळायला आला. इंग्लंडने यावेळी आपला दुसरा डाव ३११ धावांवर घोषित केला होता आणि भारतापुढे विजयासाठी ३८७ धावांचे आव्हान ठेवले होते. इंग्लंडच्या आव्हानाचा पाठलाग करताना वीरेंद्र सेहवाग आणि गौतम गंभीर यांनी धडाकेबाज सलामी दिली होती. या दोघांनी फक्त १०८ चेंडूंमध्ये १०० धावांची भागीदारी रचली होती. सेहवागने तर इंग्लंडच्या गोलंदाजीची पिसे काढली होती आणि फक्त ३२ चेंडूंत आपले अर्धशतकही झळकावले होते. सेहवागने यावेळी ६८ चेंडूंमध्ये ८३ धावांची खेळी साकारुन भारताच्या विजयाचा पाया रचला होता. गंभीरनेही यावेळी ६६ धावांचे योगदान दिले होते. सेहवाग आणि गंभीर बाद झाले तेव्हा भारताची २ बाद १४१ अशी अवस्था होती. पण त्यानंतर चार धावांमध्येच राहुल द्रविड आऊट झाला होता. त्यानंतर सचिन तेंडुलकर मैदानात उतरला होता. सचिनने यावेळी आपले अर्धशतक पूर्ण केले आणि व्हीव्हीएस लक्ष्मणबरोबर चांगली भागीदारी रचत संघाला दोनशे धावांचा पल्ला गाठून दिला होता. त्यानंतर सचिनने युवराज सिंगबरोबर मोठी भागीदारी रचली होती आणि संघाच्या विजयावर शिक्कामोर्तब केले होते. सचिनने विनिंग शॉट मारत यावेळी आपले शतकही पूर्ण केले होते. त्यानंतर युवराजने सचिनला भर मैदानात उचलून घेतले होते. सचिनने यावेळी आपले हे शतक मुंबईच्या हल्ल्यातील शहिद झालेल्या व्यक्तींना समर्पित केले होते. सचिनने यावेळी नाबाद १०३ धावांची खेळी साकारली होती, तर युवराजने नाबाद ८५ धावांची खेळी साकारत विजयात मोलाचा वाटा उचलला होता.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3opNfOB

तब्बल १० वर्षांनी संघात आला अन् सलग दोन शतकं लगावत निवड समितीचे तोंड केले बंद

नवी दिल्ली : तब्बल १० वर्षे तो संघाच्या बाहेर होता. या १० वर्षांत निवड समितीने त्याला एकदाही संधी दिली नाही. पण जेव्हा १० वर्षांनी या क्रिकेटपटूला संधी मिळाली तेव्हा त्याने या संधाचे सोने केले. संधी मिळाल्यावर सलग दोन शतके लगावत या फलंदाजाने निवड समितीचे तोंड बंद केले आहे. या खेळाडूच्या शतकाच्या जोरावर संघाला सहज विजय मिळवता आला. त्याचबरोबर या शतकवीर खेळाडूला यावेळी सामनावीराचा पुरस्कारही देण्यात आला. न्यूझीलंडविरुद्धच्या बिकट अवस्थेत या खेळाडूला संधी देण्यात आली. खेळपट्टी आणि वातावरण गोलंदाजीला पोषक असतानाही या खेळाडूने शतक झळकावत आपली निवड सार्थ करून दाखवली. त्यानंतर आता दक्षिण आफ्रिकेविरुद्धच्या कसोटी सामन्यातही पाकिस्तानच्या फवाद आलमने शतक झळकावले. आलमचे हे सलग दुसरे शतक ठरले. त्यामुळे तब्बल १० वर्षे मला संधी का दिली नाही, असा सवाल आलमने आपल्या कामगिरीच्या माध्यमातून पाकिस्तानच्या निवड समितीला विचारला आहे. दक्षिण आफ्रिकेविरुद्धच्या कसोटी सामन्यात आलमने ९ चौकार आणि दोन षटकारांच्या मदतीने १०९ धावांची दमदार खेळी साकरली. आलमच्या या शतकाच्या जोरावरच पाकिस्तानला ३७८ धावा करता आल्या आणि १५८ धावांची मजबूत आघाडीही घेता आली. आलमच्या या शतकाच्या योगदानामुळेच पाकिस्तानला हा सामना जिंकताही आला. पाकिस्तानने पहिल्या कसोटी सामन्यात दक्षिण आफ्रिकेवर सात विकेट्स राखून दणदणीत विजय मिळवला. या सामन्यात मोलाचे योगदान देणाऱ्या आलमलाच यावेळी सामनावीराचा पुरस्कार देऊन गौरवण्यातही आले. त्यामुळे तब्बल १० वर्षे या खेळाडूला संधी का मिळाली नाही, असा सवाल आता विचारला जात आहे. आलमच्या या शतकी खेळीनंतर पाकिस्तानचा माजी वेगवान गोलंदाज शोएब अख्तरने निवड समितीला प्रश्न विचारला आहे. अख्तरने आपल्या ट्विटमध्ये म्हटले आहे की, " तब्बल एक दशक फवाद आलमसारख्या खेळाडूला संघाबाहेर ठेवण्यासाठी कोण जबाबदार आहे. आलमसारख्या एवढ्या चांगल्या फलंदाजाला संघाबाहेर एवढी वर्षे का ठेवण्यात आले, असा माझा निवड समितीला प्रश्न आहे."

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3otF5Vl

IND vs ENG: भारतीय खेळाडूंची पहिली करोना चाचणी झाली, पाहा आता पुढे काय होणार...

चेन्नई, : इंग्लंडविरुद्धच्या कसोटी मालिकेसाठी भारतीय संघ चेन्नईमध्ये दाखल झाला आहे. यावेळी भारतीय संघांतील खेळाडूंची पहिली करोना चाचणा झाली आहे. आता यापुढे खेळाडूंना काय करावे लागणार आहे, याचा कार्यक्रमही बीसीसीआयने तयार केला आहे. भारतीय खेळाडूंची पहिला करोना चाचणी झाली असून त्यांना आता क्वारंटाइनमध्ये ठेवण्यात आले आहे. भारतीय खेळाडू यावेळी सात दिवस क्वारंटाइनमध्ये असतील. या कालावधीमध्ये खेळाडूंच्या अजून दोन करोना चाचण्या होणार आहेत. या दोन करोना चाचण्यांचे अहवाल निगेटीव्ह आल्यावर खेळाडूंना सामना खेळता येणार आहे. भारतीय खेळाडू सात दिवसांसाठी क्वारंटाइन असले तरी त्यांना सराव आणि व्यायाम करावाच लागणार आहे. भारतीय संघातील सहाय्यक प्रशिक्षक भारतीय खेळाडूंना व्हिडीओद्वारे व्यायामाचे प्रकार सांगणार आहेत, त्यानुसार भारतीय संघातील खेळाडूंना व्यायाम करावा लागणार आहे. या सात दिवसांच्या क्वारंटाइननंतर सर्व खेळाडू मैदानात एकत्रितपणे सराव करू शकतात. त्यावेळी इंग्लंडविरुद्धच्या मालिकेची रणनिती ठरवण्यात येऊ शकते. पण सध्याच्या घडीला तरी भारतीय खेळाडूंच्या अन्य दोन करोना चाचण्यांचे अहवाल नेमके काय येतात, याकडे सर्वांचे लक्ष लागलेले असेल. भारतीय दौऱ्यासाठी इंग्लंडचा संघ बुधवारी दाखल झाला. इंग्लंडच्या संघातील सर्व व्यक्तींची यावेळी करोना चाचणी करण्यात आली. त्यानंतरच इंग्लंडच्या संघाला हॉटेलमध्ये प्रवेश देण्यात आला आहे. त्याचबरोबर आता सात दिवस इंग्लंडच्या संघाला क्वारंटाइनमध्ये राहावे लागणार आहे. त्यानंतर इंग्लंडच्या संघाला फक्त तीन दिवसच सराव करण्यासाठी मिळणार आहेत. अजिंक्य रहाणेकडे इंग्लंडविरुद्धच्या कसोटी मालिकेत सुवर्णसंधी आहे. कारण या मालिकेत अजिंक्य बरेच विक्रम मोडू शकतो, हे आता समोर आले आहे. मेलबर्नमध्ये कसोटी सामन्यात अजिंक्यने शतक झळकावले होते. या शतकाच्या जोरावर भारताला विजय मिळवता आला होता. आता इंग्लंडविरुद्धच्या कसोटी मालिकेत जर अजिंक्यने अशीच कामगिरी केली तर त्याला भारताचा माजी कर्णधार महेंद्रसिंग धोनी, पॉली उम्रीगर, गुंडप्पा विश्वनाथ आणि मुरली विजय यांचे विक्रम मोडण्याची सुवर्णसंधी असेल.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2YmsuZo

Sourav Ganguly Health Update: शस्त्रक्रीयेनंतर कशी आहे सौरव गांगुलींची प्रकृती, डॉक्टरांनी दिले महत्वाचे अपडेट्स

कोलकाता : भारताचे माजी कर्णधार आणि बीसीसीआयचे अध्यक्ष यांच्यावर गुरुवारी अँजिओप्लॅस्टी करण्यात आली होती. त्याचबरोबर गांगुली यांच्यावर शस्त्रक्रीया करताना त्यांच्या धमन्यांमध्ये दोन स्टेंटही बसवण्यात आले होते. गांगुली यांना एकाच महिन्यात दोनदा अँजिओप्लॅटी करावी लागली. त्यानंतर गांगुली यांची प्रकृती नेमकी कशी आहे, याबाबत अपोलो हॉस्पिटलमधील डॉक्टरांनी महत्वाचे अपडेट्स दिले आहेत. अपोलो हॉस्पिटलमधून यावेळी सांगितले की, " गांगुली यांचा आजही काही वैद्यकीय चाचण्या करण्यात येणार आहेत. अँजिओप्लॅस्टी झाल्यावर गांगुली यांची प्रकृती सध्याच्या घडीला स्थिर आहे. या शस्त्रक्रीयेनंतर गांगुली यांना रात्री चांगली झोपही लागली. आतापर्यंतचे गांगुली यांचे सर्व वैद्यकीय चाचण्यांचे अहवाल नॉर्मल आहेत. वरिष्ठ डॉक्टर गांगुली यांचे पुन्हा एकदा चेकअप करणार आहेत. त्यानंतरच गांगुली यांना दुसऱ्या वॉर्डमध्ये हलवायचे की नाही, याबाबतचा निर्णय घेण्यात येणार आहे." गांगुली यांची काल सकाळी अँजिओग्राम आणि काही वैद्यकीय चाचण्या करण्यात आल्या होत्या. या चाचण्यांचा अहवाल आल्यावर गांगुली यांच्यावर अँजिओप्लास्टी करण्याचा निर्णय घेण्यात आला. हृदय रोग तज्ञ डॉ. देवी शेट्टी व अश्विन मेहता यांच्या उपस्थित आज गांगुली यांच्यावर अँजिओप्लास्टी करण्यात आली. यावेळी गांगुलीचे कौटुंबिक डॉक्टर आफताभ खानही उपस्थित होते. गांगुली यांच्यावर करण्यात आलेली अँजिओप्लास्टी ही यशस्वीपणे झाली आहे. अँजिओप्लास्टीनंतर गांगुली यांची प्रकृती स्थिर असून त्यांना डॉक्टरांच्या निगराणीखाली ठेवण्यात आले आहे. गांगुली यांना जेव्हा यापूर्वी हॉस्पिटलमध्ये दाखल करण्यात आले होते, तेव्हा त्यांच्या तीन धमण्यांमध्ये रक्त प्रवाह योग्यपद्धतीने होत नसल्याचे पाहायला मिळाले होते. त्यावेळी गांगुली यांच्या एका धमनीमध्ये स्टेंट लावण्यात आला होता आणि त्यावेळी अँजिओप्लास्टीही करण्यात आली होती. बाकीच्या दोन धमन्यांमध्ये काही कालावधीनंतर स्टेंट बसवण्याचा निर्णय त्यावेळी डॉक्टरांनी घेतला होता. त्यानंतर सात जानेवारीला गांगुली यांना वुडलँड्स हॉस्पिटलमधून डिस्चार्ज देण्यात आला होता. पण आज झालेल्या शस्त्रक्रीयेमध्ये गांगुली यांच्या दोन धमन्यांमध्ये यावेळी स्टेंट बसवण्यात आले आहेत. गांगुली यांच्यावर अँजिओप्लास्टी झाल्यावर मुख्यमंत्री ममता बॅनर्जी या हॉस्पिटलमध्ये पोहोचल्या होत्या आणि त्यांनी गांगुलीची भेटही घेतली. यावेळी ममता यांनी गांगुली यांच्या प्रकृतीची चौकशी केली. सौरव गांगुली यांची प्रकृती आता उत्तम आहे आणि ते लवकर बरे व्हावेत, यासाठी मी त्यांना शुभेच्छा देत आहे, असे ममता यांनी सांगितले. ममता यांच्यानंतर वरिष्ठ माकपा नेता अशोक भट्टाचार्य यांनीही गांगुलीची हॉस्पिटलमध्ये जाऊन भेट घेतली.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ptDNe9

IND vs ENG: अजिंक्य रहाणेकडे सुवर्णसंधी, इंग्लंडविरुद्ध मोडू शकतो हे महत्वाचे विक्रम

चेन्नई, : मराठमोळ्या अजिंक्य रहाणेकडे इंग्लंडविरुद्धच्या कसोटी मालिकेत सुवर्णसंधी आहे. कारण या मालिकेत अजिंक्य बरेच विक्रम मोडू शकतो, हे आता समोर आले आहे. मेलबर्नमध्ये कसोटी सामन्यात अजिंक्यने शतक झळकावले होते. या शतकाच्या जोरावर भारताला विजय मिळवता आला होता. आता इंग्लंडविरुद्धच्या कसोटी मालिकेत जर अजिंक्यने अशीच कामगिरी केली तर त्याला भारताचा माजी कर्णधार महेंद्रसिंग धोनी, पॉली उम्रीगर, गुंडप्पा विश्वनाथ आणि मुरली विजय यांचे विक्रम मोडण्याची सुवर्णसंधी असेल. अजिंक्यने आतापर्यंत ६९ कसोटी सामन्यांमध्ये ४४७१ धावा केल्या आहेत, यामध्ये १२ शतकांचा समावेश आहे. जर इंग्लंडविरुद्धच्या चार सामन्यांच्या कसोटी मालिकेत अजिंक्यने ४०६ धावा केल्या, तर त्याला महेंद्रसिंग धोनीला मागे टाकण्याची नामी संधी असेल. धोनीने आतापर्यंत ९० कसोटी सामन्यांमध्ये ४८७६ धावा केल्या आहेत. त्यामुळे अजिंक्यने या मालिकेत दमदार कामगिरी केली तर त्याला धोनीलाही मागे सोडता येईल. अजिंक्यच्या नावावर आता १२ शतके आहेत. पॉली उम्रीगर आणि मुरली विजय यांच्या नावावरही प्रत्येकी १२ शतके आहेत. त्यामुळे अजिंक्यने या मालिकेत जर एक शतक झळकावले तर त्याला उम्रीगर आणि मुरली विजय यांना मागे सोडता येणार आहे. त्याचबरोबर अजिंक्यने या मालिकेत जर दोन शतके लगावली तर त्याला गुंडप्पा विश्वनाथ यांच्या १४ शतकांची बरोबरी करता येणार आहे. पण जर अजिंक्यने इंग्लंडविरुद्धच्या आठ डावांमध्ये तीन शतके लगावली तर त्याला विश्वनाथ यांचा शतकांचा विक्रमही मागे सोडता येईल. इंग्लंडविरुद्धची चार कसोटी सामन्यांची मालिका ही अजिंक्यसाठी फार महत्वाची ठरणार आहे. कारण अजिंक्य चांगल्या फॉर्मात आहे. त्यामुळे अजिंक्य या मालिकेत किती धावा करतो आणि कोणचा विक्रम मोडतो, याकडे नक्कीच सर्वांचे लक्ष असेल. अजिंक्यने ऑस्ट्रेलियाचा दौरा चांगलाच गाजवला होता. पण आता अजिंक्यकडे कर्णधारपद नसले तरी त्याच्याकडून कशी कामगिरी होते आणि तो किती धावा करतो, याकडे सर्वांचेच लक्ष असेल.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2MdKXF6

तेव्हा लोकलमध्ये कोणी ओळखले नव्हते; आता टीम इंडियाचा स्टार झालाय हा खेळाडू

मुंबई: ऑस्ट्रेलिया दौऱ्यातील ब्रिस्बेन येथे झालेल्या चौथ्या कसोटी सामन्यात धमाकेदार कामगिरी करून () स्टार झाला. भारतीय संघाच्या विजयाचा मुख्य नायक म्हणून त्याच्याकडे पहिले जाते. मायदेशात परतल्यानंतर शार्दुलचे जोरदार स्वागत झाले. चाहते त्याला भेटण्यासाठी आतुर झालेले दिसतात. पण तीन वर्षापूर्वी जेव्हा तो पहिल्या दौऱ्यातून घरी येत होता तेव्हा त्याला कोणी ओळखले देखील नव्हते. वाचा- शार्दुलने ऑस्ट्रेलियातील ब्रिस्बेन कसोटी खेळण्याआधी एकच कसोटी सामना खेळला होता. त्या सामन्यात देखील १० चेंडू टाकल्यानंतर त्याला दुखापत झाली आणि तो मैदानाबाहेर झाला. ब्रिस्बेन कसोटीत त्याने गोलंदाजी आणि फलंदाजीत शानदार कामगिरी केली. मायदेशात आल्यावर शार्दुलचे विमानतळावर आणि नंतर घरी जोरदार स्वागत झाले. पण २०१८ साली जेव्हा तो दक्षिण आफ्रिकेच्या दौऱ्यातून मुंबईत परतला होता. तेव्हा त्याने अंधेरीतून पालघरला जाण्यासाठी लोकल ट्रेन पकडली होती. प्रवाशांनी भरलेल्या त्या लोकल रेल्वेत भारताच्या या स्टार गोलंदाजाला एकानेही ओळखले नाही. वाचा- एका मुलाखतीत शार्दुल म्हणाला, दक्षिण आफ्रिकेतून परतल्यानंतर मी घरी पालघरला जाण्यासाठी अंधेरीतून लोकल पकडली. मी हेडफोन लावला होता आणि घरी लवकर जाण्यासाठी लोकल पकडली होती. जे लोक मला पाहत होते ते विचार करत होते की मी खरच शार्दुल ठाकूर आहे की नाही. लोकलमधील काही कॉलेजच्या मुलांनी माझा फोटो गुगलवर सर्च केला आणि मीच शार्दुल ठाकूर निश्चित केले. त्यानंतर त्यांनी सेल्फीसाठी विचारले. मी त्यांना पालघरला पोहोचल्यानंतर सेल्फी घेऊ असे म्हटले. माझ्या सोबत प्रवास करणाऱ्या अनेकांना आश्चर्य वाटत होते की ते भारतीय क्रिकेटपटू सोबत प्रवास करत आहेत. वाचा- शार्दुल आणि मुंबईच्या लोकल रेल्वेचा खुप जवळचे नाते आहे. तो रोज सकाळी पाचची लोकल गाडी पकडून बोरिवलीला जात असे, जेणेकरून शाळेकडून क्रिकेट खेळू शकले. यामुळेच त्याला पालघर एक्स्प्रेस असे नाव पडले. रोजचा ३ तासाच्या प्रवासाने शार्दुलला मानसिकदृट्या मजबूत केले. ब्रिस्बेन कसोटीत शार्दुलने ७ विकेट घेतल्या. पहिल्या डावात ६७ धावा केल्या. भारत पहिल्या डावात ६ बाद १८६ अशा अवस्थेत असताना त्याने वॉशिंग्टन सुंदर सोबत सातव्या विकेटसाठी १२३ धावांची भागिदारी केली आणि भारताच्या विजयाचा पाया रचला.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2KZBG2X

ICCने केले पाक क्रिकेटपटूला ट्रोल; भारतीयांनी संधी सोडी नाही

दुबई: मैदानावरील एखाद्या घटनेमुळे क्रिकेटपटूंना सोशल मीडियावर ट्रोल करण्याची घटना काही नवी नाही. सामना सुरू असताना अशा अनेक घटना ज्यावर खेळाडू ट्रोल होतात. पण जागतिक क्रिकेटवर नियंत्रण ठेवणाऱ्या संघटनेने जर एखाद्या खेळाडूला ट्रोल केले तर... होय, आंतरराष्ट्रीय क्रिकेट संघटनेने पाकिस्तानच्या एका खेळाडूला चक्क सोशल मीडियावरून ट्रोल कले आहे. आता आयसीसीनेच ट्रोल केले म्हटल्यावर अन्य युझर्स मागे कसे राहतील. वाचा- पाकिस्तान आणि दक्षिण आफ्रिका यांच्यात कसोटी मालिका सुरू आहे. पहिल्या कसोटी जलद गोलंदाज हसन अलीचा एक फोटो आयसीसीने गुरुवारी सोशल मीडियावर शेअर केला. आयसीसीने शेअर केलेल्या पोस्टमध्ये हसन अलीचे दोन फोटो आहेत. पहिल्या फोटोमध्ये तो एक शानदार शॉट मारताना दिसतोय. या फोटोत या फोटोला आयसीसीने प्रोफाइल फोटो म्हटले आहे तर दुसऱ्या फोटोत त्याचा पूर्ण फोटो दाखवला आहे ज्यात तो बोल्ड झालेला दिसतोय. या फोटोला आयसीसीने फूल्ल फोटो असे म्हटलय आणि हसणारी इमोजी टाकली आहे. वाचा- वाचा- आयसीसीने हसन अलीला ट्रोल केल्यामुळे बाकीचे युझर्सने ही संधी सोडली नाही. पाकिस्तान नेहमी भारतावर टीका करत असते. अशात भारतीय युझर्सनी ही संधी सोडली नाही. कराचीत सध्या पाकिस्तान आणि दक्षिण आफ्रिका यांच्यात पहिला कसोटी सामना सुरू आहे. तिसऱ्या दिवसाचा खेळ संपला तेव्हा पाकिस्तानने सामन्यावर पकड मिळवली होती. आफ्रिकेने ४ बाद १८७ धावा केल्या होत्या. त्याच्याकडे फक्त २९ धावांची आघाडी आहे. पाकने पहिल्या डावात ३७८ धावा केल्या होत्या.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3ckoLDS

IND vs AUS : फक्त चार बोटांनी बॅट पकडून का केली फलंदाजी, पुजाराने केला मोठा खुलासा

नवी दिल्ली, : ऑस्ट्रेलियातील भारताच्या ऐतिहासिक विजयात भरवश्याचा फलंदाज चेतेश्वर पुजाराचाही मोलाचा वाटा आहे. पण या दौऱ्यातील फलंदाजीबाबत पुजाराने आज एक मोठा खुलासा केला आहे. आपण फक्त चार बोटांनी बॅट पकडून का फलंदाजी करत होतो, यावर पुजाराने प्रकाशझोत टाकला आहे. पुजारा यावेळी म्हणाला की, " संघाला माझ्याकडून नेमक्या काय अपेक्षा आहे, हे मला चांगलेच माहिती असते. त्यामुळे मी त्यानुसारच फलंदाजी करत असतो. तुम्हाला फक्त तुमच्या तंत्रावर विश्वास असायला हवा. ऑस्ट्रेलियाचा दौरा आमच्यासाठीही खडतर असाच होता. या दौऱ्यात माझ्यावर चार बोटांनी फलंदाजी करायचीही वेळ आली होती. ही गोष्ट नक्कीच सोपी नव्हती, पण ते करणे माझ्यासाठी भाग होते." पुजारा पुढे म्हणाला की, " मेलबर्न येथे सराव करत असताना मला दुखापत झाली होती. त्यामुळे सिडनी आणि ब्रिस्बेन येथे फलंदाजी करणे माझ्यासाठी सोपेन नव्हते. कारण माझ्या हाताला वेदनाही होत होत्या. त्यावेळी बॅट पकडणे हे माझ्यासाठी सोपे नव्हते. त्यानंतर ब्रिस्बेनमध्ये मला पुन्हा एकदा दुखापत झाली. त्यामुळे माझ्या वेदनाही वाढल्या होत्या. त्यावेळी मला फक्त चार बोटांनीच बॅट पकडावी लागत होते, ही गोष्ट नक्कीच फार अवघड होती. पण ही गोष्ट मला करावी लागली, कारण त्यावाचून कोणताही पर्याय नव्हता." ब्रिस्बेन कसोटीच्या पाचव्या दिवशी पुजाराने ५६ धावांची दमदार खेळी साकारली आणि भारताचा पराभव होणार नाही, याची काळजी घेतली. यावेळी फलंदाजी करत असताना ११ चेंडू पुजाराच्या अंगावर आदळले. पण पुजाराने यावेळी हार मानली नाही. दुखापत गंभीर असली आणि वेदना जास्त होत असल्या तरी पुजाराने मैदान सोडले नाही. त्यावेळी जर पुजाराने मैदान सोडले असते तर ऑस्ट्रेलियाचा संघ अधिक आक्रमक झाला असता. पण पुजाराने मैदान न सोडता खेळपट्टीवर उभा राहण्याचा निर्णय घेतला. पुजाराने ऑस्ट्रेलियाच्या वेगवान गोलंदाजीचा समर्थपणे सामना करत भारताच्या विजयात मोलाचे योगदान दिले.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3adPuiU

Sourav Ganguly health update: सौरव गांगुली यांच्यावर आज झाली दुसरी शस्त्रक्रीया, जाणून घ्या संपूर्ण माहिती

कोलकाता : भारताचे माजी कर्णधार आणि बीसीसीआयचे अध्यक्ष सौरव गांगुली यांच्यावर आज दुसरी शस्त्रक्रीया करण्यात आली. गांगुली यांच्यावर जानेवारी महिन्याच्या सुरुवातीला पहिली शस्त्रक्रीया करण्यात आली होती. त्यानंतर २६ दिवसांत गांगुली यांच्यावर दुसरी शस्त्रक्रीया करण्यात आली आहे. त्याचबरोबर गांगुली यांच्यावर अजूनही काही महत्वाचे उपचार यावेळी करण्यात आले आहेत. अपोलो हॉस्पिटलच्या सूत्रांनी यावेळी सांगितले की, " गांगुली यांच्या आज सकाळी अँजिओग्राम आणि काही वैद्यकीय चाचण्या करण्यात आल्या होत्या. या चाचण्यांचा अहवाल आल्यावर गांगुली यांच्यावर अँजिओप्लास्टी करण्याचा निर्णय घेण्यात आला." हृदय रोग तज्ञ डॉ. देवी शेट्टी व अश्विन मेहता यांच्या उपस्थित आज गांगुली यांच्यावर अँजिओप्लास्टी करण्यात आली. यावेळी गांगुलीचे कौटुंबिक डॉक्टर आफताभ खानही उपस्थित होते. गांगुली यांच्यावर करण्यात आलेली अँजिओप्लास्टी ही यशस्वीपणे झाली आहे. अँजिओप्लास्टीनंतर गांगुली यांची प्रकृती स्थिर असून त्यांना डॉक्टरांच्या निगराणीखाली ठेवण्यात आले आहे. गांगुली यांना जेव्हा यापूर्वी हॉस्पिटलमध्ये दाखल करण्यात आले होते, तेव्हा त्यांच्या तीन धमण्यांमध्ये रक्त प्रवाह योग्यपद्धतीने होत नसल्याचे पाहायला मिळाले होते. त्यावेळी गांगुली यांच्या एका धमनीमध्ये स्टेंट लावण्यात आला होता आणि त्यावेळी अँजिओप्लास्टीही करण्यात आली होती. बाकीच्या दोन धमन्यांमध्ये काही कालावधीनंतर स्टेंट बसवण्याचा निर्णय त्यावेळी डॉक्टरांनी घेतला होता. त्यानंतर सात जानेवारीला गांगुली यांना वुडलँड्स हॉस्पिटलमधून डिस्चार्ज देण्यात आला होता. पण आज झालेल्या शस्त्रक्रीयेमध्ये गांगुली यांच्या दोन धमन्यांमध्ये यावेळी स्टेंट बसवण्यात आले आहेत. गांगुली यांच्यावर अँजिओप्लास्टी झाल्यावर मुख्यमंत्री ममता बॅनर्जी या हॉस्पिटलमध्ये पोहोचल्या होत्या आणि त्यांनी गांगुलीची भेटही घेतली. यावेळी ममता यांनी गांगुली यांच्या प्रकृतीची चौकशी केली. सौरव गांगुली यांची प्रकृती आता उत्तम आहे आणि ते लवकर बरे व्हावेत, यासाठी मी त्यांना शुभेच्छा देत आहे, असे ममता यांनी सांगितले. ममता यांच्यानंतर वरिष्ठ माकपा नेता अशोक भट्टाचार्य यांनीही गांगुलीची हॉस्पिटलमध्ये जाऊन भेट घेतली. गांगुली यांच्या कुटुंबियांतील सूत्रांनी यावेळी सांगितले की, " मंगळवारी संध्याकाळी आणि बुधवारी सकाळी गांगुली यांच्या छातीत दुखत होते. त्यानंतर त्यांच्या प्रकृतीची पाहणी डॉक्टर आफताभ खान यांनी केली. डॉक्टरांच्या सल्ल्यानंतरच गांगुली यांना हॉस्पिटलमध्ये दाखल करण्यात आले होते."

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3onfMUZ

ऑस्ट्रेलियात ऐतिहासिक कामगिरी करणाऱ्या राज्यातील पाच क्रिकेटपटूंचा होणार नागरी सत्कार

मुंबई: भारतीय क्रिकेट संघाने सलग दुसऱ्यांदा ऑस्ट्रेलियात कसोटी मालिकेत विजय मिळवून ऐतिहासिक कामगिरी केली. भारतीय संघाने कसोटी मालिका २-१ने जिंकली. विराट कोहलीसह अन्य महत्त्वाचे खेळाडू संघात नसताना अजिंक्य रहाणेच्या नेतृत्वाखाली भारतीय संघाने इतिहास घडवला. या ऐतिहासिक कामगिरी करणाऱ्या संघात महाराष्ट्रातील चार खेळाडू होते. अशा चार आणि टी-२० मालिकेतील एका खेळाडूसह पाच जणांचा नागरी सत्कार करू,असे आश्वासन राज्याचे क्रीडा व युवक कल्याण मंत्री सुनील केदार यांनी महाराष्ट्र नवनिर्माण सेनेला () दिले. वाचा- भारतीय कसोटी संघाचा कर्णधार (), उपकर्णधार , , पृथ्वी शॉ आणि टी-२० मालिकेतील खेळाडू श्रेय्यस अय्यर यांना राज्य सरकारकडून नागरी सत्कार करावा अशी मागणी महाराष्ट्र नवनिर्माण विद्यार्थी सेनेचे उपाध्यक्ष चेतन पेडणेकर, वैभव शिंदे व सिध्देश नाक्ती यांनी क्रीडा मंत्री सुनील केदार यांची भेट घेऊन केली. वाचा- या क्रिकेटपटूंचे मुंबई विमानतळावर राज्य सरकारच्यावतीने स्वागत करण्याची योजना होती. पण कोविडच्या मार्गदर्शक तत्वामुळे विमानतळावर आम्ही उपस्थित राहिलो नाहीत. पण या खेळाडूंचा निश्चितपणे राज्य सरकारच्यावतीने जाहिर सत्कार केला जाईल,असे आश्वासन सुनील केदार यांनी मनसेच्या या शिष्टमंडळाला दिले. वाचा- संपूर्ण क्रिकेट विश्वात या विजयाचे कौतुक होत आहे. या विजयात मोलाचा वाटा उचलणा-या राज्यातील या खेळाडूंचा नागरी सत्कार केल्यास देशातील युवकांमध्ये प्रेरणा निर्माण होऊन भविष्यात भारताचे नाव क्रीडा क्षेत्रात नक्कीच उंचावेल, असे मनसेच्या पदाधिकाऱ्यांनी सांगितले. वाचा-

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2McQeg7

IPL 2021: मुंबई इंडियन्सचे नागालँड कनेक्शन; या खेळाडूला ट्रायलसाठी बोलवले

मुंबई: आयपीएलच्या इतिहासातील सर्वात यशस्वी संघ असलेल्या ()ने आता २०२१च्या म्हणजेच १४व्या हंगामाची तयारी सुरू केली आहे. आयपीएलच्या १३ पैकी सर्वाधिक ५ हंगामाचे मुंबईने विजेतेपद मिळवले आहे. मुंबई संघाच्या या यशा मागे संघातील खेळाडू ही घरी ताकद आहे. नव्या युवा खेळाडूंना मुंबई संघ नेहमीच प्रोत्साहन देत असते. वाचा- आयपीएलच्या १४व्या हंगामात मुंबई इंडियन्सने अशाच एका नव्या खेळाडूला संधी देण्याचे ठरवले आहे. नागालँडच्या याला मुंबई संघाने ट्रायलसाठी निवडले आहे. या शिवाय अन्य खेळाडूंचे मुंबई संघ ट्रायल घेणार आहे. वाचा- केंस हा राज्यातील पहिला खेळाडू आहे ज्याने आयपीएलच्या एखाद्या संघाला आकर्षित केले आहे. १६ वर्षीय फिरकीपटू असलेल्या केंसने सैय्यन मुश्ताक अली ट्रॉफी स्पर्धेत गोलंदाजीने सर्वांचे लक्ष वेधून घेतले आहे. केंसने मुश्ताक अली स्पर्धेतून पदार्पण केले. त्याने चार सामन्यात सात विकेट घेतल्या. पण त्याच्या कामगिरीचा संघाला फायदा झाला नाही. नागालँडने चारही लढती गमावल्या. वाचा- केंसने १२च्या सरासरीने गोलंदाजी केली. मिझोराम विरुद्ध त्याने १६ धावा ३ विकेट घेतल्या होत्या. यात त्याची सरासरी ५.४७ होती. मुंबई इंडियन्सच्या एका अधिकाऱ्यांनी या युवा खेळाडूशी संपर्क केला. वाचा- नागालँडच्या एका छोट्या गावातून येणाऱ्या केंससाठी ही मोठी गोष्ट आहे. मुश्ताक अली स्पर्धेत खेळल्यामुळे तो आयपीएलच्या लिलावासाठी देखील उपलब्ध झाला आहे. मुंबई इंडियन्स या युवा खेळाडूवर बोली लावू शकते. वाचा-

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/39p1mPD