मुंबईच्या क्रिकेटपटूचे सलग दुसरे द्विशतक!

धर्मशाळा: भारताचा युवा फलंदाज () याने आणखी एक वादळी खेळी केली आहे. (Ranji Trophy) स्पर्धेतील सातव्या फेरीत सोमवारपासून सुरू झालेल्या सामन्यात सर्फराजने सलग दुसरे झळकावले. हिमाचल प्रदेशविरुद्धच्या सामन्यात सर्फराजने द्विशतकी खेळी केली. गेल्याच सामन्यात सर्फराजने उत्तर प्रदेशविरुद्ध नाबाद ३०१ धावांची खेळी केली होती. आता हिमचालविरुद्ध पहिल्या दिवसाचा खेळ संपला तेव्हा सर्फराज द्विशतक करून नाबाद होता. आता दुसऱ्या दिवशी आणखी एक त्रिशतक करणार का याकडे सर्वांचे लक्ष लागले आहे. मुंबईतील वानखेडे मैदानावर उत्तर प्रदेशविरुद्ध झालेल्या सामन्यात सर्फराजने तुफान खेळी केली होती. उत्तर प्रदेशविरुद्ध त्याने ३९१ चेंडूत नाबाद ३०१ धावा केल्या होत्या. आता दुसऱ्या सामन्यात सर्फराजने आणखी एक शानदार खेळी केली. हिमाचलने नाणेफेक जिंकून प्रथम मुंबईला फलंदाजी करण्याचे आमंत्रण दिले. पहिल्याच दिवशी मुंबईची अवस्था ४ बाद ७१ अशी झाली होती. पण त्यानंतर सर्फराज पुन्हा एकदा संकटमोचक म्हणून धावून आला. त्याने १९९ चेंडूत द्विशतक पूर्ण केले. पहिल्या दिवसाचा खेळ संपला तेव्हा सर्फराजने २१३ चेंडूत नाबाद २२६ धावा केल्या. यात ३२ चौकार आणि २ षटकारांचा समावेश होता. असे केले होते त्रिशतक उत्तर प्रदेशविरुद्ध त्रिशतक करत सर्फराजने अनेक विक्रम केले होते. प्रथम श्रेणी सामन्यात सहाव्या क्रमांकावर फलंदाजी करताना त्रिशतक झळकावण्याची ही तिसरी वेळ होती. रणजी ट्रॉफीच्या इतिहासात करुण नायर याने सहाव्या क्रमांकावर त्रिशतक झळकावण्याची कामगिरी केली होती. सर्फराजच्या आधी मुंबईकडून अखेरचे त्रिशतक रोहित शर्माने (३०९ धावा) २००९मध्ये केले होते. २९ वर्षानंतर त्रिशतक रणजी ट्रॉफी स्पर्धेत त्रिशतक करणारा सर्फराज मुंबईचा आठवा फलंदाज ठरला होता. तसेच या मैदानावर १९९१ नंतर प्रथमच मुंबईच्या खेळाडूने त्रिशतक झळकावण्याचा पराक्रम केला होता. सर्फराजच्या आधी संजय मांजरेकर याने कर्णधार असताना हैदराबादविरुद्ध ३७७ धावा केल्या होत्या. सेहवाग स्टाइलने २५० आणि ३००० उत्तर प्रदेशविरुद्ध सर्फराजने ६३३ मिनिटे फलंदाजी करत करिअरमधील पहिले त्रिशतक झळकावले. सर्फराजने २५० आणि ३०० धावा षटकार मारून पूर्ण केल्या होत्या.

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2uDjL9u