नवी दिल्ली : दक्षिण आफ्रिकेचा माजी कर्णधार ग्रॅमी स्मिथ दुसऱ्यांदा विवाहबंधनात अडकला आहे. स्मिथने २ नोव्हेंबर रोजी गर्लफ्रेंड रोमी लानफ्रांचीसोबत लग्न केलं. त्याने ट्विटरवर एक फोटो शेअर करत याबाबतची माहिती दिली. स्मिथने २०१४ मध्ये आंतरराष्ट्रीय क्रिकेटला अलविदा केलं होतं. दक्षिण आफ्रिकेचा सर्वात युवा कर्णधार होण्याचा विक्रम त्याच्या नावावर आहे. ३८ वर्षीय स्मिथने ट्विटरद्वारे लग्नाची माहिती दिली. २ नोव्हेंबर हा दिवस खास होता, असं तो म्हणाला. यापूर्वी स्मिथने ऑगस्ट २०११ मध्ये केपटाऊनमध्ये आयर्लंडची गायिका मॉर्गन डीनसोबत लग्न केलं होतं. स्मिथ आणि मॉर्गन यांना दोन मुलंही आहेत. मात्र दोघांनी २०१५ मध्ये घटस्फोट घेतला. स्मिथला पहिल्या पत्नीपासून दोन मुलं आहेत, तर दुसरी पत्नी रोमीलाही तीन मुलं आहेत. डिसेंबर २०१६ मध्ये सध्याची पत्नी रोमीने तिसऱ्या मुलाला जन्म दिला होता. दक्षिण आफ्रिकेकडून स्मिथने ११७ कसोटी सामन्यांमध्ये प्रतिनिधित्व केलं, ज्यात ४८.२५ च्या सरासरीने त्याने ९२६५ धावा केल्या. कसोटी क्रिकेटमध्ये २७७ ही स्मिथची सर्वोच्च धावसंख्या आहे. स्मिथने १९७ वन डे सामन्यात ६९८९ धावा केल्या. आंतरराष्ट्रीय क्रिकेटमध्ये स्मिथच्या नावावर ३७ शतकांचा समावेश आहे. १०० कसोटी सामन्यांमध्ये संघाचं नेतृत्त्व करणारा स्मिथ जगातला एकमेव कर्णधार आहे. स्मिथच्या नेतृत्त्वात १०९ कसोटीत दक्षिण आफ्रिकेने ५३ विजय मिळवले.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2Cha4OB
No comments:
Post a Comment