नवी दिल्ली : वेस्ट इंडिजविरुद्धची वनडे मालिका सुरु होण्यापूर्वी भारतीय संघात करोनाचा मोठा स्फोट झाला आहे. दक्षिण आफ्रिकेतून मायदेशी परतलेल्या खेळाडूंना करोनाची लागण झाल्याचे आता समोर आले आहे. भारतीय संघातील आठ जणांना करोना झाल्याची माहिती आता समोर येत आहे. पण सध्याच्या घडीला मात्र शिखर धवन, ऋतुराज गायकवाड आणि श्रेयस अय्यर या तिघांचीच नावं समोर आलेली आहेत. बाकीचे पाच सदस्य हे खेळाडू नसले तरी ते भारतीय संघाचाच एक भाग आहेत. हे पाचही जणं व्यवस्थापकीय टीममधील असल्याचे समजते आहे. त्यामुळे भारतीय संघातील तीनच खेळाडू यापूर्वी राहुल द्रविड जेव्हा पहिल्यांदाच भारताचे प्रशिक्षक बनले होते, त्यावेळी श्रीलंकेच्या दौऱ्यातही भारतीय संघावर अशी परिस्थिती ओढवली होती. त्यामुळे भारतीय संघातील खेळाडूंना करोनाची लागण झाल्याचे समोर आले होते आणि भारताला ती मालिका गमवावी लागली होती. त्यावेळी मालिका सुरु असताना खेळाडूंना करोना झाल्याचे समोर आले होते. पण आता मालिका सुरु होण्यापूर्वीच भारतीय संघासाठी ही वाईट बातमी आली आहे. भारत आणि वेस्ट इंडिज यांच्यातील पहिला वनडे सामना ६ फेब्रुवारीपासून सुरु होणार आहे. त्यापूर्वी भारताच्या खेळाडूंची करोना चाचणी घेण्यात आली होती. या चाचणीत भारताच्या आठ खेळाडूंना करोना झाल्याचे समोर आले आहे. पण बीसीसीआयने अद्याप या खेळाडूंबाबत कोणतीही माहिती दिलेली नाही. पण काही वृत्तसंस्थांनी मात्र शिखर धवन, ऋतुराज गायकवाड आणि श्रेयस अय्यर यांना करोनाची लागण झाल्याचे म्हटले आहे. भारत आणि वेस्ट इंडिज यांच्यामध्ये पहिल्यांदा तीन वनडे सामन्यांची मालिका खेळवण्यात येणार आहे. ही मालिका ६ फेब्रुवारीपासून सुरु होणार आहे. या मालिकेतील तिन्ही सामने अहमदाबाद येथील नरेंद्र मोदी स्टेडियमवर होणार आहेत. त्यानंतर आयपीएलच्या लिलावासाठी सर्वांनाच विश्रांती देण्यात आली आहे. त्यानंतर भारत आणि वेस्ट इंडिज यांच्यामध्ये तीन ट्वेन्टी-२० सामन्यांची मालिका खेळवण्यात येणार आहे. या मालिकेतील तिन्ही सामने कोलकाता येथील इडन गार्डन्स स्टेडियमवर होणार आहेत. पण या दौऱ्याला सुरुवात होण्यापूर्वीच भारतीय संघासाठी ही धक्कादायक बातमी समोर आली आहे. त्यामुळे आता भारतीय संघात करोनाची लागण झालेल्या खेळाडूंचा पर्याय म्हणून अन्य कोणत्या खेळाडूंची निवड करता येणार का, याचा निर्णय बीसीसीआयला घ्यावा लागेल.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/UEznPpmlt
No comments:
Post a Comment