नवी दिल्ली: पंतप्रधान नरेंद्र मोदी यांनी करोना व्हायरसचा वाढता धोका लक्षात घेऊन २१ दिवसांचा लॉकडाऊन जाहीर केला आहे. करोनाविरुद्ध लढण्यासाठी हा कालावधी अतिशय महत्त्वाचा आहे. केंद्र आणि राज्य सरकारने लॉकडाऊन जाहीर केले असले तरी अनेक जण घरा बाहेर पडत आहेत. यामुळे पसरण्याचा अधिक धोका आहे. अशा लोकांना पुन्हा घरी जाण्याची विनंती पोलिस कर्मचारी करत आहेत. अनेक वेळा यासाठी पोलिसांना बळाचा वापर करावा लागत आहे. वाचा- भारतीय क्रिकेटपटू देखील घरी राहून लोकांना करोना बाबत काळजी घेण्याचे आवाहन करत आहेत. यात माजी क्रिकेटपटू सचिन तेंडुलकर, विरेंद्र सेहवागसह भारतीय संघाचा कर्णधार विराट कोहील हे सर्व जण सोशल मीडियावरून लोकांना वारंवार आवाहन करत आहेत. पण या सर्वात भारताचा एक खेळाडू आहे जो घरी न थांबता प्रत्यक्षात करोनाविरुद्धच्या लढाईत रस्त्यावर उतरला आहे. वाचा- भारताला २००७च्या टी-२० वर्ल्ड कप फायनल मॅचमध्ये अखेरच्या ओव्हरमध्ये शानदार गोलंदाजी करून विजय मिळवून देणारा जोगिंदर शर्माला कोणी विसरणार नाही. देशात करोना व्हायरसचे संकट आले असताना जोगिंदर स्वत:चे कर्तव्य बजावत आहे. क्रिकेटमधून निवृत्त झाल्यानंतर जोगिंदर हरियाणा पोलिस दलात डीएसएपी पदावर काम करत आहे. जोगिंदर सध्या लॉकडाऊनच्या परिस्थितीत घराबाहेर पडणाऱ्या लोकांना पुन्हा घरी जाण्याचे आवाहन करत आहे. वाचा- जोगिंदर शर्माने काही फोटो सध्या सोशल मीडियावर शेअर केले आहेच. या फोटोत तो लोकांना घरी जाण्याचे आवाहन करताना दिसत आहे. स्वत:चा बचाव हाच करोना व्हायरसविरुद्ध आपल्याला वाचवू शकतो. याच्याविरुद्ध आपल्याला एकत्र लढावे लागले. घरी राहून तुम्ही आमची मदत करा, असे हे फोटो शेअर करताना जोगिंदरने म्हटले आहे. वाचा- वाचा- जोगिंदरने २००७च्या टी-२० वर्ल्ड कपच्या अंतिम सामन्यात अखेरची ओव्हर टाकली होती. भारत विरुद्ध पाकिस्तान यांच्यातील या हायव्होल्टेज सामन्यात शर्माने पाकच्या मिस्बाह उल हकला बाद करत भारताला विजय मिळवून दिला होता. भारताला पहिला टी-२० वर्ल्ड कप जिंकून देणारा अशी जोगिंदरची ओळख आहे. क्रिकेट करिअरमध्ये त्याने भारताकडून ४ वनडे, ४ टी-२० सामने खेळले आहेत. क्रिकेटमध्ये जोगिंदरची भरीव कामगिरी नसले तरी २००७च्या विजेतेपदाची चर्चा जेव्हा होते तेव्हा जोगिंदरच्या नावाशिवाय ती संपत नाही. पाहा टी-२० वर्ल्ड कपमधील शेवटची ओव्हर...
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2WJKyNw
No comments:
Post a Comment