वेलिंग्टन: भारतीय संघाचा सलामीवीर आणि वनडे संघाचा कर्णधार रोहित शर्माला दुखापतीमुळे न्यूझीलंड दौऱ्यातून माघार घ्यावी लागली आहे. त्यामुळे तो वनडे आणि कसोटी मालिका खेळू शकणार नाही. भारतीय संघासाठी रोहितची दुखापत मोठा धक्का ठरला आहे. पण आता यजमान न्यूझीलंड संघाला देखील असाच मोठा धक्का बसला आहे. वाचा- न्यूझीलंडचा कर्णधार दुखापतीमुळे भारताविरुद्धच्या वनडे मालिकेला मुकणार आहे. टी-२० मालिकेतील तिसऱ्या सामन्यात केनच्या खांद्याला दुखापत झाली होती. त्यानंतर तो चौथ्या आणि पाचव्या सामन्यात खेळू शकला नाही. आता वनडे मालिकेता देखील तो मुकणार आहे. या संदर्भातील माहिती न्यूझीलंड बोर्डाने दिली आहे. केनच्या दुखापतीमुळे न्यूझीलंड वनडे मालिकेआधीच बॅकफूटवर गेली आहे. वाचा- टी-२० मालिकेत केनच्या अनुउपस्थितीत टिम साऊदीने कर्णधापद सांभाळले होते. आता वनडे मालिकेसाठी टॉम लॅथम यांच्याकडे संघाचे नेतृत्व देण्यात आले आहे. टॉम हॅमिल्टन आणि ऑकलंड येथे होणाऱ्या पहिल्या दोन सामन्यांसाठी कर्णधार असेल. केन दुखापतीमधून बाहेर पडला तर तिसऱ्या सामन्यासाठी त्याचा विचार केला जाऊ शकतो, असे न्यूझीलंड क्रिकेट बोर्डाने म्हटले आहे. वाचा- भारतीय संघाने टी-२० मालिकेत न्यूझीलंडला व्हॉइट वॉश दिला होता. त्यामुळे यजमान संघासाठी वनडे मालिका अत्यंत महत्त्वाची आहे. पण केनच्या दुखापतीमुळे न्यूझीलंड संघासमोरचे संकट आणखी वाढले आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2OkBn15
No comments:
Post a Comment