नवी दिल्ली: टीम इंडियात महेंद्र सिंह धोनीला पर्याय मिळणं किती अवघड आहे याची जाणीव तरुण यष्टीरक्षक ऋषभ पंतला रविवारी नक्कीच झाली असेल. पंत सध्या टीम इंडियात धोनीची जबाबदारी सांभाळत आहे. जेव्हा त्याच्याकडून कुठलीही चूक होते, तेव्हा क्रिकेटप्रेमी धोनीची आठवण काढून पंतला ट्रोल करतात. रविवारीही भारत वि. बांगला देश सामन्यात असेच झाले. पंतने DRS घेण्यात चूक केली, मग काय सोशल मीडियावर क्रिकेटफॅन्स आणि त्यातूनली विशेषत: धोनीच्या चाहत्यां नी पंतची शाळा घेतली. २२ वर्षीय यष्टीरक्षक पंत रविवारी फिरोजशाह कोटला मैदानात खेळत होता. बांगलादेशच्या डावातल्या १० व्या षटकाच्या अखेरच्या चेंडूवर पंतने कॉट बिहाइंड अपील केलं, हे अपील पंचांनी नाकारलं. यावेळी चहल गोलंदाजी करत होता आणि सौम्य सरकार फलंदाजी करत होता. पंचांनी पंतच्या या अपीलकडे काणाडोळा केला. बॉल बॅटला लागूनच त्याच्या ग्लोव्ह्जमध्ये आलाय यावर पंतचा पूर्ण विश्वास होता. त्याने कर्णधार रोहित शर्माला रिव्ह्यू घ्यायला सांगितले. पंत याच्या अपीलवर गोलंदाज चहलला देखील पूर्ण विश्वास नव्हता. पण रोहितने पुन्हा एकदा पंतशी खातरजमा करून घेतली आणि पंतने ठामपणे फलंदाज आऊट असल्याचं सांगितलं तेव्हा रोहितने रिव्ह्यू घेतला. पण तो फलंदाज आऊट नव्हता हे टीव्ही अंपायरच्या पडताळणीस स्पष्ट झाले. रोहितला आपला एकमेव रिव्ह्यू अशाप्रकारे गमवावा लागला. पंतचे फॅन यामुळे खूप नाराज झाले. या प्रकारानंतर मैदानात 'धोनी-धोनी' चा जयघोष सुरू झाला. मैदानात तर फॅन्स 'धोनी धोनी' ओरडतच होते, पण सोशल मीडियावरदेखील पंतवर ट्विपलर्स तुटून पडले. पंतला ट्रोल करत धोनीकडून शिकण्याचा सल्ला दिला. DRS (डिसीजन रिव्ह्यू सिस्टीम) ला क्रिकेटप्रेमी थट्टेत धोनी रिव्ह्यू सिस्टीमही म्हणतात. DRS चा वापर करण्यात धोनी सर्वात यशस्वी खेळाडू मानला जातो. त्याचे DRS चे निर्णय सहसा चुकत नव्हते.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/34rPQxJ
No comments:
Post a Comment