मुंबई : आयपीएलच्या आगामी मोसमासाठी मुंबई इंडियन्सने युवराज सिंहसह १२ खेळाडूंना रिलीज केलं आहे. या खेळाडूंची यादीही जारी करण्यात आली आहे. आयपीएलमध्ये चौथ्यांचा विजेतेपद मिळवून देणारे प्रमुख खेळाडू मुंबई इंडियन्सने रिटेन केले आहेत. पण १२ खेळाडूंना करारमुक्त करण्यात आलं. मुंबई इंडियन्सने रिटेन केलेल्या खेळाडूंमध्ये ट्रेंट बोल्ट, स्टेफाने रुदरफोर्ड आणि धवल कुलकर्णीचाही समावेश आहे. आयपीएल २०२० साठी डिसेंबरमध्ये खेळाडूंचा लिलाव पार पडणार आहे. मुंबई इंडियन्सकडे पाच मायदेशी आणि दोन परदेशी खेळाडूंचा स्लॉट बाकी आहे. दरवर्षी बंगळुरूत पार पडणारा लिलाव यावर्षी पहिल्यांदाच कोलकात्यात होणार आहे. यावर्षी मुंबई इंडियन्सने युवा फिरकीपटू मयंक मार्कंडेय आणि फलंदाज सिद्धेश लाड यांना अनुक्रमे दिल्ली कॅपिटल्स आणि कोलकाता नाईट रायडर्सला ट्रेड-आऊट केलं. याशिवाय मुंबईने सहा आंतरराष्ट्रीय आणि चार भारतीय खेळाडूंनाही करारमुक्त केलं. रिटेन केलेले खेळाडू : रोहित शर्मा, हार्दिक पंड्या, जसप्रित बुमरा, कृणाल पंड्या, ईशान किशन, सूर्यकुमार यादव, राहुल चहर, अनमोलप्रीत सिंह, जयंत यादव, आदित्य तरे, अनुकूल रॉय, धवल कुलकर्णी, क्विंटन डी कॉक, कीरन पोलार्ड, स्टेफाने रदरफोर्ड, लसिथ मलिंगा, मिशेल मॅक्लाघन, ट्रेंट बोल्ट रिलीज केलेले खेळाडू : एविन लेविस, एडम मिलने, जेसन बेहरेनड्रॉफ, बेन कटिंग, युवराज सिंह, मयंक मार्कंडेय, बरिंदर सरण, रासिक सलाम, पंकज जसवाल, सिद्धेश लाड आणि अल्जारी जोसेफ युवराजवर सस्पेन्स गेल्या आयपीएल मोसमात मुंबई इंडियन्सने युवराज सिंहवर विश्वास दाखवला होता. पण त्याला सुरुवातीच्या सामन्यांमध्ये खास कामगिरी करता आली नाही, ज्यामुळे नंतरच्या सामन्यात संधीच मिळाली नाही. मुंबई इंडियन्सने आता युवराज सिंहला रिलीज केलं आहे. त्यामुळे एकेकाळी सर्वात महागडा आयपीएल खेळाडू ठरलेला युवराज कोणत्या संघाकडून खेळणार ते पाहणं महत्त्वाचं आहे. निवृत्तीचा निर्णय जाहीर केल्यानंतर युवराज सध्या विविध देशातील क्रिकेट लीगमध्ये खेळत आहे. सध्या तो अबूधाबीमध्ये सुरु असलेल्या टी-१० लीगमध्ये खेळत आहे. १७ वर्षांच्या कारकीर्दीत आपण अनेक चढ उतार पाहिले आहेत. पण आता कुटुंबाला वेळ द्यायचा आहे. आता माझं ते वय आलंय, जिथे मी सलग वर्षभर खेळू शकत नाही, असं म्हणत युवराज नुकताच एका मुलाखतीत भावूकही झाला होता.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2pvGrqg
No comments:
Post a Comment