मुंबई: कसोटीतील सलामीवीर याने पहिल्या दक्षिण आफ्रिका आणि नंतर बांगलादेशविरुद्धच्या कसोटी सामन्यांमध्ये द्विशतक ठोकण्याचा विक्रम केल्यानंतर संपूर्ण क्रिकेट विश्वात मयंकची चर्चा सुरू झाली. मयंकने इंदूर कसोटीत बांगलादेशविरुद्ध तुफान फटकेबाजी करत २० चौकार आणि ८ षटकारांच्या मदतीने २४३ धावा केल्या. या धडाकेबाज फलंदाजीनंतर मयंक आता आणि सारख्या मर्यादित षटकांच्या सामन्यांमध्ये खेळण्यासाठी दावेदार बनला आहे. मात्र, सध्या तरी मयंकला वनडे किंवा टी-२० मध्ये खेळण्याची संधी मिळणे कठीण असल्याचे वृत्त टाइम्स ऑफ इंडियाने दिले आहे. पुढील महिन्यात डिसेंबर महिन्यात भारत विरुद्ध वेस्ट इंडिज टी-२० मालिका होत आहे. या मालिकेतील पहिला सामना ६ डिसेंबरला वानखेडे स्टेडियमवर मुंबईत होत आहे. मयादित षटकाच्या सामन्यांमध्ये पहिल्या फळीत जागा नसल्याचे सूत्रांचे म्हणणे आहे. रोहित शर्मा आणि शिखर धवन हे संघात जम बसलेले सलामीवीर आहेत. टॉप ऑर्डरमध्येही असेच आहे. टॉप ऑर्डरमध्ये के. एल. राहुल आणि विंडीजविरुद्धच्या मालिकेसाठी विराट कोहलीचे पुनरागमन होत आहे, असे सूत्रांचे म्हणणे आहे. तेव्हा मिळू शकते संधी या बाबत सूत्रांनी दिेलेल्या माहितीनुसार, निवड समितीचे सदस्य शिखर धवनच्या स्ट्राइक रेटबाबत चिंतेत आहेत. तसे पाहता हा त्यांच्यासाठी मोठा मुद्दा नाही असे सूत्रांना वाटते. बांगलादेश विरुद्धच्या टी-२० मालिकेतील संथ खेळामुळे धवनवर टीका झाली आहे. मात्र, खेळाडूंच्या कारकिर्दीत चढ आणि उतार येतच असतात, असे सूत्रांना वाटते. रोहित शर्माला जर विश्रांती देण्यात आली, तर मयंक अग्रवालला संधी मिळू शकते. मात्र, हे दोन खेळाडू एखाद्या मालिकेदरम्यान अतिशय कमी विश्रांती घेत असतात. असे आहे मयंकचे रेकॉर्ड विजय शंकर जखमी झाल्यानंतर मयंकची संघात निवड करण्यात आली. मात्र, त्याला खेळण्याची संधी मिळाली नाही. विक्रमांचा विचार करता मयंक अग्रवालने लिस्ट-ए मध्ये चांगली कामगिरी केली आहे. त्याने ७९ सामन्यांमध्ये ३८०९ धावा करताना १३ शतके ठोकली आहेत. तर त्याची सरासरी ५०.९० इतकी असून स्टाइक रेट आहे १०१.५७. कसोटीचा विचार करता त्याने फक्त ८ कसोटीतील १२ डावांमध्ये७१.५० च्या प्रभावी सरासरीने ८५८ धावा केल्या. याच दोन द्विशतकांसह ३ शतके आणि ३ अर्धशतकांचा समावेश आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/35cN1B3
No comments:
Post a Comment