इंदूर: भारत आणि बांगलादेशदरम्यानचीकसोटी मालिका सुरू होण्यापूर्वी टीम इंडियाचा कर्णधार थ्रोडाऊनचा सराव करताना दिसला. मात्र विराट हा सराव आपल्या सहकाऱ्यांसोबत न करता तो इंदूरमध्ये गल्ली क्रिकेट खेळताना दिसला. खेळतानाचा हा व्हिडिओ सोशल मीडियावर व्हायरल होत आहे. या व्हायरल होत असलेल्या व्हिडिओमध्ये विराट इंदूरमध्ये मुलांसोबत गल्ली क्रिकेट खेळताना दिसत आहे. हा व्हिडिओ जाहिरातीसाठीच्या शूटिंग दरम्यान रेकॉर्ड केलेला आहे. विराट या व्हिडिओत मोठ्या आनंदात मुलांमध्ये सहभागी झाल्याचे दिसत आहे. व्हिडिओच्या सुरुवातीला विराट कॅज्युअल्समध्ये दिसत आहे. तो मुलांमध्ये अतिशय आनंदात असून त्यांच्यासोबत क्रिकेट खेळताना विराट खूपच उत्साही दिसत आहे. विराट कोहली बांगलादेशच्या विरुद्ध टी-२० आंतरराष्ट्रीय सामन्यांच्या मालिकेत खेळला नव्हता. त्याने दक्षिण आफ्रिकेविरुद्धच्या कसोटी मालिकेनंतर थोड्या कालावधीसाठी विश्रांती घेतली होती. भारताने ही मालिका २-१ अशी जिंकली होती. आता त्याचे उद्यापासून (गुरुवार) सुरू होत असलेल्या कसोटी मालिकेद्वारे पुनरागमन होत आहे. हा सामना इंदूरमधील होळकर स्टेडियमवर खेळवला जात आहे. या कसोटी मालिकेतील दुसरा सामना २२ नोव्हेंबरला कोलकात्यात होत आहे. विशेष म्हणजे हा सामना डे अँड नाईट असणार आहे. या सामन्यात सूर्यास्तावेळी दृश्यमानतेची समस्या उद्भवू शकते असे म्हटले जात आहे. भारताचा फलंदाज चेतेश्वर पुजारा याने देखील असेच मत व्यक्त केले आहे. यांच्यातील हा कसोटी सामना ऐतिहासिक असणार आहे. या डे अँड नाईट सामन्यात पहिल्यांदाच गुलाबी चेंडूचा वापर करण्यात येणार आहे. भारत आणि बांगलादेश यांच्यात कोलकाताच्या इडन गार्डन्स मैदानावर २२ नोव्हेंबरपासून डे-नाइट कसोटी सामना सुरू होणार आहे. हे दोन्ही संघ पहिल्यांदाज डे-नाइट कसोटी खेळणार आहेत. त्यात एसजीच्या गुलाबी चेंडूचा वापर होणार आहे. त्यामुळं हा कसोटी सामना ऐतिहासिक असणार आहे. या होऊ घातलेल्या या कसोटीसंदर्भात भारताचा फलंदाज चेतेश्वर पुजारा यानं प्रतिक्रिया दिली आहे. 'मी याआधी दुलीप करंडक स्पर्धेत गुलाबी चेंडूवर खेळलो आहे. तो एक चांगला अनुभव होता. स्थानिक पातळीवर गुलाबी चेंडूवर खेळण्याचा अनुभव फायदेशीर ठरू शकतो,' असं पुजारा म्हणाला. पुजारासह मयांक अग्रवाल, हनुमा विहारी आणि कुलदीप यादव आदी खेळाडूंना दुलीप करंडकात कुकाबुराच्या गुलाबी चेंडूवर खेळण्याचा अनुभव आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2NIRGF5
No comments:
Post a Comment