इस्लामाबाद : श्रीलंकेने डिसेंबर महिन्यात पाकिस्तानमध्ये दोन कसोटी सामने खेळणार असल्याचं निश्चित केलं आहे. यामुळे पाकिस्तानमध्ये एका दशकापेक्षाही मोठ्या कालावधीनंतर कसोटी क्रिकेटचं पुनरागमन होणार आहे. ही कसोटी मालिका जागतिक कसोटी चषकाचाच एक भाग असेल. वन डे कर्णधार दिमुथ करुणारत्ने आणि टी-२० कर्णधार लसिथ मलिंगासह १० वरिष्ठ खेळाडूंनी सुरक्षेच्या कारणास्तव नाव मागे घेऊनही श्रीलंकेने यावर्षी सप्टेंबर-ऑक्टोबरमध्ये पाकिस्तानात वन डे आणि टी-२० मालिका खेळली होती. वाचा : आगामी कसोटी मालिकेतील पहिला सामना ११ ते १५ डिसेंबरदरम्यान रावळपिंडीमध्ये होणार आहे, तर दुसरा सामना १९ ते २३ डिसेंबरदरम्यान कराचीत खेळवला जाईल. पाकिस्तान क्रिकेट आणि इतर देशांप्रमाणेच सुरक्षित देश म्हणून प्रतिमा तयार करण्यासाठी ही एक चांगली संधी असल्याचं पाकिस्तान आंतरराष्ट्रीय क्रिकेट बोर्डाचे संचालक झाकीर खान म्हणाले. शिवाय त्यांनी श्रीलंकेचे आभारही मानले. श्रीलंकेने पाकिस्तानमध्ये येण्यास होकार दिल्यामुळे देशात पुन्हा एकदा आंतरराष्ट्रीय क्रिकेट नियमितपणे सुरु करण्याच्या प्रयत्नांना मदत मिळेल, असंही झाकीर खान म्हणाले. श्रीलंकेच्या संघानेच पाकिस्तानमध्ये २००९ ला अखेरचा कसोटी सामना खेळला होता. यावेळी दहशतवाद्यांकडून लाहोरमध्ये श्रीलंकेच्या खेळाडूंना घेऊन जात असलेल्या बसवर हल्ला केला होता. यानंतर पाकिस्तानमध्ये क्रिकेट खेळण्यास आंतरराष्ट्रीय संघांनी नकार दिला. वाचा : आणि पाकिस्तान यांच्यात ऑक्टोबर महिन्यात कसोटी मालिका आणि डिसेंबर महिन्यात वन डे आणि टी-२० खेळणं प्रस्तावित होतं. पण कसोटी मालिकेपूर्वी सुरक्षेची खातरजमा करण्यासाठी या वेळापत्रकाची अदलाबदली करण्यात आली. यापूर्वी खेळवण्यात आलेल्या वन डे दौऱ्याच्या आधारावर सध्या पाकिस्तानमध्ये खेळण्यासाठी परिस्थिती अनुकूल आहे, असं श्रीलंका क्रिकेट संघाचे मुख्य कार्यकारी अधिकारी एशले डिसिल्वा यांनी म्हटलं आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2NLrn0L
No comments:
Post a Comment