कँडी (श्रीलंका) : श्रीलंकेच्या लसिथ मलिंगाने मालिकेतील तिसऱ्या टी-२० क्रिकेट सामन्यात न्यूझीलंडविरुद्ध हॅटट्रिकसह पाच विकेट घेतल्या. या कामगिरीसह त्याने आंतररराष्ट्रीय टी-२०त १०० विकेटचा टप्पाही पूर्ण केला. टी-२०मध्ये घेणारा तो पहिलाच गोलंदाज ठरला आहे. त्याने सलग चार चेंडूंत चार विकेट घेतल्या. मालिकेतील अखेरच्या टी-२०त श्रीलंकेने ८ बाद १२५ धावा केल्या. यानंतर लक्ष्याचा पाठलाग करताना न्यूझीलंडचा डाव ८८ धावांतच आटोपला. यात तिसऱ्या षटकातील तिसऱ्या, चौथ्या, पाचव्या आणि सहाव्या चेंडूवर मलिंगाने अनुक्रमे कॉलिन मुन्रो, हामिश रुदरफोर्डस कॉलिन डीग्रँडहोम, रॉस टेलर यांना बाद केले. एक वेळ न्यूझीलंडचा निम्मा संघ २३ धावांत माघारी परतला होता. तळाच्या टीम साउदीने नाबाद २८ धावा करून न्यूझीलंडची आणखी नामुष्की टाळली. श्रीलंकेने ही लढत ३७ धावांनी जिंकली. मलिंगाने ४ षटकांत १ षटक निर्धाव टाकून सहा धावांत पाच विकेट घेतल्या. ३६ वर्षीय मलिंगाच्या नावावर ७६ टी-२०त १०४ विकेट जमा आहेत. पाकिस्तानच्या शाहिद आफ्रिदीच्या नावावर ९८ विकेट आहेत. टी-२०त मलिंगाची ही दुसरी हॅटट्रिक ठरली. आंतरराष्ट्रीय क्रिकेटमधील ही त्याची पाचवी हॅटट्रिक ठरली. २००७च्या वर्ल्ड कपमध्ये मलिंगाने अशीच कामगिरी केली होती. तर, या वर्षाच्या सुरुवातीला अफगाणिस्तानच्या रशीद खाननेही चार चेंडूंत चार विकेट घेतल्या होत्या. मलिंगा २०११मध्ये कसोटीतून, तर या वर्षी जुलैमध्ये वन-डेतून निवृत्त झाला आहे. संक्षिप्त धावफलक : श्रीलंका - ८ बाद १२५ (गुणथिलका ३०, डिकवेल २४, सँटनर ३-१२) विजयी वि. न्यूझीलंड - १६ षटकांत सर्वबाद ८८ (टीम साउदी नाबाद २८, मलिंगा ५-६).
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2ZJN6gG
No comments:
Post a Comment