कोलकाता: भारतीय क्रिकेट संघाचा वेगवान गोलंदाज मोहम्मद शमीला पश्चिम बंगालमधील एका जिल्हा न्यायालयानं दिलासा दिला आहे. न्यायालयानं त्याच्या अटक वॉरंटला स्थगिती दिली आहे. शमीविरोधात पत्नी हसीन जहाँनं कौटुंबिक हिंसा आणि लैंगिक शोषणप्रकरणी तक्रार केली आहे. या प्रकरणी न्यायालयानं गेल्याच आठवड्यात शमी आणि त्याचा भाऊ हासिद अहमदविरुद्ध अटक वॉरंट जारी केले होते. जिल्हा न्यायालयानं १५ दिवसांत शरण येण्याचे आदेश शमीला दिले होते. अलीपूर जिल्हा न्यायालयाने सोमवारी शमीविरुद्धच्या अटक वॉरंटला स्थगिती दिली आहे. या प्रकरणी पुढील सुनावणी २ नोव्हेंबरला होणार आहे, अशी माहिती शमीचे वकील सलीम रहमान यांनी दिली. हसीन जहाँनं गेल्या वर्षी शमीविरुद्ध मारहाण, लैंगिक शोषण, हत्येचा प्रयत्न आणि कौटुंबिक हिंसेचे आरोप करून तक्रार दाखल केली होती. त्यांच्यातील तलाक प्रकरण अजूनही न्यायप्रविष्ट आहे. दोघांच्या संबंधांत वितुष्ट निर्माण झाल्यानंतर जहाँनं भ्रष्टाचार आणि मॅच फिक्सिंगचे आरोपही केले होते. मात्र, बीसीसीआयच्या चौकशी समितीनं शमीला क्लीन चिट दिली होती.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2A3XSjf
No comments:
Post a Comment