पोटशेफस्ट्रूम: जगभरातील क्रिकेट चाहत्यांचे लक्ष उद्या होणाऱ्या आयसीसी १९ वर्षाखालील वर्ल्ड कपमधील अंतिम सामन्याकडे लागले आहे. १९ वर्षाखालील क्रिकेटचा विश्वविजेता कोण होणार यासाठी भारत आणि बांगलादेश हे दोन आशियाई संघ मैदानात उतरतील. भारतीय संघाने संपूर्ण स्पर्धेत शानदार कामगिरी करत अंतिम फेरी गाठली आहे. भारतीय संघाने उद्या जर विजय मिळवला तर ते विक्रमी पाचवे विजेतेपद ठरले. अंतिम सामन्यात भारतीय संघच फेव्हरेट मानला जात आहे. तरी बांगलादेशला कमजोर मानता येणार नाही. या संघाने याआधी अनेकांना धक्के दिले आहेत. भारताच्या या ज्युनिअर संघाला सिनिअर्सनी शुभेच्छा दिल्या आहेत. या शुभेच्छांचा व्हिडिओ बीसीसीआयने सोशल मीडियावर शेअर केला आहे. विशेष म्हणजे ज्यांनी शुभेच्छा दिल्या आहेत. त्यापैकी काहींनी याआधी १९ वर्षाखालील वर्ल्ड कप जिंकला आहे. वाचा- मी तुम्हाला इतक सांगेन की, आतापर्यंत तुम्ही जसे खेळत आला आहात तसेच खेळा. अंतिम सामन्याचा अतिरिक्त दबाव घेऊ नका. नैसर्गिक खेळ करा आणि मला विश्वास आहे की कप तुम्ही घरी घेऊन याल, असे चेतेश्वर पुजाराने म्हटले आहे. भारताचा अष्ठपैलू विजय शंकर म्हणतो, ही एक मोठी संधी आहे त्याचा फायदा घ्या. तुम्हाला खुप शुभेच्छा! विकेटकीपर वृद्धीमान साहाने देखील भारतीय संघाला शुभेच्छा दिल्या आहेत. आतापर्यंत जसे खेळलात तसेच खेळा. काही फरक पडत नाही तुमच्या समोर कोणता संघ आहे, असे सहाने म्हटले आहे. वाचा- भारतीय कसोटी संघाचा उपकर्णधार अजिंक्य रहाणेने संपूर्ण देश तुमच्या पाठिशी उभा आहे. आतापर्यंत जसे खेळलात तशीच कामगिरी करा, असे म्हटले आहे. १९ वर्षाखालील वर्ल्ड कप स्पर्धेत भारत आणि बांगलादेश यांच्यात आतापर्यंत ४ लढती झाल्या आहेत. त्यापैकी ३ वेळा भारताने तर एकवेळा बांगलादेशने बाजी मारली आहे. २०००, २००२, २००४ आणि २०१८ च्या स्पर्धेत हे दोन्ही संघ एकमेकांसमोर आले होते. वाचा- भारताचा आतापर्यंतचा वर्ल्ड कपमधील प्रवास श्रीलंकाविरुद्ध ९० धावांनी विजय जपान विरुद्ध १० विकेटनी विजय न्यूझीलंडविरुद्ध ४४ धावांनी विजय ऑस्ट्रेलियाविरुद्ध ७४ धावांनी विजय सेमीफायनल- पाकिस्तानविरुद्ध १० विकेटनी विजय बांगलादेशचा आतापर्यंतचा वर्ल्ड कपमधील प्रवास झिम्बाब्वेविरुद्ध ९ विकेटनी विजय स्कॉटलंडविरुद्ध ७ विकेटनी विजय पाकिस्तानविरुद्ध सामना पावसामुळे रद्द दक्षिण आफ्रिकेविरुद्ध १०४ धावांनी विजय सेमीफायनल- न्यूझीलंडविरुद्ध ६ विकेटनी विजय
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/31EgnaN
No comments:
Post a Comment