हॅमिल्टन: न्यूझीलंडविरुद्धच्या पहिल्या वनडेत ३४७ धावांचा डोंगर उभा करून देखील भारताचा ४ विकेटनी पराभव झाला. सामन्यात भारताकडून श्रेयस अय्यरने १०३ धावांची शतकी खेळी केली तर लोकेश राहुलने नाबाद ८८ आणि कर्णधार विराट कोहलीने ५१ धावा केल्या. भारताने ४ बाद ३४७ धावा केल्यानंतर न्यूझीलंडने ११ चेंडू आणि ६ गडी राखून विजय मिळवला. न्यूझीलंडच्या रॉस टेलरने नाबाद १०९ धावांची खेळी केली. त्याने फक्त ८४ चेंडूत १० चौकार आणि ४ षटकारांसह विजयी खेळी केली. भारतीय संघाने टी-२० मालिकेत ५-० असा विजय मिळवत निर्भेळ यश मिळवले होते. पण वनडे मालिकेतील पहिल्याच सामन्यात टीम इंडियाला पराभवाचा धक्का बसला. भारतीय संघाच्या या पराभवाला एक चूक कारणीभूत ठरली. वाचा- न्यूझीलंडच्या डावात कुलदीप यादवने रॉस टेलरला बाद करण्याचा एक गोल्डन संधी गमावला. कुलदीपने टेलरचा एक कॅच सोडला ज्याचा फटाक संपूर्ण संघाला बसला आणि या दौऱ्यातील पहिला पराभव पाहावा लागला. भारताकडून रविंद्र जडेजा २३वी ओव्हर टाकत होता. या ओव्हरमधील तिसऱ्या चेंडूवर रॉस टेलरने शॉट मारला. टेलरला स्वीप शॉट खेळाचा होता पण बॅटच्या एजला लागून चेंडू हवेत उडाला. तेव्हा शॉर्ट फाइन लेगला क्षेत्ररक्षणासाठी उभा होता. कुलदीपला टेलरचा कॅच घेता आला नाही. टेलर तेव्हा १२ धावांवर खेळत होता आणि न्यूझीलंडचा स्कोअर २ बाद १२५ असा होता. कुलदीपने हा कॅच सोडल्याबद्दल जडेजा देखील नाराज झाला. तर टेलरने त्याला मिळालेल्या जीवनदानाचा योग्य फायदा घेत संघाला भारताविरुद्धचा पहिला विजय मिळवून दिला. कुलदीपने या सामन्यात १० षटकात ८४ धावा देत २ विकेट घेतल्या. वनडेमधील भारतीय गोलंदाजाने टाकलेली ही तिसऱ्या क्रमांकाची महाग ओव्हर ठरली. वाचा- टेलरने या सामन्यात वनडेमधील २१वे शतक झळकावले. तर टॉम लाथम (६९) आणि हेनरी निकोल्स (७८) यांनी अर्धशतकी खेळी केली. या विजयासह न्यूझीलंडने तीन सामन्यांच्या मालिकेत १-० अशी आघाडी घेतली. दोन्ही संघातील दुसरा वनडे सामना ऑकलंड येथे ८ फेब्रुवारी रोजी होणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3bgjdY8
No comments:
Post a Comment