भारतीय संघाची घोषणा; रोहितच्या जागी मयांक आणि शुभमनची निवड!

मुंबई: न्यूझीलंडविरुद्ध माउंट माउंगनुई येथील बे ओव्हल मैदानावर झालेल्या पाचव्या टी-२० सामन्यात रोहित शर्माच्या पायाला दुखापत झाली होती. त्यामुळे त्याला फलंदाजी करताना मैदान सोडावे लागले होते. त्यानंतर तो क्षेत्ररक्षणासाठी देखील आला नाही. त्याच्या ऐवजी केएल राहुलने कर्णधारपदाची जबाबदारी पार पाडली होती. रोहितला दुखापतीतून सावरण्यासाठी बराच वेळ लागणार असून त्यामुळेच तो उर्वरित न्यूझीलंड दौऱ्यालाही मुकणार आहे. रोहितच्या जागी मयांक अग्रवालची वनडे संघात निवड करण्यात आली आहे. बीसीसीआयने मंगळवारी सकाळी न्यूझीलंडविरुद्धच्या कसोटी संघासाठीची घोषणा केली. कसोटी संघात रोहितच्या जागी याचा समावेश करण्यात आला आहे. धडाकेबाज सलामीवीर पृथ्वी शॉला देखील न्यूझीलंडविरुद्धच्या कसोटी संघात स्थान देण्यात आले आहे. वाचा- पृथ्वी-राहुलला मयांकची साथ याला वनडे संघात स्थान देण्यात आले आहे. तो राहुल आणि पृथ्वी शॉ यांच्यासह तिसरा सलामीचा फलंदाज असेल. याआधी वेस्ट इंडिजविरुद्धच्या मालिकेत शिखर धवनला दुखापत झाली होते तेव्हा मयांकनेच सलामीचा फलंदाज म्हणून भूमिका पार पाडली होती. तर कसोटी संघात रोहितच्या अनुउपस्थितीत राहुल आणि पृथ्वीला शुभमन गिलची साथ असेल. गिलने न्यूझीलंड अ संघाविरुद्धच्या पहिल्या कसोटी सामन्यात ८३ आणि नाबाद २०४ धावा केल्या होत्या. त्याआधी दक्षिण आफ्रिका आणि बांगलादेशविरुद्धच्या कसोटी सामन्यात सलामीचा फलंदाज म्हणून तो मैदानात उतरला होता. भारत आणि न्यूझीलंड यांच्यातील तीन दिवसांच्या वनडे मालिकेला पाच फेब्रुवारीपासून सुरूवात होणार आहे. रोहितच्या दुखापतीमुळे धक्का हिटमॅन रोहित शर्माच्या दुखापतीमुळे भारतीय संघाला मोठा धक्का बसला आहे. २०१९मध्ये रोहितने सर्वच प्रकारच्या क्रिकेटमध्ये शानदार कामगिरी केली होती. न्यूझीलंडविरुद्धच्या टी-२० सामन्यात सुपर ओव्हरमध्ये त्याने दोन षटकार मारून विजय मिळवून दिला होता. तर अखेरच्या सामन्यात नाबाद ६० धावा केल्या होत्या. असा आहे भारताचा न्यूझीलंडविरुद्धचा कसोटी संघ विराट कोहली (कर्णधार), मयांक अग्रवाल, पृथ्वी शॉ, शुभमन गिल, चेतेश्वर पुजारा, अजिंक्य रहाणे (उपकर्णधार), हनुमा विहारी, वृद्धिमान साहा, ऋषभ पंत, आर.अश्विन, रविंद्र जडेजा, जसप्रीत बुमराह, उमेश यादव, मोहम्मद शमी, नवदीप सैनी, इशांत शर्मा (फिट असेल तर संघात समावेश होईल)

from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2v4s26U