बेंगळुरु: ऑस्ट्रेलियाविरुद्धच्या वनडे मालिकेतील विजायनंतर भारतीय संघ परदेशातील भूमीवर ५ टी-२०, ३ वनडे आणि दोन कसोटी सामने खेळण्यासाठी रवाना झाला आहे. भारतीय संघ सोमवारी रात्री सहा आठवड्यांच्या न्यूझीलंड दौऱ्यासाठी रवाना झाला. याआधी भारतीय संघाने न्यूझीलंड दौऱ्यात वनडे मालिका ४-१ने जिंकली होती. पण टी-२०मध्ये त्यांचा १-२ असा पराभव झाला होता. याशिवाय गेल्यावर्षी इंग्लंडमध्ये झालेल्या वर्ल्ड कप स्पर्धेतील सेमीफायनलमध्ये न्यूझीलंडकडून भारताचा १८ धावांनी पराभव झाला होता. गेल्या वर्षातील न्यूझीलंडमधील कामगिरी आणि ऑस्ट्रेलियाविरुद्धच्या मालिका विजयामुळे भारतीय संघाचा आत्मविश्वास वाढला आहे. आम्ही पहिल्या चेंडूपासूनच न्यूझीलंडवर दबाव राखू असा विश्वास कर्णधार विराट कोहलीने व्यक्त केला. वाचा- भारताचा जलद गोलंदाज जसप्रीत बुमराहने न्यूझीलंडला रवाना होण्याआधी एअरपोर्टवरील फोटो सोशल मीडियावर शेअर केलाय. न्यूझीलंड दौऱ्यातील टी-२० मालिकेसाठी भारतीय संघाची घोषणा झाली आहे. वनडे आणि कसोटी संघासाठी आज घोषणा होण्याची शक्यता आहे. वाचा- टी-२० मालिकेसाठीचा भारतीय संघः विराट कोहली (कर्णधार), रोहित शर्मा (उपकर्णधार), लोकेश राहुल, शिखर धवन, श्रेयस अय्यर, मनिष पांडे, ऋषभ पंत (यष्टीरक्षक), शिवम दुबे, कुलदीप यादव, युजवेंद्र चहल, वॉशिंग्टन सुंदर, जसप्रीत बुमराह, मोहम्मद शमी, नवदीप सैनी, रविंद्र जाडेजा व शार्दुल ठाकूर. असा आहे भारतीय संघाचा न्यूझीलंड दौरा >> टी-२० मालिका पहिली टी-२० : ऑकलंड- २४ जानेवारी २०२० दुसरी टी-२०: ऑकलंड- २६ जानेवारी २०२० तिसरी टी-२०: हॅमिल्टन- २९ जानेवारी २०२० चौथी टी-२०: वेलिंग्टन- ३१ जानेवारी २०२० पाचवी टी-२०: माऊंट माउंगानुई- ०२ फेब्रुवारी २०२० >> वनडे मालिका पहिली वनडे: हॅमिल्टन- ०५ फेब्रुवारी २०२० दुसरी वनडे: ऑकलंड-०८ फेब्रुवारी २०२० तिसरी वनडे : माऊंट माउंगानुई- ११ फेब्रुवारी २०२० न्यूझीलंड अ संघाविरुद्ध ३ दिवसाचा सराव सामना: हॅमिल्टन- १४ ते १६ फेब्रुवारी >> कसोटी मालिका पहिली कसोटी: २१ ते २५ फेब्रुवारी- वेलिंग्टन दुसरी कसोटी: २९ फेब्रुवारी ते ०४ मार्च- ख्राइस्टचर्च
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/368AsGV
No comments:
Post a Comment