लिंकन: भारताच्या अ संघाने न्यूझीलंडच्या अ संघावर () पुन्हा एकदा विजय मिळवला. दोन्ही संघांमध्ये झालेल्या पहिला वनडे सामना भारताने ५ विकेटनी जिंकला. भारताचा धडाकेबाज फलंदाज () पुन्हा एकदा न्यूझीलंडच्या गोलंदाजांवर तुटून पडला. पृथ्वीने या सामन्यात ३५ चेंडूत ४८ धावा केल्या. कालच पृथ्वी शॉची भारताच्या मुख्य संघात निवड करण्यात आली होती. शिखर धवन दुखापतग्रस्त झाल्यामुळे पृथ्वीचा भारताच्या वनडे संघात समावेश झाला. न्यूझीलंडविरुद्धच्या दुसऱ्या वनडे सराव सामन्यात पृथ्वीने शानदार १५० धावांची खेळी केली होती. त्यानंतर आज झालेल्या पहिल्या वनडे देखील त्याने फॉर्म कायम ठेवला. वाचा- पहिल्या वनडेत भारताने नाणेफेक जिंकून प्रथम गोलंदाजी करण्याचा निर्णय घेतला. न्यूझीलंड फलंदाजी करत ४८.३ षटकात सर्व बाद २३० धावा केल्या. रॅचिन रविंद्रन याने सर्वाधिक ४९ धावा केल्या. भारताकडून मोहम्मद सिराज याने ३ विकेट घेतल्या. वाचा- २३१ धावांचे लक्ष्य घेऊन मैदानात उतरलेल्या भारतीय संघाने २९.३ षटकात ५ विकेटच्या बदल्यात विजय मिळवला. भारताकडून पृथ्वी शॉने सर्वाधिक ४८ धावा केल्या. यात ३ षटकार आणि ५ चौकारांचा समावेश होता. दोन्ही संघातील दुसरी वनडे २४ तारखेला तर तिसरी वनडे २६ तारखेला होणार आहे. वनडे मालिकेनंतर दोन सामन्यांची कसोटी मालिके देखील खेळवली जाणार आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2ulhtMb
No comments:
Post a Comment