मुंबई: जगातील सर्वात श्रीमंत क्रिकेट बोर्ड असलेल्या भारतीय क्रिकेट नियामक मंडळाला आर्थिक चणचण भासू लागली आहे. येत्या २९ मार्चपासून सुरू होणाऱ्या स्पर्धेतील अनेक खर्चाना बीसीसीआयने कात्री लावण्याचा निर्णय घेतला आहे. आयपीएलमधील आठ संघांना पाठवलेल्या एका पत्रात बोर्डाने काही गोष्टी स्पष्ट केल्या आहेत. या वर्षाापासून आयपीएलचा उद्घाटन समारंभ होणार नाही. त्याच बरोबर प्ले ऑफ स्टॅडिंग फंडमध्ये कपात करण्यात आली आहे. वाचा- आयपीएल २०२०च्या विजेत्या संघाला १० कोटी, उपविजेत्या संघाला ६.२५ कोटी, तिसऱ्या आणि चौथ्या स्थानावरील संघाला प्रत्येकी ४.३७५ कोटी दिले जाणार आहेत. बोर्डाने यावेळी प्लेऑफ स्टॅडिंग फंडमध्ये ५० टक्क्यांची कपात करण्याचा प्रस्ताव ठेवला आहे. आयपीएल २०१९च्या हंगामात मुंबई इंडियन्स संघाला विजेता म्हणून २० कोटी तर उपविजेत्या संघाला १२.५ कोटी रुपये मिळाले होते. वाचा- खर्च कमी करण्याच्या उद्देशाने बीसीसीआयने कर्मचाऱ्यांसाठी नवे धोरण आखले आहे. आतापर्यंत उड्डाणाची वेळ ३ तासापेक्षा कमी असेल तर बिझनेस क्लासचे तिकीट दिले जाते होते. पण हा कालावधी आता ८ तास इतका करण्यात आला आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2wq4N7N
No comments:
Post a Comment