सिडनी: भारत आणि इंग्लंड यांच्यात आयसीसी महिला टी-२० वर्ल्ड कपमधील उपांत्य फेरीतील लढत आज होत आहे. सिडनी क्रिकेट मैदानावर होणाऱ्या या सामन्यात पावसामुळे खेळ सुरू होण्यास उशीर होत आहे. हवामान खात्याने दिलेल्या अंदाजानुसार आज दिवसभर पाऊस आणि ढगाळ वातावरण असेल. पावसामुळे सामना रद्द झाला तर काय होईल जाणून घेऊयात. भारतीय संघाने गट फेरीत सर्व सामने जिंकले आहेत तर इंग्लंडने ग्रुप बी मध्ये एका पराभवासह दुसरे स्थान मिळवले आहे. याच मैदानावर दुपारी ऑस्ट्रेलिया विरुद्ध दक्षिण आफ्रिका यांच्यातील उपांत्य फेरीतील दुसरी लढत होणार आहे. पावसामुळे दोन्ही सामने रद्द झाल्यास भारत आणि आफ्रिका अंतिम फेरीत जातील. पावसामुळे दोन्ही सामने रद्द झाले तर चार वेळा विश्वविजेतेपद मिळवणारा ऑस्ट्रेलिया संघ आणि एक वेळा विजेतेपद मिळवणारा इंग्लंडचा संघ स्पर्धेबाहेर होईल. अशा परिस्थितीत भारत आणि दक्षिण आफ्रिका यांच्यात अंतिम लढत होईल. भारताने ग्रुप ए मध्ये ८ गुणांसह तर आफ्रिकेने ग्रुप बी मध्ये ७ गुणांसह अव्वल स्थान मिळवले आहे. दोन्ही सामने रद्द झाले तर भारत-आफ्रिका अंतिम फेरीत पोहोचतील. पावसामुळे किंवा विजायमुळे भारत आणि आफ्रिका संघ अंतिम फेरीत पोहोचले तर ती देखील ऐतिहासिक घटना ठरले. कारण दोन्ही संघ प्रथमच अंतिम फेरीत पोहोचतील आणि महिला टी-२० विश्वाला नवा विजेता मिळेल. उपांत्य फेरीत पोहोचलेल्या संघांपैकी ऑस्ट्रेलियाने सर्वाधिक चार वेळा तर इंग्लंडने एकदा विजेतेपद मिळवले आहे. भारतीय संघ एकदाही अंतिम फेरीत पोहोचलेला नाही. भारताने याआधी २००९, २०१० आणि २०१८ मध्ये सेमीफायनलमध्ये प्रवेश केला होता. आफ्रिकेचा संघ देखील एकदाही फायनलमध्ये पोहोचलेला नाही. २०१४ मधील उपांत्य फेरी ही त्यांची सर्वोत्तम कामगिरी आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/32OvvmO
No comments:
Post a Comment