दुबई: ऑस्ट्रेलियात सुरू असलेल्या आयसीसी महिला टी-२० स्पर्धेतील पहिल्या उपांत्य फेरीत भारत आणि इंग्लंड यांच्यात लढत होणार आहे. या सामन्याआधी आयसीसीने टी-२० क्रमवारी जाहीर केली असून भारताची स्टार फलंदाज शफाली वर्माने अव्वल स्थानी झेप घेतली आहे. वाचा- वर्ल्ड कप स्पर्धेत शफालीने १६१च्या स्ट्राइकरेटने १८ चौकार आणि ९ षटकारांसह ४ सामन्यात १६१ धावा केल्या आहेत. १६ वर्षी शफालीच्या या स्फोटक कामगिरीमुळे आयसीसी क्रमवारीत तिने १९ अंकांनी उडी मारत पहिले स्थान मिळवले. शफालीसह भारताची सलामीवीर स्मृती मानधना, जेमिमा रॉड्रिग्स पहिल्या १० मध्ये आहेत. शफालीने फक्त १८ टी-२० सामन्यात अव्वल स्थान मिळवले आहे. सर्वात कमी वयात जगातील क्रमांक एकची फलंदाज होण्याचा मान शफालीने मिळवला आहे. स्पर्धेतील प्रत्येक सामन्यात शफालीने विजयाच महत्त्वाचा वाटा उचलला. स्पर्धा सुरू होण्याआधी शफाली २०व्या स्थानावर होती. फक्त चार सामन्यातील धमाकेदार खेळीमुळे ती अव्वल स्थानी पोहचली. वाचा- क्रमवारीत स्मृती मानधना सहाव्या तर जेमिमा नवव्या स्थानावर आहेत. गोलंदाजीमध्ये इंग्लंडची सोफी इकलेस्टोन पहिल्या स्थानावर असून भारताची दीप्ती शर्मा पाचव्या, राधा यादव सातव्या तर पूनम यादव आठव्या स्थानावर आहे. पूनमच्या क्रमवारीत ४ स्थानांची सुधारणा झाली आहे.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3atPxWn
No comments:
Post a Comment