रांची: कसोटी क्रिकेटमध्ये सलामीवीर म्हणून संधी मिळालेला 'हिटमॅन' यानं आपली निवड सार्थ ठरवली आहे. रांचीमध्ये आजपासून सुरू झालेल्या तिसऱ्या कसोटीच्या पहिल्याच डावात रोहितनं खणखणीत शतक ठोकलं आहे. दक्षिण आफ्रिकेविरुद्ध सध्या सुरू असलेल्या मालिकेतील त्याचं हे तिसरं तर, कारकिर्दीतील सहावं कसोटी शतक आहे. तीन सामन्यांच्या मालिकेतील पहिले दोन सामने जिंकून मालिका खिशात घातल्यानंतर आज भारतीय संघ आत्मविश्वासनं मैदानात उतरला होता. मात्र, सलामीवीर मयाकं अग्रवाल अवघ्या १० धावा करून तंबूत परतला. त्यानंतर आलेला चेतेश्वर पुजारा शून्यावर बाद झाला. तर, कर्णधार विराट कोहलीही १२ धावा करून परतला. त्यामुळं एकेवेळी भारताची अवस्था ३ बाद ३९ अशी झाली होती. एका बाजूला अशी पडझड होत असताना दुसऱ्या बाजूनं रोहितनं किल्ला लढवत शतक साकारलं. १३० चेंडूंमध्ये त्यानं हे शतक साजरं केलं. त्यात चार षटकार आणि १३ चौकारांचा समावेश होता. अजिंक्य रहाणेनं त्याला उत्तम साथ दिली. रोहित आणि रहाणेच्या भागीदारीच्या जोरावर भारतानं २०० धावांचा टप्पा ओलांडला आहे. तिन्ही प्रकारामध्ये शतकं ठोकणारे सलामीवीर रोहितनं क्रिकेटच्या तिन्ही फॉरमॅटमध्ये शतकं ठोकण्याची किमया केली आहे. या यादीत रोहितसह वेस्ट इंडिजचा धडाकेबाज फलंदाज ख्रिस गेल, न्यूझीलंडचा ब्रँडन मॅक्कलम, मार्टिन गप्टिल, श्रीलंकेचा तिलकरत्ने दिलशान, पाकिस्तानचा अहमद शहजाद, ऑस्ट्रेलियाचे शेन वॉटसन आणि बांगलादेशचा तमीम इकबाल यांचा समावेश आहे. गेल यांनी सलामीवीर म्हणून कसोटीत १५, एकदिवसीय सामन्यात २५ आणि टी-२० मध्ये दोन शतकं ठोकली आहेत. वाचा:
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/2MuzLBt
No comments:
Post a Comment