लाहोर: भारत आणि पाकिस्तान या दोन प्रतिस्पर्धी संघातील सामने म्हणजे फक्त दोन देशातील चाहत्यांसाठी नव्हे तर संपूर्ण जगभरातील प्रेक्षकांसाठी मोठी पर्वणी असायची. पण सध्या दोन्ही देशातील राजकीय संबंधांमुळे द्विपक्षीय अनेक वर्षांपासून बंद आहे. भारताने पाकिस्तानविरुद्ध २०१९च्या वर्ल्ड कपमध्ये अखेरचा सामना खेळला होता. गेल्या काही दिवसांपासून पाकिस्तानचे क्रिकेटपटू भारतीय क्रिकेट आणि खेळाडूंबद्दल बेताल वक्तव्य करून चर्चेत येत आहेत. आता पाकिस्तानचा माजी कर्णधार आणि विद्यमान पंतप्रधान याचा भारतीय क्रिकेट संघाची खिल्ली उडवली आहे. याचा एक व्हिडिओ सोशल मीडियावर व्हायरल होत आहे. वाचा- भारतीय क्रिकेट संघाबद्दल बोलताना एका कार्यक्रमात इम्रान खान म्हणाले. मला भारतीय क्रिकेट संघाबद्दल वाईट वाटते. कारण आम्ही नेहमी त्यांचा पराभव करायचो. आमच्या काळात जेव्हा शारजाह येथे सामने व्हायचे तेव्हा मी नाणेफेकला जायचो. मला भारतीय संघाच्या कर्णधाराच्या चेहऱ्यावर ताण दिसायचा. पाकिस्तान जवळ जवळ प्रत्येक सामन्यात त्यांचा पराभव करायचा आणि म्हणून मला त्यांच्याबद्दल वाईट वाटायचे. वाचा- आमच्या काळात पाकिस्तानसाठी भारतीय संघ आव्हानात्मक नव्हता. त्या काळात वेस्ट इंडिज संघाचा दरारा होता, असे इम्रान खान म्हणाले. वाचा- भारताची खिल्ली उडताना स्वत:च्या संघाची इज्जत काढली या कार्यक्रमात बोलताना इम्रानने भारतीय संघाची खिल्ली उडवली असली तरी त्यांनी सध्या भारतीय संघ पाकिस्तानच्या पुढे असल्याचे सांगितले. भारताचा संघ पाकिस्तानपेक्षा चांगला असल्याचा घरचा आहेर खुद्द पंतप्रधानांनी दिला. क्रिकेट वर्ल्ड कपचा इतिहास पाहता भारताने नेहमी पाकिस्तानचा पराभव केला आहे. या दोन्ही संघात आतापर्यंत ५९ कसोटी सामने झाले आहेत. त्यापैकी ९ भारताने तर १२ पाकिस्तानने जिंकले आहेत. वनडेचा विचार केल्यास १३२ सामन्यांपैकी ५५ भारताने तर ७३ पाकिस्तानने जिंकले आहेत. इम्रान खान यांनी भारताविरुद्धच्या २३ कसोटी सामन्यात ३ शतकांसह १ हजार ९१ धावा केल्या आहेत. तर ९४ विकेट घेतल्या आहेत. दोन्ही देशातील सर्वात यशस्वी गोलंदाजांमध्ये इम्रान दुसऱ्या क्रमांकावर आहेत. पहिल्या स्थानवर कपिल देव असून त्यांनी २९ सामन्यात ९९ विकेट घेतल्या आहेत.
from Cricket News in Marathi, क्रिकेट न्यूज़, क्रिकेट ताज्या बातम्या, Marathi Cricket News https://ift.tt/3eRYgEu
No comments:
Post a Comment